ۇلىبريتانيانىڭ پرەمەر-ءمينيسترى وتستاۆكاعا كەتەدى

[caption id="attachment_48375" align="aligncenter" width="700"] فوتو: ftimes.ru[/caption] ۇلىبريتانيانىڭ پرەمەر-ءمينيسترى دەۆيد كەمەرون رەفەرەندۋمنىڭ قورىتىندىسىنا بايلانىستى ءوزىنىڭ وتستاۆكاعا كەتەتىندىگى جايلى حابارلادى. inform.kz-ءتىڭ حابارلاۋىنشا, ول بۇل جونىندە ءباسپاسوز كونفەرەنتسياسىندا مالىمدەگەن. «مەن انگليانىڭ ەۋروپالىق وداق ىشىندە مىقتىراق, قاۋىپسىز ءارى جاقسىراق ەكەندىگىنە كامىل سەنىمدى بولدىم. الايدا, بريتانيالىقتاردىڭ ويى ولاي بولماي شىقتى. سول سەبەپتى ولارعا جاڭا جولمەن جۇرگىزەتىن جاڭا باسشى قاجەت», – دەدى كەمەرون. ونىڭ ايتۋىنشا ەلدىڭ جاڭا پرەمەر-ءمينيسترى قازان ايىندا وتەتىن كونسەرۆاتورلار پارتياسىنىڭ كونفەرەنتسياسىنا دەيىن تاعايىندالۋ كەرەك. ۇلىبريتانيانىڭ بارلىق 382 وكرۋگى بويىنشا وتكىزىلگەن رەفەرەندۋمنىڭ ناتيجەسى بويىنشا, مەملەكەتتىڭ ەۋروپالىق وداقتان شىعۋىنا 17 ملن. 410 مىڭ 742 ادام, ياعني 51,9 پايىز, ال ەۋروپالىق وداقتا قالۋىنا 16 ملن. 141 مىڭ 241 ادام, ياعني 48,1 پايىزى قولداعان. ايان ءابدۋالي.