قور باسشىسىمەن كەزدەستى

پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ شارل دە گولل قورىنىڭ پرەزيدەنتى جاك گودفرەنمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى. كەزدەسۋ بارىسىندا قازاقستان-فران­تسيا ىنتىماقتاستىعىنىڭ ماسە­­لەلەرى تالقىلاندى. تاراپتار پارلا­مەنتارالىق بايلانىستار­دى تەرەڭدەتۋ ەكى ەل حالىقتارىنىڭ اراسىن­داعى دوس­تىق پەن ىنتى­ماق­­تاستىقتى نىعاي­تۋعا ىقپال ەتەتى­نىن اتاپ ءوتتى. «سەنات پەن فران­­تسيا ۇلتتىق جينا­لىسىندا پارلا­­­مەنتارالىق دوستىق توبى قۇرىل­عاننان بەرى 20 جىل ىشىندە جۇيەلى تۇردە پارلامەنتتىك ساپار الماسۋلار بولىپ تۇردى», – دەدى ي.ادىربەكوۆ. سەنات كوميتەتىنىڭ توراعاسى ەكو­­نو­ميكالىق سالاداعى ەكىجاق­تى قارىم-قا­تىناستار تۋرالى ايتا كەلىپ, قا­زاق­ستانداعى شەتەل­دىك ينۆەستورلار­دىڭ ەڭبەك جاعداي­لارىن جاقسارتۋ ماق­ساتىندا جاڭا ىنتالاندىرۋ شارا­لارىنىڭ توپتاماسى قابىلدانعانى جاي­ىندا حاباردار ەتتى. 2005 جىلدان باس­تاپ, ءبىزدىڭ ەلىمىزدە فرانتسۋز ينۆەس­تي­تسياسىنىڭ كولەمى 12 ميلليارد دوللار­دان استى, فرانتسيا ازامات­تارىنىڭ قا­زاقستانعا ۆيزاسىز تارتىپپەن كەلىپ-كەتۋ مۇمكىندىگى كەلەسى جىلدىڭ سوڭىنا دەيىن ۇزار­تىلدى, دەدى كوميتەت توراعاسى. كەزدەسۋگە سەناتور مۇحتار التىن­باەۆ تا قاتىستى.