بالۋاندار باس قالادا بەلدەسەدى

كۇزدە قازاق كۇرەسىنەن الەم چەمپيوناتى وتەدى كەشە استانادا «قازاقستان بارىسى» تۋرنيرىنە ارنالعان جيىن ءوتتى. كەزدەسۋدە بىرنەشە ماسەلە قارالدى. وندا بالۋانداردىڭ جارىسقا دايىندىعى, تورە­شىلەردىڭ قىزمەتى مەن باسقا دا ماسەلەلەر تالقىلاندى. «قا­زاقستان بارىسى» قازاق كۇ­رەسىن دامىتۋ قورى قام­قور­شىلار كە­ڭەسىنىڭ توراعاسى ارمان شوراەۆ اتالعان جارىس جۇلدە قورىنىڭ 42 ملن. تەڭ­گە بولاتىنىن, ال تۋر­نيردىڭ جەڭىمپازىنا 25 ملن. تەڭگە, جەڭىل اۆتوكولىك جانە اس­تانادان پاتەر بەرىلەتىنىن ايتتى. – سوڭعى كەزدەرى وزدەرىڭىز بىلەتىندەي, بۇكىل الەمدە قار­جىلىق داعدارىس بولىپ جاتىر. ەلىمىزدىڭ ەكونوميكالىق جاعدايى دا جارىستاردى كوپتەپ وتكىزىپ, جۇلدە قورىن كوبەيتۋگە قول بايلاۋ بولىپ تۇر. سوعان قاراماستان, بيىلعى ءتۋرنيردى لايىقتى وتكىزۋ ءۇشىن بار كۇ­شىمىزدى سالىپ, «سامۇرىق-قا­زىنا» ءال-اۋقات قورىنىڭ ار­قاسىندا جۇلدە قورىن 42 ملن. تەڭگەگە جەتكىزىپ وتىرمىز. ونى­مەن قوسا, ءتۋرنيردىڭ جە­ڭىمپازىنا اقشالاي سىيلىق, اۆتوكولىكپەن بىرگە استانادان پاتەر بەرىلەدى, – دەدى ول. ودان كەيىن ا.شوراەۆ بيىل استانادا قازاق كۇرەسىنەن كەزەكتى الەم چەمپيوناتى وتەتىنىن ايتتى. ونىڭ مالىمەتىنشە, الەمدىك دودا قازان نەمەسە قاراشا ايلارىندا وتەدى. ال كەلەسى جى­لى حالىقارالىق ەكسپو كور­مەسىندە «الەم بارىسى» جارىسى ۇيىمداستىرىلادى. وسى جيىندا ەنەرگەتيكا ءمينيسترى قانات بوزىمباەۆ قازاق كۇرەسى فەدەراتسياسىنىڭ قۇرمەتتى پرەزيدەنتى بولىپ سايلاندى. سونىمەن بىرگە, كەزدەسۋدە بالۋانداردىڭ كۇرتەشەلەرىنە وزگەرىس جاسالعانى تۋرالى حابارلاندى. ەندى تۋرنيرگە قاتىساتىن 33 بالۋان شىنتاق بۋىنى 5 سم-گە, شالباردىڭ بالاعى 10 سم-گە ۇزارتىلعان كۇرتەشە كيىپ, كىلەمگە شىعادى. ەلەمەس الىمقۇل ۇلىنىڭ ايتۋىنشا, كۇرتەشەگە وزگەرىس­تەر بالۋانداردىڭ كۇرەسكەندە ىڭ­عايلى بولۋى ءۇشىن جاسالدى. كەزدەسۋدە قازاق كۇرەسى ­فە­­­­دەراتسياسىنىڭ ۆيتسە-پرە­زي­دەنتى سادىق مۇستافاەۆ اتال­عان ءتۋرنيردىڭ ەرەجەسىنە دە ءوز­گەرىستەردىڭ ەنگىزىلگەنىن ايتتى. ول بالۋاندار كۇرەسىپ جاتقاندا بەلبەۋىن شەشسە, ەسكەرتۋ جاسالاتىنىن, كىلەمدى قولىمەن تىرەپ تۇرسا قارسىلاسىنا بۇك ۇپايى بەرىلەتىنىن جەتكىزدى. سونداي-اق, ول كۇرتەشەنىڭ جوڭ ىشىنەن ۇس­­­تاۋعا رۇقسات بەرىلەتىنىن اتاپ ءوتتى. – بالۋاندار كۇرەسكەندە ادەيى بەلبەۋىن شەشۋى مۇمكىن. ول ۋاقىتتى سوزدىرىپ, دەمالۋ ءۇشىن سولاي ىستەيدى. بيىلعى تۋرنيردە سپورتشىلار جاڭا ەرەجە بويىنشا كۇرەسەدى. بۇل بالۋانداردىڭ كۇرەسۋىنە ىڭعايلى بولۋى ءۇشىن جاسالدى, – دەيدى ول. «قازاقستان بارىسى-2016» تۋر­نيرىنىڭ فينالى 3 شىلدە كۇنى «سارىارقا» ۆەلوترەگىندە وتەدى. كورەرمەندەر اراسىندا ۇتىسقا اۆتوكولىك ويناتىلادى. بالۋاندار جارىسىن ««KazSport»» ارناسى, ءتۇر­كيانىڭ «TRT Avaz» ارناسى مەن رەسەيدىڭ «ماتچ! بوەتس» تەلەارناسى تىكەلەي ەفيردەن كورسەتەدى. داستان كەنجالين, «ەگەمەن قازاقستان»