مەرەكەگە – مەرەيلى جەتىستىكتەرمەن

قىزمەتتىك بورىشىن وتەۋ كەزىندە قازا بولعان ىشكى ىستەر ورگاندارى  مەن ىشكى اسكەر قىز­مەت­­شى­لەرىنە ارناپ ورناتىلعان «الاتاۋ» سپورت كەشەنى الدىنداعى مونۋمەنتكە قازاقستان پولي­تسياسىنىڭ 24 جىلدىعىنا وراي گۇل شوق­تارىن قويۋ ءراسىمى بولىپ ءوتتى. ويتكەنى, كەشەگى كۇن ەلباسى جارلىعىمەن پوليتسيا كۇنى رەتىندە بەلگىلەنگەندىگى حالىققا ءمالىم. وسى شارا اياسىندا ءىىم-ءنىڭ وقۋ ورىندارى تۇلەك­تەرىنە لەيتەنانت پوگوندارى تابىس ەتىلدى. ال بۇل مەرەي­لى شاراعا مينيسترلىك پەن ورتالىق اپپارات قىزمەتىنىڭ باسشىلارى, ارداگەرلەر, ىشكى ىستەر ورگاندارى مەن ىشكى اسكەر ارداگەرلەرى, وقۋ ورىندارىنىڭ تۇلەكتەرى مەن ولاردىڭ اتا-انالارى قاتىستى. مونۋمەنتكە گۇل شوقتارىن قويۋ راسىمىنەن كەيىن قازا تاپقان ىشكى ىستەر ورگاندارى مەن ىشكى اسكەر قىزمەتشىلەرىنىڭ رۋحىنا تاعزىم ەتۋ ءۇشىن ءبىر مينۋتتىق ۇنسىزدىك جاريالاندى. ارتى­نان بىرنەشە دۇركىن اسپانعا وق اتىلىپ, ءىس-شارا پوليتسيانىڭ استانالىق گارنيزونىنىڭ جانە ۇلتتىق ۇلاننىڭ مەرەكەلىك شەرۋىمەن جال­عاسىن تاپتى. سونداي-اق, شارا اياسىندا ىشكى ىستەر مي­نيسترى قالمۇحانبەت قاسىموۆ ءىىم وقۋ ورىن­دارى­نىڭ تۇلەكتەرىنە لەيتەنانت پوگوندارىن سالتانات­تى تۇردە ءوزى تابىستاعاندىعىن ايتا كەتۋ كەرەك. ءبىر توپ ارداگەرلەردىڭ ىشىنەن ءبىز وتستاۆكاداعى پوليتسيا گەنەرال-مايورى مەيىرحان جامانباەۆتى سوزگە تارتقان ەدىك. «مەرەكەگە بۇكىل قىزمەتكەرلەر, ارداگەرلەر جانە وقۋ ورىندارىنىڭ تۇلەكتەرى جينالىپ, اتاپ وتۋدە. پوليتسيانىڭ قوعامدىق ءتارتىپتى ساقتاۋدا اتقارىپ جاتقان شارۋالارى كوپ. جاقىندا اقتوبەدە ورىن العان وقيعا كەزىندە پوليتسيا قىزمەتكەرلەرى ءوزىنىڭ جىگەرلىلىگىن, قىزمەتىنە ادالدىعىن كورسەتتى. ولاي بولسا بارلىعىنىڭ وتباسىنا باق-بەرەكە, اماندىق تىلەگىم كەلەدى», دەيدى  مەيىرحان ساعىنبەك ۇلى. ارداگەر, بۇل ورايدا, ەگەر پوليتسيا جاقسى جۇمىس ىستەيتىن بولسا, وندا ەلىمىزدە تىنىشتىق پەن بەرەكە بولاتىنىن, سونىمەن قاتار ەلىمىزدە تاتۋلىقپەن ءومىر سۇرۋگە بارلىق جاعداي بار ەكەندىگىن دە قاپەرگە سالا كەتتى. مەرەكەلىك شارا ءىىم-ءنىڭ كلۋبىندا سالتاناتتى جينالىسپەن جالعاسىن تاپتى. وندا ءوز ءومىر­لەرىن قۇربان ەتىپ, قىزمەتتىك بورىشىن ادال دا ءمىنسىز اتقارعان قىزمەتكەرلەر ارقاشان ماقتان تۇتى­لاتىنى ەرەكشە اتالدى. ويتكەنى, ەرلىكپەن قۇربان بولعان جاندار ءوز ابىرويلارىن نامىسپەن ساق­تاپ قالىپ, بۇگىنگى كۇنى پوليتسيا ءۇشىن ەرلىك پەن باتىل­دىقتىڭ جارقىن ۇلگىسى رەتىندە ىشكى ىستەر ورگان­دارى­نىڭ سەنىمدى دىڭگەگىنە اينالىپ وتىر. مىنبەر­گە شىعىپ قۇتتىقتاۋ ءسوزىن جەتكىزگەن ىشكى ىستەر ءمينيسترى مۇنداي قۇتتىقتاۋلار جان-جاقتان ءتۇسىپ جات­قاندىعىن ەرەكشە ريزاشىلىقپەن جەتكىزدى. پولي­تسيا گەنەرال-پولكوۆنيگى قالمۇحانبەت قاسىموۆ, سون­داي-اق, قىلمىس كورسەتكىشىنىڭ تومەن­دەپ كەلە جات­قان­دىعىن جانە قوعامدىق ءتارتىپ­تى ساقتاۋ مەن توتەن­شە جاعدايلاردىڭ الدىن الۋ باعىتىندا دا ءبىر­قاتار جەتىستىكتەردىڭ ورىن الىپ وتىرعاندىعىن اتادى. ىشكى ىستەر ورگان­دارى قىزمەتكەرلەرىن كاسى­بي مەرەكەسىمەن قۇت­تىق­تاپ, الداعى قىزمەتتەرىنە تابىس تىلەدى. سون­داي-اق, مەرەكەلىك بۇيرىققا ساي ىشكى ىستەر ورگان­دارىن­ىڭ بىرقاتار قىزمەتكەرلەرى «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالى­مەن جانە دە قۇرمەت گراموتالارىمەن مارا­پات­تال­­دى. بۇدان باسقا, بىرقاتار قىزمەتكەرلەرگە مەرزى­­م­ى­نەن بۇرىن اتاقتار بەرىلدى. جالپى ىشكى ىستەر مي­نيسترىنىڭ بۇيرىعىمەن ورتالىق اپپا­رات­تىڭ جانە اۋماقتىق بولىنىستەردىڭ 535 قىزمەت­كەرى قىزمەتتىك مىندەتتەرىن ادال اتقارعانى ءۇشىن ماراپاتتالدى. اسقار تۇراپباي ۇلى, «ەگەمەن قازاقستان»