وتانىمىز عالام تىنىشتىعىنا قىزمەت ەتەدى

«باق باعالاي بىلگەننىڭ باسىندا تۇرادى», دەيدى وبلىستىق ءماسليحاتتىڭ دەپۋتاتى, كاسىپكەر راشكۇل وسپاناليەۆا. دۇنيە جۇزىندە ەكى جۇزگە تارتا مەملەكەت بار. سونىڭ ىشىندە بىرىككەن ۇلتتار ۇيىمى قاۋىپسىزدىك كەڭەسىنە داۋىس بەرگەن مەملەكەتتەردىڭ 138-ءى قازاقستان كانديداتۋراسىن قولداۋى ەلىمىز ءۇشىن ماقتانىش قانا ەمەس, مەملەكەتتىڭ, حالىقتىڭ مەرەيى, حالىقارالىق بەدەلى. وسىعان وراي ر.وسپاناليەۆامەن وي بولىسكەن ەدىك. – ورتالىق ازيا مەم­لە­كەت­تەرىنىڭ ىشىنەن تۇڭعىش رەت ۇسى­نىلعان قازاق­ستانعا باسىم داۋىس بەرىلۋىنىڭ سىرى نەدە دەپ ويلايسىز؟ بۇۇ قاۋىپسىزدىك كەڭە­سى­نىڭ قۇرامىندا كولدەنەڭ كوك ات­تى وتىرمايدى, ولار­دىڭ قازاقستانعا قۇسى ءتۇسۋىن قالاي تۇسىندىرەسىز؟ – حالقىنىڭ سانى ءجۇز ميلليوننان اسسا دا حالىقارالىق سىندا بەدەلى كەم, ەكونوميكالىق قۋاتى ءالسىز, «شىقپا جانىم شىقپامەن» جۇرەتىن مەملەكەتتەر دە بولادى. ال, حالقىنىڭ سانىمەن ماقتانا الماسا دا الەمنىڭ بەيبىتشىلىك ماقساتىنداعى جۇمىستارىنا سۇبەلى ۇلەسىن قوسىپ جۇرەتىن مەملەكەت باسشىلارى دا بولادى. سونىڭ بىرەگەيى – نۇرسۇلتان ءابىش ۇلى نازارباەۆ. ءبىزدىڭ ەلباسىمىز ەشقاشان بەيبىت ماقسات­تان اينىعان ەمەس. دۇنيە ءجۇزىنىڭ تىنىش­تىعى ءۇشىن قولىنان كەلگەنىن حالىقارالىق كەڭەستەردە ىسىمەن دە, ءسوزى­مەن دە كورسەتىپ جۇرەدى. بۇكىل اتا-بابالارى­مىز­دىڭ ومىرلىك ارمانى بولعان تاۋەلسىز­دىگى­مىزدى العاندا قولىمىزداعى يادرولىق قارۋدان باس تارتتىق. ەلباسىمىزدىڭ وسى باستاماسىن بەيبىت ءومىردى سۇيەتىن بارشا حالىق قولدادى. ءويت­كەنى, تاقىمىڭنىڭ استىنا سان ميلليونداعان ادامدارعا اجال قۇشتىراتىن يادرولىق قارۋدى باسىپ وتىرۋ مەملەكەتتىڭ قاۋىپ­سىز­دىگى ءۇشىن زور قاتەر بولار ەدى. قازاقستان مەملەكەتىنىڭ باسشىسى نۇرسۇلتان نازارباەۆتىڭ ۆاشينگتوندا وتكەن كەڭەستە جاھاندىق جانە وڭىرلىك ماسەلەلەردى رەتتەۋگە, يادرولىق قارۋسىزدانۋ مەن ونى تاراتپاۋعا بايلانىستى ۇسىنىستارى بەيبىت ءومىردى سۇيەتىن دۇنيەجۇزى حالقىنىڭ زور ىقىلاسىنا يە بولدى. – ازيا ەلدەرىنەن قازاقستاننىڭ مۇشە بولىپ سايلانۋىنىڭ زاڭدىلىعى وسىنداي سەبەپتەردەن دەيسىز عوي؟ – ارينە, سۇيىكتى وتانىمىزدىڭ الەم تاعدىرى شەشىلەتىن ايتۋلى كەڭەسكە مۇشە بولۋىنان تەك ءبىز عانا ەمەس, دۇنيەجۇزىندەگى بارلىق ۇلتتار مەن ۇلىستار جاقسىلىق كورەدى. – اڭگىمەڭىزگە راحمەت. اڭگىمەلەسكەن باقتيار تايجان, «ەگەمەن قازاقستان» وڭتۇستىك قازاقستان وبلىسى