«جاۋجۇرەك»

اتىراۋلىق اسپاز ەكسپو-2017 كورمەسىنە وسىنداي ۇلتتىق تاعامدى ۇسىنادى يندەر اۋدانىنىڭ ەل­تاي اۋىلىندا تۇراتىن گۇلجان شاكيموۆا ۇزاق جىلدان بەرى اسپازدىق ماماندىق يگەرگەن. ءدامى ءتىل ۇيىرەر تاعامنىڭ سان الۋانىن دايىن­دايتىن شەبەر ەندى 2017 جىلى ەلىمىزدە وتەتىن ەكسپو كورمەسىنە قاتىسۋعا ءمۇم­­كىندىك الىپ وتىر. ءاري­نە, حا­لىقارالىق كور­مەنى تا­ماشالاۋشىلار قا­تارىندا ەمەس, وسىعان وراي ەلىمىزگە كەلەتىن شەت­­ەلدىك قوناقتارعا ارنايى «جاۋجۇرەك» دەپ اتالاتىن ۇلتتىق تاعامدى ازىرلەپ بەرەدى. ول مۇنداي مۇمكىن­دىككە قالاي قول جەت­كىز­دى؟ اسپاز­دىڭ پىكى­رىن­شە, بۇعان دەيىن ەكسپو-2017 كورمەسىنە اس ازىرلەۋشىلەردىڭ رەس­پۋب­ليكا­لىق كونكۋرسىنا قاتىسىپتى. سون­دا باق سىناعان 300 تاڭ­داۋلى اسپازدىڭ اراسىنان جۇلدەلى ورىنعا يە بولىپتى. وسىلايشا, ەن­دى ول قازاقتىڭ ۇلت­تىق تا­عامىنىڭ ءبىرى – «جاۋ­جۇ­رەكتى» ەكسپو-2017 كور­مەسىنە ۇسى­نۋ قۇقىعىن يەلەنىپتى. – بۇل تاعام سيىردىڭ جۇرەگىنەن دايىندالادى. حالقىمىزدىڭ ءداستۇرى بو­يىنشا ەرتەدە انالارىمىز ۇلدارىنا جاۋعا اتتانار الدىندا رۋحىن كوتەرۋ ءۇشىن وسى اس­­تى دايىنداپ بەرگەن عوي. وعان ءسابىز, كۇرىش, ءتۇرلى دامدەۋىشتەر مەن بۇ­رىش قوسامىن. قي­يا­ر مەن قىزاناقتى تاعام­دى ادەمىلەۋ ماقسا­تىندا قول­­دانامىن. «جاۋ­جۇ­رەك» بويعا ءسىڭىمدى, كۇش-قۋات بەرەتىن كالوريالى تاعام تۇرىنە جاتادى, –دەيدى اس­پاز گۇلجان شاكيموۆا. جولداسبەك شوپەعۇل, «ەگەمەن قازاقستان» اتىراۋ وبلىسى.