بۇكىل تۇركى جۇرتى ءۇشىن ماڭىزدى وقيعا

استانا قالاسىندا تۇركى اكادەمياسى حالىقارالىق ۇيىمى (TWESCO) قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىنا بايلانىستى جيىن وتكىزدى. ءىس-شاراعا تۇركى ەلدەرى ديپ­لوماتيالىق ميسسيالارى­نىڭ, اتاپ ايتقاندا, ازەربايجان رەسپۋبليكاسىنىڭ, موڭعوليا­نىڭ, تۇرىك رەسپۋبليكاسى­نىڭ قازاقستانداعى ەلشىلىك ديپ­لو­ماتتارى, مەملەكەت جانە قوعام قايراتكەرلەرى, كورنەكتى عالىمدار مەن زيالى قاۋىم وكىلدەرى جانە جۋرناليستەر قاتىستى. باسقوسۋدى جۇرگىزگەن اكادەميا باسشىسى دارحان قىدىرالى تاۋەلسىز قازاقستان ومىرىندەگى تاريحي وقيعانىڭ ماڭى­زىنا توق­تالدى. «بۇل – قازاقستان رەس­پۋبليكاسىنىڭ پرەزيدەنتى ن.ءا.نازارباەۆتىڭ حالىقارالىق ارە­ناداعى بيىك بەدەلىنىڭ كورىنىسى جانە قازاق ەلىنىڭ تاۋەلسىزدىك العان 25 جىل ىشىندەگى بەيبىتسۇيگىش باس­تامالارىنا بەرىلگەن لايىقتى باعا. يادرولىق قارۋدان باس تارت­قان سارابدال ساياسات پەن بىتىمگەرشىلىك قاعيدالارىن بە­رىك ۇستانۋدىڭ جەمىسى. ب­ۇگىن­گى­دەي الماعايىپ زاماندا قازاق­ستاننىڭ بۇۇ قاۋىپسىزدىك كەڭەسىنە تۇراقتى ەمەس مۇشە بو­لىپ سايلانۋى الەمدەگى ءتيىمدى ىق­پالداستىققا بايلانىستى ىزگى ۇستانىمداردى جالعاستى­رىپ, جۇزەگە اسىرۋعا مۇمكىندىك بەرە­تىنىنە سەنىمدىمىز», – دەدى د.قىدىرالى. جيىنعا قاتىسۋشىلار قازاق­ستاننىڭ وسىنداي مارتەبەگە يە بولۋى كورشىلەس ايماقتار مەن بۇكىل تۇركى الەمى ءۇشىن ماڭىزدى وقيعا ەكەنىن ايتىپ, پايىمدى پىكىرلەرىن ورتاعا سالدى. «ەگەمەن-اقپارات»