25 جىلدىق مەرەيتوي – جالپىۇلتتىق جاۋاپكەرشىلىك

كەشە اقوردادا مەملەكەتتىك حاتشى گۇلشارا ابدىقا­لى­قوۆانىڭ جەتەكشىلىك ەتۋىمەن قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى. جيىندا ايتۋلى جىلدى ايرىقشا جاعدايدا ۇيىمداستىرۋ ءىس-شارالارىنىڭ جوسپارى تالقىلاندى. گۇلشارا ناۋشاقىزى ەڭ الدىمەن قازاقستاننىڭ بۇۇ قاۋىپ­سىزدىك كەڭەسىنىڭ ەكi جىلعا تۇراقتى ەمەس مۇشەسى بولىپ سايلانۋىنا ارنايى توقتالدى. «ءبىزدىڭ ەلىمىزدىڭ بۇۇ قاۋiپسiزدiك كەڭەسiنiڭ 2017-2018 جىلدارداعى تۇراقتى ەمەس مۇشەسi بولىپ سايلانۋى – ەلباسىنىڭ, جالپى قازاقستان حالقىنىڭ جەڭiسi. وسى جەڭiسپەن سiزدەردi قۇتتىقتايمىن», – دەدi مەملەكەتتiك حاتشى. سودان كەيىن جۋىردا عانا وتكەن ەلدىڭ الەۋمەتتىك-ەكونو­مي­كالىق دامۋىنىڭ 4 ايلىق قورىتىن­دىسىنا ارنالعان جيىندا ەلبا­سىنىڭ تاۋەلسىزدىكتىڭ شيرەك عاسىرداعى تاريحي ماڭىزىنا ايرىقشا توقتالعانىن ەسكە تۇسىرگەن گ.ابدىقالىقوۆا بۇل مەرەيتوي جالپىۇلتتىق دەڭگەيدە ۇيىمداستىرىلۋى ءتيىس جاۋاپتى مىندەتتىڭ ءبىرى ەكەندىگىن اتاپ كورسەتتى. «ءبىز شيرەك عاسىرلىق مەرەيتوي اياسىندا سىندارلى ۇنقاتىسۋعا نەگىزدەلگەن, كەز كەلگەن ماسەلەنى شەشۋگە قابىلەتتى ەكەنى­مىزدى كۇللى الەمگە تانىتۋىمىز قاجەت جانە الداعى ءورشىل ماق­ساتتارعا جۇمىلعان جۇدىرىق­تاي بىرگە ۇمتىلاتىن ەل ەكەندى­گىمىزدى كورسەتۋىمىز كەرەك. سون­دىقتان دا اتالعان ۇلى مەرەكەنى جالپىۇلتتىق دەڭگەيدە ۇيىم­داستىرۋ جانە لايىقتى وتكىزۋ بار­شا­مىزعا جۇكتەلگەن جاۋاپتى ءمىن­دەت بولىپ تابىلادى», – دەدى ول. القالى جيىندا جىل سوڭى­نا دەيىن جۇزەگە اسىرىلاتىن مە­رەكەلىك شارالار مەن اۋقىم­دى جۇمىستار تۋراسىندا ءما­دەنيەت جانە سپورت ءمينيسترى ا.مۇحامەدي ۇلى جان-جاقتى ايتىپ بەردى. ال ءبىلىم جانە عىلىم ۆيتسە-ءمينيسترى ب.اسىلوۆا مەرەي­تويلىق باسقوسۋلارعا جاس­تار مەن جاستار ۇيىمدارىن تارتۋ ءجو­نىندەگى, اقپارات جانە كوم­مۋنيكاتسيالار ءمينيسترى د.اباەۆ اقپاراتتىق-يميدجدىك سۇيە­مەلدەۋ جونىندەگى جوسپارلارىمەن ءبولىستى. جالپى, مەملەكەتتىك حاتشى بۇگىنگى باسقوسۋ بارىسىندا قازاقستان تاۋەلسىزدىگىنىڭ شيرەك عاسىرلىق مەرەيتويىن ەرەكشە لەپپەن اتاپ ءوتۋدى ۇيىمداستىرۋدا جەرگىلىكتى جەرلەر مەن اۋىل-ايماقتاردى كەڭىنەن قامتۋ جايى تالقىلاناتىندىعىن ەسكەرتكەن بولاتىن. وسىعان وراي, ونلاين-رەجىمدە وتكەن وتىرىستا باتىس قازاقستان وبلىسى اكىمىنىڭ ورىنباسارى م.توعجانوۆ وڭىردە تاۋەلسىزدىكتىڭ 25 جىلدىعىن مەرەكەلەۋدى ۇيىمداستىرۋ ىسىنە توقتالدى. دەگەنمەن, ءىس-شارالاردى وتكىزۋ بويىنشا مەملەكەتتىك ور­گانداردىڭ جۇمىسىن ءوزارا ۇيلەس­تىرۋ مەن ىقپالداستىقتىڭ نەگىزگى ماسەلەلەرى جونىندە پىكىر الماسۋدا اقپارات جانە كوممۋنيكا­تسيالار ءمينيسترى د.اباەۆ جەتەكشىلىك ەتەتىن ۆەدومستۆونىڭ ماقسات-ءمىن­­دەتتەرى اۋقىمدى بولىپ شىقتى. سونىڭ ءبىرى رەتىندە ول – تاۋەل­سىزدىكتىڭ 25 جىلدىعىن كورسەتۋدە شيرەك عاسىرداعى ەل جەتىستىگى ەرەكشە ماڭىزعا يە ەكەندىگىن اتاپ ءوتتى. «ال اقپاراتتىق ناۋقاننىڭ باستى قاعيداتى – حالىقتىڭ وتان­سۇيگىشتىگىن ارتتىرۋعا باعىت­تالاتىن بولادى. ءبىز ەلىمىزدىڭ نەگىزگى جەتىستىكتەرىن كورسەتۋگە تىرى­سامىز. سوندىقتان دا قازىرگى ۋاقىتتا ارنايى تۇزىلگەن مەديا-جوسپار اياسىندا جۇمىستار جۇرگىزىلىپ جاتىر», دەدى مينيستر. ونىڭ ايتۋىنشا, مۇنداي مەديا-جوسپاردان بولەك اقپاراتتىق جۇمىستاردىڭ ءتاسىلىن وزگەرتۋ دە كوزدەلگەن. «وسى رەتتە تەك مەديا-جوسپاردى عانا پايدالانباي, تارگەتتەۋ دەپ اتالاتىن ءتاسىلدى دە قولدانباقپىز. ياعني, حالىقتىڭ ءاربىر ساناتىنا جەكە-جەكە جوبا ۇسىنىلادى. مەنىڭشە, بۇل ءتاسىل ءوزىن ءوزى بارىنشا اقتاۋى ءتيىس», – دەدى مينيستر. سونىمەن قاتار, 25 جىلدىق اياسىنداعى اقپاراتتىق قولداۋ شارالارىنىڭ قۇرامىندا رەاليتي-شوۋ وتكىزۋ جوسپارلانىپتى. «وسى باعىتتا ارنايى باسىمدىققا يە 25 عاجاپ جوبا ۇسىنامىز. قازىر ونىڭ بارلىعى دا دايىندالۋ ۇستىندە. تاياۋ ۋاقىتتا بۇل جوبالار تەلەديداردان كورسەتىلىپ, گازەتتەردە جاريالاناتىن بولادى. ءبىز ەلىمىزدىڭ تاۋەلسىزدىگىنە ارنالعان, جۇلدە قورى قوماقتى قىزىقتى فوتوبايقاۋ دا وتكىزبەكپىز», – دەگەن داۋرەن اسكەربەك ۇلى باق وكىلدەرىنىڭ ساۋالىنا وراي, ەل تاۋەلسىزدىگى مەرەيتويىن اتاپ وتۋگە قوسىمشا قارجى قاراستىرىلمايتىنىن دا قاپەرگە سالىپ ءوتتى. «بارلىعى دا جوسپارلانعان بيۋدجەتكە ساي ۇيىمداستىرىلادى. ودان تىس ەشقانداي قارجى جوسپارلانىپ جاتقان جوق. مەنىڭشە, ماسەلە اقشادا ەمەس, اقپاراتتى ەل-جۇرتقا جەتكىزە بىلۋدە», – دەدى ول ءسوزىن نىقتاپ. مەملەكەتتىك حاتشى وتىرىستى قورىتىندىلاي كەلە, جوسپارلانعان ءىس-شارالاردى ساپالى جانە مەرزىمىندە ىسكە اسىرۋ قاجەتتىگىن اتاپ ءوتىپ, جۇمىستى ءارى قاراي ۇيىمداستىرۋ جونىندە ءتيىستى ورگاندارعا بىرقاتار تاپسىرما جۇكتەدى. نۇرلىبەك دوسىباي, «ەگەمەن قازاقستان»