يتاليان اكتەرى باد سپەنسەر قايتىس بولدى

[caption id="attachment_48949" align="aligncenter" width="700"] فوتو: today.kz[/caption] ريا «نوۆوستي» اقپارات اگەنتتىگىنىڭ حابارلاۋىنشا, يتاليانىڭ ريم قالاسىندا ايگىلى كومەديا اكتەرى, پروديۋسەر, ستسەناريست, سپورتشى باد سپەنسەر 86 جاسىندا قايتىس بولدى. اكتەردىڭ كينەماتوگرافيادا «سپاگەتتي-ۆەستەرن» فيلمىندەگى تەرەنس حيللمەن بىرىگىپ سومداعان ءرولى ارقىلى اتاعى دۇنيە جۇزىنە تاراعان. مالىمەتتەرگە سايكەس, ول بۇل سالاعا ەسەيگەن شاعىندا كەلگەن. ال جاس كۇنىندە سپورتشىلاردىڭ ءبىرى بولعان. يتاليانىڭ سۋدا ءجۇزۋ سپورت تۇرىنەن كرولدى جانە ەركىن ستيلدە چەمپيون اتانعان. باد سپەنسەر ساياساتپەن دە اينالىسپاق بولعان ەكەن. بىراق ءبارى ءساتسىز اياقتالعان. «اكەم قايتىس بولار كەزىندە اۋىرسىنۋدى بىلمەدى. ءبىز ونىڭ اقتىق دەمى تاۋسىلعانشا جانىندا بولدىق. ونىڭ سوڭعى سوزىندە اينالاسىنداعىلارعا العىسىن ايتىپ كەتتى», – دەدى ونىڭ ۇلكەن ۇلى دجۋزەپپە پەدەرسولي. ايان ءابدۋالي.