كەنە مەن قاراقۇرت كۇشىنە ءمىندى

جاز مەزگىلىنىڭ اپتاپپەن باستالعانى وڭتۇستىك جۇرتىنا «جاۋ جاعادان العاندا, ءبورى ەتەك­­تەنىڭ» كەرىن كەلتىرىپ تۇر. مو­روككو شەگىرتكەسى ءبىرتالاي اۋدان­نىڭ شارۋالارىن شىرىلداتىپ جاتقاندا, كەنە شاق­قان جاس جىگىت قايتىس بولدى. كەنە شاققان ورداباسىلىق جاس جىگىت ارىس قالاسىنداعى جەكە­مەنشىك مەديتسينالىق كلينيكاعا قارالعان ەكەن. قازىر وسىعان بايلانىستى قىزمەتتىك تەكسەرۋ ءجۇرىپ جاتىر. وقيعا ورنىنا ارنايى بار­عان وبلىستىق دەنساۋلىق ساق­تاۋ باسقارماسىنىڭ باسشىسى سەيىتجامال پاكەەۆ قايتىس بولعان ازاماتپەن بايلانىس­تى بولعان ادامداردىڭ بار­لىعى مەديتسينالىق باقىلاۋعا الىنعانىن ايتتى. – ناۋقاس قارالعان جەكەمەن­شىك مەديتسينالىق مەكەمەگە تەكسەرۋ جۇرگىزەمىز. مارقۇمنىڭ مە­ديتسينالىق كومەككە كەش ءجۇ­گىن­گەنىن دە ايتا كەتەيىك. بيىل كەنە شاققاندار كوپ ءتىر­كەلدى. بارلىعىنا ۋاقتىلى كومەك كورسەتۋگە ۇمتىلىپ جاتىر­مىز, – دەدى سەيىتجامال پاكەەۆ. بۇل – جىل باسىنان بەرى قىرىم قاندى بەزگەگى بويىنشا ولىمگە سوقتىرعان العاشقى جاعداي. سونىمەن قاتار, قارا­قۇرت شاققان 25 ادام جانساقتاۋ بولىمىنە ءتۇستى. كۇن ىسىعالى ۋلى جاندىكتەر كۇشەيىپ كەتتى. ولار كوبىنە قۇرعاق جەرلەردى مەكەندەپ ۇيا سالاتىندىقتان, شالعىندى القاپتار مەن ءشوبى كۇنگە كۇيگەن ءۇي ىرگەلىك جەرلەردىڭ ءوزى قاۋىپتى بولىپ تۇر. ءتيىستى ورىندار قالا ىشىندە قاۋلاپ وسكەن شوپتەردى ورىپ دارىلەگەنىمەن, قاراقۇرت شاققان ادامداردىڭ لەگى تولاس­تار ەمەس. وبلىستىق جوعارى قىسىم­مەن ەمدەۋ ورتالىعى باس دارىگەرىنىڭ ورىنباسارى يكرام تولەەۆ اۋرۋحاناعا ءتۇسىپ جاتقان ادامداردىڭ ۋلانۋ قاۋپى جوعارى بولعاندىقتان, توكسيكولوگيالىق ەمەس جانساقتاۋ بولىمىنە ءتۇسىپ جاتقانىن مالىمدەدى. باقتيار تايجان, «ەگەمەن قازاقستان» وڭتۇستىك قازاقستان وبلىسى