«شاتتىق شۇعىلاسى»

«استانا قالاسىنىڭ مۇگەدەك بالالار قوعامى» قوعامدىق بىرلەستىگىندە بالالارعا ارنالعان «شاتتىق شۇعىلاسى» اتتى قايىرىمدىلىق اكتسياسى ءوتتى. بۇل شارانى «استانا» ۇلتتىق سۋرەت گالەرەياسى مەن «نۇر وتان» پارتياسى «بىرلىك» فيليالىنىڭ «مادەنيەت» ءبىرىنشى پارتيالىق ۇيىمى ۇيىمداستىردى. شاراعا داۋن سيندرومى جانە سال اۋرۋى سياقتى اۋىر ناۋ­قاسقا شالدىققان بالالار قاتىستى. ەمدەلۋشىلەرگە ارنايى ارت-تەراپيا باعدارلاماسى ۇسىنىلدى. بۇلدىرشىندەر ۇي­ىمداستىرۋشىلارمەن بىرگە قاعاز بەتىنە كۇن بەينەسىن جاپسىردى, قاراپايىم اق-قارا سۋرەتكە ءارتۇرلى بوياۋلار ارقىلى كوڭىلدى گۇلدەر مەن كوبەلەكتەر سالدى, الما جەمىسىنەن تاسباقا جاساپ, قىزىقتى تانىمدىق ويىن­دار وينادى. قايىرىمدىلىق اكتسياسى بارىسىندا بالالارعا ەرتەگى كەيىپكەرلەرى «قىزىل تەلپەك» پەن مۋلتفيلم كەيىپكەرى «لۋنتيك» ەستەن كەتپەس اسەر سىي­لادى. ەرەكشە كۇتىمدى قاجەت ەتەتىن بالالارمەن جۇمىس بارىسىندا باستى ماسەلە – ەمدەلۋدەن سوڭ ولاردىڭ ۋاقىتىن ءتيىمدى ءارى قىزىقتى وتكىزۋ. وسى ورايدا, بەينەلەۋ ونەرىن بالالاردىڭ ساۋىعۋى ءۇشىن وڭتايلى پايدالانۋ كەرەك. ارت-تەراپيا ادىستەرىنىڭ بۇل باعىتتاعى جەتىستىكتەرى قازىر­گى تاڭدا دالەلدەنگەن. شارا سوڭىندا بالالار ۇيىم­داستىرۋشىلاردان ەستەلىككە سىيلىقتار الىپ, شات-شادىمان كوڭىل كۇيدە بولدى. بي بيلەپ, بالالار اندەرى دە ورىندالدى. جالپى, ورتالىقتا 75 ناۋقاس ءبۇلدىرشىن بار. بالالاردىڭ ەم الىپ, تىنىعۋىنا بارلىق جاعداي جاسالعان. «استانا قالاسىنىڭ مۇگەدەك بالالار قوعامى» قوعام­دىق بىرلەستىگىنە قاراستى 2 ورتالىق جۇمىس ىستەيدى. بىرلەستىك قامقورلىعىنداعى بالالارعا ءوز بالاسىنداي مەيىرىمدىلىك كورسەتەتىن 15 قىزمەتكەر بار. ەمدەلۋشىلەر ورتالىقتا تاڭعى ساعات 8-دەن كەشكى 6-عا دەيىن بولادى. تاڭعى, تۇسكى جانە كەشكى استارى ەرەكشە ىقىلاسپەن دايىن­دالادى. بالالار دياگنوزىنا جانە جاس ەرەكشەلىكتەرىنە قاراي 3 توپقا ءبولىنىپ وقىتىلادى. ۇرپاق ساۋلىعى – ۇلت ساۋ­لىعى. وسىنداي يگى باستامالار جيىرەك وتكىزىلىپ, بالعىن ءبۇلدىر­شىندەرگە قۋانىش سىيلاپ جاتسا, نۇر ۇستىنە نۇر بولار ەدى. ارداق ساماتقىزى, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى