قىتاي الەمدى باسقارۋ قۇرىلىمىنا قاتىسۋعا دايىن

الەمنىڭ ءتارتىبى الدەقانداي ءبىر مەملەكەتتىڭ ىقپالىمەن ەمەس, ول حالىقارالىق قاۋىمداستىقتىڭ ءوزارا كەلىسكەن ءىس-قيمىلى ناتيجەسىندە قالىپتاسۋعا ءتيىس. قىتاي كومپارتياسىنىڭ 95 جىلدىعىنا ارنالعان سالتاناتتى جيىندا سويلەگەن سوزىندە پارتيا ورتالىق كوميتەتىنىڭ باس حاتشىسى سي تسزينپين وسىلاي دەدى. «سينحۋا» اگەنتتىگىنىڭ حابارلاۋىنشا, قىتاي جالپى الەمدىك جۇيەنى باسقارۋدى جاساۋعا بەلسەندى تۇردە قاتىسىپ, بۇل جۇيەنىڭ جەتىلمەگەن جاقتارىن تولىقتىرۋعا اتسالىسۋعا ءازىر. «حالىقارالىق ءتارتىپ پەن باسقارۋدىڭ كەڭ اۋقىمدى جۇيەسى الەم مەن جۇرتقا پايدا اكەلۋى ءتيىس, ال بارلىق ەلدەر تۇرعىندارىنىڭ يىقتارىنا حالىقارالىق ءتارتىپ قانداي بولۋى كەرەك جانە قانداي كەڭ اۋقىمدى باسقارۋ جۇيەسى پايدا اكەلەدى دەگەن مىندەتتەر تۇسەتىن بولادى», - دەپ اتاپ ءوتتى سي تسزينپين. «ءبىز كۇللى الەمنىڭ جۇرتتارىمەن بىرگە الەمدىك ءتارتىپ پەن باسقارۋدىڭ كەڭ اۋقىمدى جۇيەسى ادىلدىك پەن كەمەل وي باعىتىنا قاراي قالاي قوزعالۋى كەرەكتىگى جونىندە جۇمىس جاسايتىن بولامىز», - دەدى قىتاي باسشىسى. ول بۇكىل الەم حالىقتارىنىڭ مۇنى جاساي الاتىنىنا سەنىم ءبىلدىردى. تالعات رايىمبەك.