«وتىراردا» عاسىرلىق كىتاپ cاقتالۋدا

شىمكەنتتەگى «وتىرار» كىتاپ­حاناسى رۋحاني جادىگەرلەردىڭ ورتا­لىعىنا اينالىپ كەلەدى. كىتاپ­قۇمار قاۋىم ۇيىندەگى قۇندى توپتامالاردى جالعىز ءوزى تۇتىنعاننان بۇكىل حالىققا تارتۋ جاساۋدىڭ ساۋاپتى ءىس ەكەندىگىن بىلەدى. وسىدان اتتاي 100 جىل بۇرىن ۇلى ابايدىڭ جارىق كورگەن كى­تا­بىن كىتاپحاناعا شولپان تولەگەنقىزى اتتى ۇستاز تاپسىرعان ەكەن. ۇلى اباي – اقىن عانا ەمەس, ۇلتىمىزدىڭ ارى مەن ۇياتى. ەر­تە­رەكتە «قازاقستان مەكتەبى» جۋر­­نا­لىندا جاۋاپتى جۇمىس جاساعان ۇلىقپان اسىلوۆ دەگەن اعامىز دۇنيەجۇزىندەگى ەڭ مىقتى اقىل­مانداردىڭ ءسوزىن جي­ناقتاپ, كىتاپ ەتىپ باستىرىپ جۇرەر ەدى. «سولاردىڭ ىشىنە ابايدى قوسار الدىندا ۇلى تۇلعامىزدى الاسارتىپ المايمىن با دەگەن قورقىنىش بولدى. اباي­دى قاتارعا قوسىپ كوردىك. ءدۇ­نيەجۇزىنىڭ ۇلىلارىنىڭ ىشىندە ءبىزدىڭ ابايى­مىز ءبىز بىلگەننەن ىرىلەنە ءتۇستى. سون­داعى قۋانعانىمىز-اي» دەگەن. الەمنىڭ ويشىلدارىمەن تە­رەزەسى تەڭ كەمەڭگەرىمىزدىڭ 100 جا­ساعان كىتابى «وتىرار» كىتاپ­حاناسىندا سيرەك قولجازبالار ءبو­لىمىندە ساق­تاۋلى. كىتاپحانا قىزمەتكەرلەرى ونى كەلەشەك ۇر­پاقتىڭ يگىلىگى ءۇشىن ەلەكتروندىق نۇسقاسىن جاساعان, ورىس تىلىنە اۋدارعان. بۇگىنگىدەي جاھاندانۋ ومىرىندە عالامتوردان كوزىن اۋدارمايتىندار كىتاپتى ەسكىلىكتىڭ سارقىنشاعى كورۋى مۇمكىن. الايدا, عالامتوردان شار­شا­عانداردىڭ الدى ءبىلىم بۇلاعى – كى­تاپقا ورالىپ كەلەدى. سونىڭ ءبىر ايعاعى «وتىرار» كىتاپحاناسىنداعى كىتاپقۇ­مار­لار­دىڭ قاتارى جىل وتكەن سايىن مولايىپ كەلە جاتقاندىعى. جاستار كوپ. «عىلىم تاپپاي ماق­تانبا» دەيتىن ۇلى ابىز وسيەتى جاستاردىڭ ومىرلىك ماقسات-مۇراتىنىڭ باستاۋىنا وسىلاي قىزمەت ەتىپ جاتىر. باقتيار تايجان, «ەگەمەن قازاقستان» وڭتۇستىك قازاقستان وبلىسى