كوركەمدىك كەڭەس كوركەيتە مە؟

كەشە ۇلتتىق اكادەميالىق كىتاپحانادا مادەنيەت جانە سپورت مينيسترلىگىنىڭ باستاماسىمەن العاش رەت قۇرىلعان كىتاپحانا ىستەرى تۋرالى كوركەمدىك كەڭەستىڭ «ماڭگىلىك ەل: ماڭگىلىك مادەنيەت وشاعى – كىتاپحانا» تاقىرىبىندا كەڭەيتىلگەن ءبىرىنشى وتىرىسى ءوتتى. وتىرىستى مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا جۇرگىزىپ وتىردى. باسقوسۋدا «قازاقستان رەسپۋب­ليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى» مم اتقارۋشى ديرەكتورى ب.جۇما­بەكوۆ «ۇلتتىق-مادەني يدەولوگيا – قوعامدىق كونسەنسۋس فاك­­تو­رى», الماتىداعى ۇلتتىق كىتاپ­حانا باسشىسى ج.سەي­دۋمانوۆ «قازاق­ستان­­داعى كوپشىلىك كىتاپ­حانا­لاردىڭ دامۋ ستراتەگياسى», ا.س.پۋشكين اتىن­داعى شىعىس قا­زاق­ستان وب­لىس­تىق كىتاپحاناسى­نىڭ باسشىسى ك.اقجىگىتوۆا «كى­تاپ­حانالاردىڭ اقپاراتتىق-يننو­ۆا­تسيا­لىق دامۋ ساياساتى: وتاندىق اق­پا­رات­تىق قىز­مەت كورسەتۋدەگى نەگىزگى تەند­ەنتسيا­لار», ن.ۆ.گوگول اتىنداعى قاراعان­دى وبلىستىق امبەباپتىق عىلى­مي كىتاپحاناسىنىڭ باس­شى­سى د.امان­جولوۆا «كادر ماسەلەسى. ار­نايى كىتاپ­حاناشىلىق ءبى­لىمى بار ما­ماندار تارتۋ جول­دارى», ۇلتتىق اكادە­ميا­­لىق كىتاپحانانىڭ باسشىسى ءۇ.مۇڭال­­باەۆا «قازاقستاندىق ۇلت­تىق ەلەك­تروندى كىتاپحانانىڭ دامۋ با­عىت­تارى» تاقىرىپتارىندا بايان­داما جاسادى. ارىپتەستەر اراسىندا كىتاپحانا ءىسى بويىنشا وزەكتى ماسە­لەلەر قوزعالىپ, ولاردى شەشۋدىڭ جولدارى ءسوز بولدى. كىتاپحانا ىستەرى تۋرالى كوركەم­دىك كەڭەستىڭ «ماڭگىلىك ەل: ماڭگىلىك مادەنيەت وشاعى – كىتاپحانا» تاقى­رىبىنداعى كەڭەيتىلگەن وتى­رى­سىنىڭ ەكىنشى ءبولىمى بەلگىلى تۇركى­تانۋشى-عالىم الەكساندر نيكولاەۆيچ گاركاۆەتستىڭ ەجەلگى مۇرا «Codex Cumanicus» جايلى دارىسىمەن جالعاسىن تاپتى. وتىرىس اياسىندا وبلىستىق كىتاپ­حانالار باسشىلارى كىتاپحانا ءىسىنىڭ وركەندەۋىنە قوسقان ەلەۋلى ۇلەس­تەرى ءۇشىن مادەنيەت جانە سپورت مي­نيسترىنىڭ العىس حاتتارىمەن ما­را­پاتتالىپ, سونداي-اق كىتاپحانا سا­لاسىندا قاجىرلى قىزمەت ەتىپ ءجۇ­رگەن كىتاپحاناشىلارعا «كىتاپ­حانا سالا­سىنىڭ ۇزدىگى» توسبەلگىسى تابىستالدى. راۋان قايدار, «ەگەمەن قازاقستان»