ۇيىممەن ىقپالداستىقتىڭ ۇتىمدى كورىنىسى

قازاقستاننىڭ پار­لا­مەنتتىك دەلەگاتسياسى ەۋرو­پاداعى قاۋىپسىزدىك جانە ىنتىماقتاستىق ۇيى­­مى پارلامەنتتىك اس­سام­بلەياسىنىڭ تبي­لي­سيدەگى سەسسياسىنا قاتىس­تى. ەقىۇ كەڭىستىگىندەگى قاۋىپ­سىزدىك, ەكونوميكالىق ىنتى­ماق­تاستىقتىڭ باعىتتارى, ادام قۇ­قىقتارى سالاسىنداعى وزەكتى ءما­سەلەلەر مەن قاتەرلەر, سونداي-اق, جاھاندىق كوشى-قون داعدا­رىستارىن تالقىلاۋعا ارنال­عان سەسسياعا بارعان قازاق­ستان دەلەگاتسياسىنىڭ قۇ­را­مىندا سەناتورلار يك­رام ادىر­بەكوۆ, ءلاززات قيى­نوۆ, دۋلات قۇسداۋلەتوۆ, مي­حايل بورت­نيك, سونداي-اق, ءماجى­لىس دە­پۋتاتتارى قۋانىش سۇل­تانوۆ, سۆەتلانا بىچكوۆا جانە جامبىل احمەتبەكوۆ بولدى. سەناتتىڭ حالىقارالىق قاتىناستار, قورعانىس جانە قاۋىپ­سىزدىك كوميتەتىنىڭ ءتور­اعاسى يكرام ادىربەكوۆ ەقىۇ پا ساياسي ماسەلەلەر جانە قاۋىپ­سىزدىك جونىندەگى جالپى كو­ميتەتىنىڭ وتىرىسىندا ءسوز سويلەدى. سەناتوردىڭ پىكىرىن­شە, تاياۋ شىعىستا جانە ءوڭتۇس­تىك جەرورتا تەڭىزىندەگى جانجال­داردىڭ شيەلەنىسۋى, «دايش» تەرروريستىك ۇيىمىنىڭ بۇگىن­گى قانقۇيلى ارەكەتتەرى جاع­دايىندا قاۋىپسىزدىك سالاسىن­داعى ىنتىماقتاستىق ەرەكشە ماڭىزدى. دەپۋتات بۇۇ اياسىندا بار­لىق مەملەكەتتەر ءۇشىن بىردەي ەرەجەلەر مەن قاعيداتتار بويىنشا ارەكەت ەتەتىن, تەرروريزم مەن ەكسترەميزمگە قارسى حالىقارالىق ءىس-قيمىلدىڭ بىرەگەي الەمدىك جەلىسىن قۇرۋ تۋرالى قازاقستان پرەزيدەنتى نۇرسۇلتان نازارباەۆتىڭ باس­تاماسىن ەسكە سالدى. تەر­روريزممەن جاپپاي كۇرەس ءجو­نىندەگى بۇۇ-نىڭ قۇجاتى ۇسى­نىلىپ وتىرعان حالىقارالىق تەتىكتىڭ زاڭدى نەگىزى بولا الادى, دەپ اتاپ ءوتتى سەناتور. ي.ادىربەكوۆ قاتى­سۋ­شىلاردى بيىلعى 31 مامىر­دا استانادا وتكەن, ءتۇرلى حالىق­ارالىق ۇيىمدار مەن كوپ­تەگەن ەلدەردىڭ دەپۋتات­تارى جانە ساراپشىلار قاتىس­قان «دىندەر – تەرروريزمگە قار­سى» حالىقارالىق كون­فەرەن­تسياسىنىڭ قورىتىن­دى­لارىمەن تانىستىردى. «ءبىز ەقىۇ پار­لامەنتتىك اسسام­بلەيا­سى­نىڭ باس حاتشىسى روبەرتو مون­تەللوعا, ەقىۇ پا ۆيتسە-پرە­زي­دەنتى كريستين مۋت­تونەن­گە, الان نەريگە, گيلي تسەرە­تەليگە, سونداي-اق, ءبىزدىڭ ءارىپ­تەس­تەرگە وسى فورۋمعا بەلسەندى قاتىس­قانى جانە سىندارلى سوزدەرى مەن ۇسىنىستارى ءۇشىن العىس ايتامىز», دەدى ي.ادىربەكوۆ. «حەلسينكي قورىتىندى اكتىسىندە جانە پاريج حارتيا­سىندا بەكىتىلگەن قاعيدالار ەۋروپالىق قاۋىپسىزدىكتىڭ ورتاق جۇيەسىنىڭ نەگىزى بولىپ تابىلادى. ەگەر دە قانداي دا ءبىر كۇمان بولسا, ءبىز 2010 جىلعى – بار-جوعى بەس جىل بۇرىنعى استانا ءسامميتىنىڭ دەكلاراتسياسىن ەسكە الۋعا ءتيىسپىز. ءبىزدىڭ مەملەكەتتەرىمىز بەن ۇكىمەتتەرىمىز باسشىلارىنىڭ استا­ناداعى كونسەنسۋسى نە­گى­زىندە كەلىسىلگەن, ەۋرو­اتلانتيكالىق جانە ەۋرازيالىق قاۋىپسىزدىك قوعامداستىعىنىڭ ۇيعارىمدارىن ىسكە اسىرۋ باعىتىنداعى جۇمىستار ءبىزدىڭ ورتاق جوعارى باسىمدىعىمىز بو­لۋى ءتيىس», دەلىنگەن ءمالىم­دەمەدە. سەناتور, سونداي-اق, جينال­عانداردى 28 ماۋسىمدا قا­زاقستاننىڭ 2017-2018 جىل­دارعا بۇۇ قاۋىپسىزدىك كەڭە­سىنىڭ تۇراقتى ەمەس مۇشەسى بولىپ باسىم داۋىسپەن سايلان­عانى تۋرالى حاباردار ەتتى. «بىزگە 138 ەل داۋىس بەر­دى, وسىنداي جوعارى سەنىم ءبىل­دىر­گەندەرگە ءبىزدىڭ العىسىمىز شەكسىز. ءبىزدىڭ ەلىمىز حالىق­ارا­لىق قوعامداستىقتاعى وزەكتى ماسەلەلەردى تالقىلاۋعا جانە شەشۋگە بەلسەندى قاتىسۋ ءۇشىن بار كۇشىن سالادى», دەلىنگەن قازاقستان دەلەگاتسياسىنىڭ سوزىندە. قازاقستان دەلەگاتسياسىنىڭ سوزىندە, سونداي-اق, ەقىۇ پا جانە دياقب سايلاۋدى باي­قاۋ جونىندەگى ميسسيالارىنا العىس ايتىلدى جانە ەلىمىز قا­بىلداعان حالىقارالىق ءمىن­دەتتەمەلەرگە سايكەس سايلاۋ زاڭناماسىن جەتىلدىرۋ ۇدە­رىس­تەرى جالعاسا بەرەتىنى اتاپ كورسەتىلدى. «ەگەمەن-اقپارات»