ىلە الاتاۋىندا قار بارىسى فوتو-بەينە جازباعا ءتۇسىپ قالدى (فوتو)

[caption id="attachment_49286" align="aligncenter" width="700"] فوتو: facebook.com[/caption] قازاق گەوگرافيالىق قوعامى مەن زوولوگيا ينستيتۋتى بىرلەسىپ «قار بارىسىن قۇتقارىپ قالايىق!» دەگەن اتپەن قار بارىسىن ساقتاپ قالۋ جوباسىن جۇزەگە اسىرعانىنا دا ءبىرشاما ۋاقىت بولدى. بۇعان دەيىن تالعار تاۋلارىندا قىلاڭ بەرگەن قار بارىسى جۋىردا ىلە الاتاۋىنا ورناتىلعان ارنايى فوتو-بەينە قۇرىلعىعا ىلىكتى. الەمدە 4500-7000 باس قار بارىسى بار دەپ ەسەپتەلەدى. ال قازاقستان تەرريتورياسىندا ونىڭ سانى 110-130 باس. الاتاۋدىڭ ەتەگىندەگى قار بارىسىن ساقتاپ قالۋ نيەتىمەن قازاق گەوگرافيالىق قوعامى مەن زوولوگيا ينستيتۋتى بىرلەسىپ سپۋتنيكتەن باقىلاناتىن ارنايى فوتو-بەينە قۇرىلعىنى ىلە الاتاۋىنىڭ بىرنەشە جەرىنە ورناتقان ەدى. جۋىردا سپۋتنيكتىك قۇرىلعىنىڭ وبەكتيۆىنە قار بارىسىمەن قاتار, تاۋ سىلەۋسىنى دە ءىلىندى. سپۋتنيكتىك تەلەمەتريا اپپاراتى ەلىمىزدە تۇڭعىش رەت قولدانىلىپ وتىرعان قۇرىلعى. ول ارقىلى تاۋ بارىستارىن اسپاننان بەلگىلەپ, ولاردىڭ ءجۇرۋ باعىتىن, قونىس اۋدارۋ ۇدەرىسى مەن كوبەيۋ جولدارىن ەركىن باقىلاۋعا بولادى. مۇنداي قۇرىلعىنى قازىردە نەپال, موڭعوليا, رەسەي, اۋعانستان جانە قىرعىزستان پايدالانىپ, بارىستار مەن سيرەك كەزدەسەتىن اڭداردى ءجىتى باقىلاپ كەلەدى. باقىلاۋشى عالىمداردىڭ ايتۋىنشا, فوتو-بەينە كادرعا ءتۇسىپ قالعان قار بارىسى ءوزىن الاتاۋ تابيعاتىندا ەركىن سەزىنىپ, ءومىر سۇرۋىنە قولايلى ورتادا جۇرگەندىگى بايقالادى. قانات ەسكەندىر. [caption id="attachment_49287" align="aligncenter" width="700"] فوتو: facebook.com[/caption] [caption id="attachment_49288" align="aligncenter" width="700"] فوتو: facebook.com[/caption] [caption id="attachment_49289" align="aligncenter" width="700"] فوتو: facebook.com[/caption]