قورعانىس مينيسترلىگىنىڭ القا ءماجىلىسى

كەشە سەلەكتور پىشىمىندە قورعانىس ۆەدومستۆوسىنىڭ باسشىسى يمانعالي تاسماعامبەتوۆتىڭ توراعالىعىمەن القا ءماجىلىسىنىڭ وتىرىسى ءوتتى.  كۇن تارتىبىندە اسكەرلەردىڭ ءمۇد­دە­سىن تىكەلەي قوزعايتىن ءۇش ما­ڭىز­دى ماسەلە قارالدى. ءبىرىنشى ماسەلە ديۆەرسياعا قارسى قاۋىپسىزدىك پەن اسكەري وبەكتىلەردى قورعاۋ ءجونىن­دەگى احۋالدى كورسەتتى. كەلەسى اسكەر­لەردى ينسپەكتسيالاۋ جانە تەك­سەرۋ ماسەلەلەرىن جەتىلدىرۋ قاراس­تىرىلدى. سەبەبى, بۇل تاقىرىپتىڭ وزەكتىلىگى وتكىزىلەتىن تەكسەرىستەردىڭ ناتيجەلەرىمەن تۋىندادى. سوڭىندا اسكەري-اۋە كۇشتەرىندەگى ءىستىڭ جاي-كۇيىنە ەرەكشە نازار اۋدارىلدى. اسكەري تەحنيكا دامىعان سايىن جاۋىنگەرلەردىڭ الدىندا تۇر­عان تاپسىرمالار دا كۇردە­لەنە تۇسەدى. ولاردىڭ كولەمى ۇلعايا­دى, جۇ­مىس­تارىنىڭ سيپاتى وزگە­رە­دى, مورالدىق, مورالدىق-پسي­حو­لوگيا­لىق جانە فيزيكالىق جۇك­تەم­ە­لەرى ارتادى. ال بۇل جەكە قۇرام­نىڭ سانا-سەزىمىنىڭ ءوسۋىن قاجەت ەتە­دى. وسىلايشا, ءبولىم­نىڭ جاۋى­ن­گەر­لىك ازىرلىگى ءاربىر اسكەري قىز­مەت­شى­نىڭ جاۋىنگەرلىك ءازىرلى­گىنەن قالىپتاسادى. «اسكەري ءتارتىپ اسكەرلەردىڭ جاۋىن­­گەرلىك ازىرلىگىن قامتاماسىز ەتۋدىڭ ماڭىزدى شارتتارىنىڭ ءبىرى بولىپ تابىلادى. سونداي-اق, ول ءاس­كەري بولىمدە اسكەري قىز­­مەت وتكەرۋ قاۋىپسىزدىگىن, قاجەت­­تى ماتە­­ريالدىق-تۇرمىستىق جاع­­داي­­دى قام­تاماسىز ەتەتىن ءمۇم­كىن­دىك تۋعى­زۋ­مەن قول جەت­كىزى­لە­دى. بۇل تار­ماق بويىنشا ءارتۇر­لى دەڭ­گەي­دەگى كو­مان­ديرلەر تو­لىق جۇ­مىس ات­قار­­ماي­دى. سال­­دا­رى­نان ءبىز سارباز­دار­­دان ايى­رى­­لىپ وتىرمىز جانە بۇل تۋرا­لى بار­لىق­تارىڭىز جاقسى بىلە­­­س­ىز­دەر», دەپ  اتاپ وتكەن قور­عا­­نىس ۆەدومست­ۆو­سىنىڭ باسشىسى يمان­عالي تاسماعامبەتوۆ اسكەري ءتار­­تىپ­­تىڭ قاتاڭ جانە مۇلتىكسىز ساق­­تالۋى­­نا قول جەتكىزۋگە تاپسىرما بەردى.  «ەگەمەن-اقپارات»