استانادا قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ جۇلدەسى ءۇشىن قازاق كۇرەسىنەن «قازاقستان بارىسى-2016» رەسپۋبليكالىق ءتۋرنيرى ءوتتى.
فينالدا 2012 جانە 2015 جىلى «قازاقستان بارىسى» اتاعىن يەلەنگەن بەيبىت ىستىباەۆ پەن بۇعان دەيىن جارىستىڭ قولا جۇلدەگەرى اتانعان جۇمانازار ەرسۇلتانوۆ كەزدەستى. بەلدەسۋدە ءتۋرنيردىڭ ەكى دۇركىن جەڭىمپازى ىستىباەۆ تاعى دا التىن تايتۇياقتى جەڭىپ الىپ, ءتۋرنيردىڭ ءۇش دۇركىن جەڭىمپازى اتاندى. بيىلعى بەلدەسۋدە جامبىل وبلىسىنىڭ تاعى ءبىر وكىلى قۇرمەت تۇعىرىنا كوتەرىلدى. قولا جۇلدەنى ايبول ايتبەك يەلەندى.
«قازاقستان بارىسى-2016» تۋرنيرىنىڭ جەڭىمپازى – بەيبىت ىستاباەۆقا 25 ملن. تەڭگە, التىن تايتۇياق جانە استانادان ءبىر بولمەلى پاتەر بەرىلدى. ەكىنشى ورىن العان جۇمانازار ەرسۇلتانوۆقا 5,5 ملن.تەڭگە, ءۇشىنشى ورىن يەگەرىنە 1,8 ملن. تەڭگە كولەمىندە سىيلىق تابىس ەتىلدى.
ايان ءابدۋالي.
فوتو: ورىنباي بالمۇرات.
