ونەر مەن ادەبيەت وكىلدەرىنىڭ پىكىرى

دۋلات يسابەكوۆ, جازۋشى-دراماتۋرگ, مەملەكەتتىك سىيلىقتىڭ لاۋرەاتى: – بىرىككەن ۇلتتار ۇيىمىنىڭ قاۋىپسىزدىك كەڭەسىنىڭ ەسىگىن اشىپ, بۇل ۇيىمعا مۇشە بولۋ – قازاق­ستان­نىڭ تاۋەلسىزدىگىن نىعايتا تۇسەدى, قاۋىپسىزدىگىن قامتاماسىز ەتەدى دەگەن ءۇمىت بار. قازاقستان دەربەس مەم­لەكەت رەتىندە حالىقارالىق  مىنبەردە الەمدىك ماسەلەلەر بويىنشا ءوز تۇ­جىرىمىن بىلدىرۋگە, وزگە دە ءور­كە­نيەتتى دامىعان ەلدەرمەن ءپى­كىر تا­لاستىرۋعا, ءوز ەلىنىڭ مۇددە­سىن قور­عاۋعا مۇمكىندىك الادى دەپ سەنەمىن. سماعۇل ەلۋباي, جازۋشى-دراماتۋرگ, قازاقستان رەسپۋبليكاسىنىڭ ەڭبەك سىڭىرگەن قايراتكەرى: – قازاقستاننىڭ بۇۇ قاۋىپسىزدىك كەڭەسىنە ۋاقىتشا مۇشە بولۋى تاۋەلسىز ەلىمىز جەتكەن تاريحي تابىس. حالىقارالىق دەڭگەيدە قازاق­ستان­نىڭ ساياسي ويىنشىعا اينالۋىنىڭ دالەلى دەپ بىلەمىن. بۇل دارەجەگە قازاق­ستان نۇرسۇلتان ءابىش ۇلى نازار­باەۆتىڭ ارقاسىندا قول جەت­كىزىپ وتىر. ەلباسىنىڭ قازاق پاسسيو­نار­لىعىنىڭ سيمۆولى ەكەنىنە تاعى دا كوزىمىز جەتتى. دارەجان ومىرباەۆ, كينورەجيسسەر, كينوتانۋشى, قازاقستاننىڭ «قۇرمەت», فرانتسيانىڭ «ادەبيەت جانە ونەر» وردەندەرىنىڭ يەگەرى: – قازاقستاننىڭ بۇۇ قاۋىپ­سىز­دىك كەڭەسىنە مۇشە بولىپ ساي­لانۋى ءبىزدىڭ بارلىعىمىز ءۇشىن تاۋەلسىز ەلىمىزدىڭ ۇلكەن جەتىس­تىگى, مەملەكتىمىزدىڭ ەل بولىپ قالىپ­تاس­قاندىعىنىڭ تاعى ءبىر بەلگىسى بولىپ تابىلادى. مە­نىڭ ويىمشا, مۇنداي جەتىستىككە جە­تۋىمىزگە ونەر مەن عىلىم سالا­سىن­­داعى, سونىڭ ىشىندە – كينو ونەرىن­دەگى ءبىزدىڭ فيلم­دەرىمىزدىڭ حالىق­ارالىق فەستيۆال­دارداعى العان جۇلدەلەرى دە سەبەپكەر بولدى دەپ ويلايمىن. ءسۇلتانالى بالعاباەۆ, جازۋشى-دراماتۋرگ, قازاقستان رەسپۋبليكاسىنىڭ ەڭبەك سىڭىرگەن قايراتكەرى: – قازاقستان رەسپۋبليكاسى تاۋەلسىزدىك العاننان بەرگى ۋاقىت­تا بۇكىل الەم تانىعان, مويىنداعان ەڭ الدىڭعى قاتارلى مەملەكەت­تەر­دىڭ بىرىنە اينالدى. بۇل قا­زاق­ستان رەسپۋبليكاسىنىڭ تۇڭ­عىش پرەزيدەنتى, ەلباسى ن.ءا.نازارباەۆ­تىڭ مەملەكەت باسشى­سى رەتىندە ءتۇن ۇيقىسىن ءتورت ءبولىپ, تىنباي جۇرگىزىپ كەلە جاتقان قا­جىر­لى ەڭبەگىنىڭ ناتيجەسى ەكەندىگى انىق. مىنە, ەلباسىنىڭ وسىنداي ابىروي­لى بەدەلىنىڭ ناتيجەسىنە ەلى­مىز تاعى ءبىر اسا ماڭىزدى تاريحي جەڭىسكە جەتتى. قازاقستان رەس­پۋب­­ليكاسى بۇۇ-نىڭ قاۋىپسىزدىك كەڭە­سىنە تۇراقتى ەمەس مۇشە بولىپ ساي­لانۋى – سونىڭ ايعاعى. وسىعان وراي, الداعى ۋاقىتتا قازاق­ستان بۇكىل الەمدىك دەڭگەيدە تالقىعا تۇسەتىن ماسەلەلەر جونىندە شەشىم قابىل­داۋعا ناقتى ىقپال جاساي الاتىن دەڭگەيگە كوتەرىلىپ وتىر. بۇل قازاق ەلى عانا ەمەس, جالپى بۇكىل ورتا­لىق ازيا مەملەكەتتەرىنىڭ تۇن­عىش رەت قول جەتكىزگەن ساياسي جەڭىسى ەكەندىگى انىق. الماتى