استاناعا ارنالعان ون كۇن

كەشە ەلباسى كىتاپحانا­سىندا «اشىق ەسىك كۇن­دەرى» مەرەكەلىك ونكۇندىگى سالتاناتتى تۇردە اشىل­دى. شارا ەلوردامىزدىڭ تۋ­عان كۇنىنە وراي ۇيىمداس­تى­رىلعانىن ەستەرىڭىزگە سالامىز.  «ءبىز بيىلعى جىلى ەلىمىز­دىڭ تاريحىنداعى تاعى ءبىر ەرەكشە بەلەسكە جەتتىك. ەل تاۋەل­سىزدىگىنىڭ 25 جىلدىعى. بۇل داتا وتكەن ءومىرىمىزدىڭ پاراعىندا التىن ارىپپەن تاڭبالانارى ءسوزسىز. قازاقستاننىڭ الەۋمەت­تىك-ەكو­­نوميكالىق قارىشتاپ دا­مۋى­نىڭ, الەم تانىعان ءمار­تە­بەلى مەم­لەكەت بولىپ قالىپ­تاسۋى­نىڭ ايقىن ايناسى – استانا دەسەك, ارتىق ايتقاندىق بولماس. ەلوردامىزدىڭ 18-ءشى تۋعان كۇنى تاۋەلسىزدىكتىڭ 25 جىلدىعى­مەن تۇسپا-تۇس كەلىپ وتىرعا­نىن ايرىقشا اتاپ وتكەن ابزال. وسى ورايدا ۇيىمداستىرى­لىپ وتىرعان بۇگىنگى كورمە­نىڭ ما­ڭىزى جوعارى. سەبەبى, ول كەشەگى كۇنى مەن بۇگىنگى كۇن­نىڭ ارا­سىنداعى التىن كوپىر ءىس­پەتتى», – دەدى مەملەكەتتىك حات­شى گۇلشارا ابدىقالىقوۆا. مەرەكەلىك شارا بارىسىندا مەيماندار استانا كۇنىنە ارنال­عان كورمەلەرمەن تانىستى. ولار­دىڭ ىشىندە – «ەلباسى الەمى: تۇلعا. ساياساتكەر. جاسامپاز» تا­قىرىبىنداعى مۇراعات قۇجاتتارى فوتودەرەكتەرىنىڭ كورمەسى بار. وندا ەلباسى ن.ءا.نازارباەۆتىڭ جاسامپاز ىستەرىن پاش ەتەتىن جانە جاڭا ەلوردامىزدىڭ تاري­حىنان سىر شەرتەتىن مۇراعات قۇجاتتارى ۇسىنىلعان. كورمە جاس بۋىن­نىڭ رۋحاني-ادامگەرشىلىك قۇندىلىقتارىن دامىتۋعا, وسكەلەڭ ۇرپاقتىڭ بويىندا ازا­ماتتىق جاۋاپكەرشىلىكتى جانە وتانسۇيگىشتىكتى قالىپتاستىرۋعا باعىتتالعان. كورمە اۆتورلارى قازاقستان رەسپۋبليكاسىنىڭ تۇڭعىش پرەزيدەنتى – ەلباسىن تۇلعا, الەمدىك دەڭگەيدەگى ساياساتكەر, ەلدىڭ قوعامدىق-ساياسي ءھام الەۋ­مەتتىك-ەكونوميكا­لىق ءومى­رىن­دەگى كورەگەندىك جانە جاسامپاز وزگەرىستەردىڭ باستا­ماشىسى, جە­تەك­شىسى ءارى قاتىسۋ­شى رەتىندە سيپاتتايتىن تۇپنۇسقالىق تاريحي قۇجاتتارىن ۇسىنعان. «ەستەلىككە قولتاڭبا» كورمەسى شەتەل مەملەكەتتەرى باس­شى­لارى­نىڭ, تانىمال تۇلعالاردىڭ ەلباسىنىڭ اتىنا سىيعا بەرىلگەن بىرەگەي سۋرەتتەرمەن ەرەكشەلەندى. ەكس­پوزيتسياعا 40 ەرەكشە فوتو­قۇجاتتار ۇسىنىلدى. ولار­دىڭ قاتارىندا اقش پرەزيدەنتى ب.كلينتوننىڭ, في­ليپپين پرەزيدەنتى گ.م.ار­رويونىڭ, اقش ۆيتسە-پرەزيدەنتى ا.گوردىڭ, حانزادا چارلزدىڭ قولتاڭبالارى بار سۋرەتتەر قويىلعان. ال «استانانىڭ بولاشاعى – بالالاردىڭ كوزىمەن» تاقىرى­بىن­داعى كورمەدە ەلى­مىزدىڭ جانە ەلوردامىزدىڭ, ۇلتتىق مادە­نيەتتىڭ دامۋ تاري­حىنا ارنال­عان بالعىنداردىڭ سۋرەتتەرى كور­سەتىلگەن. استانالىق بالالار ءوز­دەرى­نىڭ ويلارى مەن ارماندارىن بەينەلەۋ ونەرى ارقىلى جەت­كىزۋگە تىرىسقان. سونىمەن بىرگە, «ەۋرازيا جۇرەگىندە» فوتو­كور­­مەسىندە قازاقستان جۋرنا­ليس­­تەر وداعىنىڭ مۇشەسى الەك­ساندر پارحومەنكونىڭ ءتولتۋىن­دى­لارى پاش ەتىلدى. وندا استانا قالا­سى­نىڭ كورىنىستەرىنە ارنالعان 60 فو­تو­سۋرەت كوزدىڭ جاۋىن الادى. تا­نى­مال فوتوسۋرەتشى ونەرسۇيەر قاۋىم ءۇشىن ءدارىس وقىپ, 15 جىل بۇ­رىن مەملەكەت باسشىسىنىڭ پاۆ­لو­دار وبلىسىنا جاساعان ءىسسا­پا­رىنىڭ سۋرەتتەرى بار ديسكىنى ەلبا­سى­نىڭ كىتاپحاناسىنا سىيعا تارتتى. وسىلاردىڭ اراسىندا الەم چەمپيونى, حالىقارالىق گروسس­مەيستەر دارمەن ءسادۋا­قاسوۆ­تىڭ شاحمات بويىنشا شەبەرلىك سىنىبىن وتكىزگەنى, ەكى مارتە الەم چەمپيونى, «قازاقستان رەس­پ­ۋب­ليكاسى توعىزقۇمالاق سپورتى فەدەراتسياسىنىڭ» اتقا­رۋشى ديرەكتورى سەرىك اقتاەۆ توعىزقۇمالاق بويىنشا جارىس جانە شەبەرلىك سىنىبىن ۇيىم­داس­تىرعانى كورەرمەن ءۇشىن قىزىقتى بولدى. ونىڭ بارلىعى ەلوردامىزدىڭ تۋعان كۇنىنە ارنالعانىن ايتا كەتسەك دەيمىز. جوعارىدا اتاپ وتكەن مەرە­كەلىك شارالار شىلدەنىڭ 1-ىنەن 10-نا دەيىن جالعاسادى. راۋان قايدار, «ەگەمەن قازاقستان»