قازاقستان بۇۇ قاۋىپسىزدىك كەڭەسىنە سايلاندى

قازاقستان رەسپۋبليكاسى ازيا توبى مەملەكەتتەرىنىڭ اتىنان بىرىككەن ۇلتتار ۇيىمى قاۋىپسىزدىك كەڭەسىنىڭ 2017-2018 جىلدارعا ۋاقىتشا مۇشەسى بولىپ سايلاندى. بۇل تۋرالى 2016 جىلعى 28 ماۋسىمدا نيۋ-يوركتە بۇۇ باس اسسامبلەياسىندا وتكەن داۋىس بەرۋدىڭ ناتيجەسىندە ءمالىم بولدى. داۋىس بەرۋگە قاتىسقانداردىڭ ارا­سىنان 138 مەملەكەت قازاق­ستان­نىڭ كانديداتۋراسى قولدادى. قازاق­ستاندىق ءوتىنىمنىڭ جالعىز باسە­كەلەسى – تايلاند كورولدىگى ءۇشىن 50-دەن استام مەملەكەت داۋىس بەر­دى. «بۇكىل قازاقستان ءۇشىن بۇل تاريحي كۇن, ويتكەنى, ءبىزدىڭ ەلىمىز بۇۇ جارعىسى بويىنشا جاھاندىق قاۋىپسىزدىك پەن بەيبىتشىلىكتى ساقتاۋعا وكىلەتتەنگەن ەڭ ماڭىزدى ساياسي ورگاننىڭ قۇرامىنا تاريحتا ءبىرىنشى بولىپ سايلانعان ورتالىق ازيانىڭ مەملەكەتى بولدى. بۇگىنگى ناتيجە –  قازاقستاننىڭ جانە ەلباسىمىز نۇرسۇلتان نازار­باەۆ­تىڭ جەكە تۇلعاسىنىڭ حالىق­ارالىق دەڭگەيدەگى بيىك بەدە­لىنىڭ, ونىڭ جاھاندىق جانە ءوڭىر­لىك ماسەلەلەردى رەتتەۋگە, يادرو­لىق قارۋسىزدانۋ مەن تاراتپاۋ ماسەلەلەرىن ىلگەرىلەتۋگە قوسقان بىرەگەي ۇلەسىنىڭ جارقىن ايعاعى», – دەپ مالىمدەدى وسىعان وراي قا­زاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ. بۇۇ قك-گە سايلانۋ, سونداي-اق, ءبىزدىڭ مەملەكەتىمىزدىڭ بەي­بىت­سۇيگىش دايەكتى سىرتقى جانە ىشكى ساياساتىنىڭ حالىقارالىق قوعام­داس­تىقتا جوعارى قۇرمەتتەلەتىنىن دالەلدەدى. ال ەندى انىقتاما رەتىندە ايتا كەتەتىن بولساق,  بۇۇ قاۋىپسىزدىك كەڭەسى 15 مەملەكەتتەن قۇرالعان, ولار­دىڭ بەسەۋىنىڭ تۇراقتى مۇشە­لىك مارتەبەسى بار (رەسەي, اقش, قىتاي, ۇلىبريتانيا جانە فران­تسيا), ال قالعان ونىنىڭ ارقايسىسى ەكى جىلدىق مەرزىمگە 5 وڭىرلىك توپتار­دىڭ اتىنان سايلانادى. قازاق­ستان 2017 جىلدىڭ باسىنان ازيا مەملەكەتتەرى توبىنىڭ وكىلى رە­تىندە مالايزيانى الماستىراتىن بولادى. «ەگەمەن-اقپارات»