گولوۆكين جەكپە-جەگىن قازاقستاندا وتكىزۋى مۇمكىن

[caption id="attachment_48371" align="aligncenter" width="700"] فوتو: 365info.kz[/caption] ورتا سالماق دارەجەسىندە WBA, WBC, IBF جانە IBO تۇجىرىمدارى بويىنشا الەم چەمپيونى گەننادي گولوۆكين 2017 جىلى قازاقستاندا جەكپە-جەك ۇيىمداستىرۋدى جوسپارلاپ وتىر. 24.kz-ءتىڭ حابارلاۋىنشا, گەننادي گولوۆكيننىڭ پروموۋتەرى توم لەففلەر The Ring باسىلىمىنا الداعى ءبىر جارىم جىلدا بوكسشىنىڭ جەكپە-جەكتەردى وتكىزۋ جوسپارى تۋرالى مالىمدەدى. لەففلەردىڭ ايتۋىنشا, ول 2016 جىلى ەكى رەت شارشى الاڭعا شىعۋدى, ال كەلەسى جىلعى قىركۇيەككە شەگەرىلگەن ساۋل الۆارەسپەن جەكپە-جەگىنە دەيىن ەكى كەزدەسۋ وتكىزۋدى ماقسات ەتىپ وتىر. ولاردىڭ ءبىرى قازاقستانداعى 38 مىڭ ورىندىق ستاديوندا ءوتۋى مۇمكىن. «بۇل ونىڭ ءوز ەلىندەگى كەزدەسۋى بولماق. ناقتى قاي ۋاقىتتا وتەتىنى تۋرالى ءبىراز اقىلداستىق. سوڭىندا كەلەسى جىلى وتكىزۋ ورىندى دەگەنگە توقتالدىق», – دەدى ك2 Promotions اتقارۋشى ديرەكتورى. ايان ءابدۋالي.