مەحيكودا دا ەلشىلىگىمىز بار

قازاقستاننىڭ الەم ەلدەرىمەن ىنتىماقتاستىعى ۋاقىت وتكەن سايىن ارتا ءتۇسىپ كەلەدى. وسى ءسوزىمىزدىڭ دالەلىندەي, جاقىندا الىستاعى مەحيكودا دا قازاقستان رەسپۋبليكاسىنىڭ مەكسيكاداعى ەلشىلىگىنىڭ سالتاناتتى اشىلۋ ءراسىمى بولدى. راسىمگە قازاق دياسپوراسىنىڭ وكىلدەرى, سىرتقى ساياسات ۆەدومستۆوسىنىڭ باسشىلىعى, مەملەكەتتىك ورگانداردىڭ, پارلامەنتتىڭ, ديپلوماتيالىق كورپۋستىڭ وكىلدەرى, لاتىن امەريكاسى مەن كاريب باسسەينىندە يادرولىق قارۋعا تىيىم سالۋ جونىندەگى اگەنتتىكتىڭ باسشىلىعى, بيزنەس وكىلدەرى قاتىستى. مەكسيكا سىرتقى ىستەر ءمينيسترىنىڭ ورىنباسارى كارلوس البەرتو دە يكازا مەن وپانال-دىڭ باس حاتشىسى ليۋس فيليپە دە ماسەدو سۋارەش قابىلداۋدىڭ قۇرمەتتى قوناقتارى بولدى. قازاقستاننىڭ مەكسيكاداعى ەلشىسى اندريان ەلەمەسوۆ ەلى­مىز­دىڭ سوڭعى جىلدارى قول جەت­­كىز­گەن جەتىستىكتەرى تۋرا­لى اڭگى­مەلەپ, قازاقستان مەن مەك­­سي­­ك­ا­­نىڭ ەكىجاقتى ىنتى­­ماق­­تاس­تى­عىنىڭ قازىرگى جاع­دايى مەن پەرسپەكتيۆالارى تۋرالى ەگجەي-تەگجەيلى اقپارات بەردى. كارلوس البەرتو دە يكازا ديپلو­ما­تيالىق وكىلدىكتى مەكسيكا ۇكىمەتىنىڭ اتىنان قۇتتىقتاپ, قازاقستان باسشى­لىعىنىڭ مەحيكودا ءوزىنىڭ ەلشىلىگىن اشۋ تۋرالى ساياسي شەشىمىنىڭ ماڭىزى مەن ءمانى جوعارى ەكەنىن اتاپ ءوتتى. ول الەمدىك كۇن ءتارتىبىنىڭ كوپتەگەن باعىتى بويىنشا ەكىجاقتى ساياسي ۇنقاتىسۋدى نىعايتۋدىڭ ماڭىزى زور ەكەنىنە توقتالا كەلىپ, ەكى ەلدىڭ سىرتقى ساياسي باعىتتارىنىڭ ۇقساس ەكەندىگىنە جينالعانداردىڭ نازارىن اۋداردى. «ەگەمەن-اقپارات»