اۆتوبۋستار گازبەن جۇرەدى

اقتوبەدە بولاشاقتا ەۋروپا­لىق قايتا قۇرۋ جانە دامۋ بان­كىنىڭ (ەقدب) ىقپال ەتۋىمەن سۇيىتىلعان گاز پايدالانا­تىن اۆتوبۋستار پاركى پايدا بولادى. وبلىس اكىمى بەردىبەك ساپارباەۆ ەۋروپالىق قايتا قۇرۋ جانە دامۋ بانكىنىڭ قازاقستانداعى وكىلى­نىڭ ديرەكتورى دجانەت حەكمان­مەن بولعان كەزدەسۋىندە وسىنداي كەلىسىمگە قول جەتكىزدى. ءوڭىر باسشىسى حەكمان حانىمدى قارسى الا وتىرىپ, قازاقستان مەن ەقدب ىنتىماقتاستىعى ەلدىڭ ەكونوميكالىق جاعدايىن دامى­تۋداعى باسىم باعىتتاردىڭ ءبرى ەكەنىن اتاپ ءوتتى. قازاقستاندا جۇمىس ىستەگەن 20 جىلدان استام ۋا­قىت ارالىعىندا ەلىمىزدىڭ ءتۇرلى سەك­تورىندا جالپى قۇنى 6,5 ميلليارد ەۋرو بولاتىن 210 جوبا جۇزە­گە اسىرىلدى. –  وبلىس اكىمدىگىنىڭ ەۋرازيا­لىق قايتا قۇرۋ جانە دامۋ بانكىمەن اقتوبە قالاسىنىڭ كوممۋنالدىق شارۋاشىلىعى جۇيەسىن دامىتۋ بويىنشا ەكىجاقتى ىنتىماقتاسىپ جۇمىس اتقارۋدا تاجىريبەسى بار. ايماقتا ەۋرازيالىق بانكتىڭ قولداۋىمەن بىرنەشە جوبا جۇزەگە اسىرىلۋدا. 2015 جىلدىڭ قازان ايىندا اقتوبە قالاسىنىڭ جىلۋ جانە سۋ جۇيەلەرىن جاڭعىرتۋ جانە قايتا سالىنۋى بويىنشا جوبانى جۇزەگە اسىرۋعا شامامەن 7 ميلليارد تەڭگە ينۆەستيتسيا تارتىلدى, – دەدى ايماق باسشىسى. اقتوبەدە شاعىن جانە ورتا بيز­نەسكە قولداۋ كورسەتەتىن ەقدب كەڭسەسى جۇمىس ىستەيدى, ول كاسىپ­كەرلەرگە كونسۋلتاتسيالىق قىز­مەتتەر كورسەتەدى. بۇل كەڭسەنىڭ ەرەك­شەلىگى اقتوبە وبلىسىمەن قاتار اتىراۋ, ماڭعىستاۋ جانە باتىس قازاقستان وڭىرلەرىنىڭ بيزنەس وكىلدەرىنە دە قولداۋ كورسەتەدى. قا­زىرگى تاڭدا ايماقتا 32 كەڭەسشى جۇمىس ىستەيدى, ولاردىڭ كومەگىمەن 105 جوبا جۇزەگە اسىرىلۋدا. – ءبىز سۇيىتىلعان گازبەن قاتى­نايتىن اۆتوپارك قۇرۋ جونىندە بىرلەسكەن جاڭا جوبانى جۇزەگە اسىرۋ ءۇشىن شامامەن 4,3 ميلليارد تەڭگە ينۆەستيتسيا سالعىمىز كەلىپ وتىر. بۇل قاراجات كوممۋنالدىق اۆتوبۋس پاركىنىڭ ينفراقۇرىلىمىن دامىتۋعا جۇمسالادى, تابيعي گاز پايدالاناتىن 100 زاماناۋي اۆتوبۋس ساتىپ الادى, گاز قۇيۋ ستانساسى سالىنادى, اۆتوبۋس دەپوسى اشىلىپ, ەلەكتروندى بيلەت جۇيەسى ەنگىزىلمەك, – دەدى ايماق باسشىسى. بۇگىنگى تاڭدا ءبىزدىڭ قالادا 50 باعىتتا سىيىمدىلىعى ءۇل­كەن, ورتاشا جانە شاعىن 433 اۆتوبۋس قاتىنايدى. جولاۋشىلارعا كورسەتىلەتىن قىزمەت ساپاسى مەن كولىكتەگى اپاتتىلىق دەڭگەيىنە كولىك قۇرالدارىنىڭ تەحنيكالىق جاعدايى مەن توزىعى اسەر ەتەدى. زاماناۋي اۆتوبۋستار ساتىپ الىن­عاندا كولىكتەردىڭ قاتىناۋ ءجيى­لىگى ارتادى, اۋا قاباتىنا ءبولى­نەتىن زياندى قالدىقتار كولەمى ازايادى, جولاۋشىلار تاسىمالىنىڭ ىڭ­عايلىلىق دەڭگەيى ارتادى. سونىمەن بىرگە, ەدقب سۋارمالى القاپ كولەمىن 9 مىڭ گەك­تارعا ارتتىرۋ جونىندەگى جوبانى جۇزەگە اسىرۋدى قولداۋعا دايىن. بۇل ماقساتتارعا شامامەن 5,8 ميل­ليارد تەڭگە قاجەت. ءوز كەزە­گىندە ەۋروپالىق بانك تاراپىنان بارلىق جوبانىڭ قولداۋ تاباتىنىن جەتكىزگەن دجانەت حەكمان سۋارمالى القاپ كولەمىن كەڭەيتۋ تۋرالى ماسەلەنىڭ تاياۋدا قر ۇكى­مەتىندە تالقىلانعانىن اتاپ ءوتتى. كەزدەسۋ سوڭىندا تاراپتار الدىن الا كەلىسىمدەرگە قول قويدى. دجانەت حەكمان حانىم سونداي-اق, ەقدب-نىڭ شاعىن جانە ورتا كاسىپكەرلىكتى قولداۋ بويىنشا جاڭا كەڭسەسىنىڭ اشىلۋ سالتاناتىنا قاتىسىپ, يندۋستريالىق ايماق پەن بىرقاتار ونەركاسىپتىك كاسىپورىنداردى ارالاپ كوردى. ساتىبالدى ءساۋىرباي, «ەگەمەن قازاقستان» اقتوبە