استاناداعى فەستيۆال

ەلوردا كۇنىنە وراي «ساحنادان سالەم!» حالىقارالىق تەاتر فەس­تي­ۆالى ءوز جۇمىسىن باستادى. بيىل ءتورتىنشى مارتە وتكىزىلىپ وتىرعان تەاتر مەرەكەسى 20-26 ماۋسىم ارالىعىندا ءوز كورەرمەندەرىنە كوپتەگەن تىڭ جوبالار ۇسىنباق. فەس­تيۆالعا ماسكەۋ قالاسىنان «تەاتر لۋ­نى» جانە كيەۆ قالاسىنان «PaperWall» ونەر ۇجىم­دارى قاتىسۋدا. سونىمەن قاتار, ورال, شىمكەنت, جەزقازعان, الماتى, ءو­س­كەمەن, سەمەي قالالارىنان كەلگەن تەاتر ۇجىمدارى ەلوردا تۇر­عىندارىنا ءوز ونەرلەرىن كورسەتپەك. كەشتى ەلىمىزگە بەلگىلى جاس اكتەر ءادىل احمەتوۆ پەن داۋرەن سەرعازين جۇرگىزدى. فەستيۆالعا قاتىسۋشىلار ونەرىنە تەاتر جانە كينو سالاسىنىڭ تانىمال ماي­تالمانى ەركىن جۋاسبەك باس­تاعان قازىلار القاسى باعا بەرەدى. ساحنا شىمىلدىعىن استانا قالا­سىنىڭ «جاستار» تەاترى اشتى. جان-پەر پيلو مەن شۋل­تەزدىڭ «موتسارت» ميۋزيك­لى قويىلدى. قويىلىمنىڭ رە­جيسسەرى – تەاتردىڭ كوركەمدىك جەتەكشىسى نۇرقانات جاقىپباي. وقيعا جەلىسى بويىنشا موتسارت اناسىنان ايىرىلعان سوڭ ءبىر­نەشە ۋاقىتتان كەيىن ءوزىنىڭ مۋ­زاسى كونستانتسيانى كەز­دەس­تىرەدى, جا­قىندارىنىڭ قار­سى­­لىعىنا قاراماستان ەكەۋى قوسى­لادى. پاريج حالقىنا كەرەمەت, بىرەگەي وپەرالار سىيلاپ, حالىق­تىڭ قوشەمەتىنە بولەنەدى. وسىنداي شات نوتادا قويى­لىم ءوز مارەسىنە جەتىپ, تەاتر ۇجىمى كورەرمەننىڭ ىستىق ىقىلاسىنا ءبو­لەندى. تەاترسۇيەر قاۋىم قويىلىم­داردى قالامىزدىڭ 3 تەاترىنان تاماشالاي الادى. ولار: جاستار تەاترى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەات­رى جانە م.گوركي اتىنداعى مەم­لە­كەتتىك اكادەميالىق ورىس دراما تەاترى. الداعى ۋاقىتتا قا­­زاق جانە ورىس تىلدەرىندەگى ون قويى­لىم ءوز كورەرمەندەرىن كۇ­تەدى. ارداق ساماتقىزى, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى