رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ نورماتيۆتىك قاۋلىسى  №7-نق

2016 جىلعى 8 ءساۋىر, استانا قالاسى «مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارىن بەكىتۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2015 جىلعى 28 قاراشاداعى № 7-نق نورماتيۆتىك قاۋلىسىنا وزگەرىستەر ەنگىزۋ تۋرالى «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 12-بابى 4-تارماعىنىڭ 16) تارماقشاسىنا سايكەس رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) قاۋلى ەتەدى: 1. «مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارىن بەكىتۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2015 جىلعى 28 قاراشاداعى № 7-نق نورماتيۆتىك قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12459 تىركەلگەن, 2015 جىلى 30 جەلتوقساندا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر ەنگىزىلسىن: كورسەتىلگەن نورماتيۆتىك قاۋلىمەن بەكىتىلگەن مەملەكەتتىك ءاۋديتتىڭ جانە قارجىلىق باقىلاۋدىڭ بىرىڭعاي دەرەكقورىن قالىپتاستىرۋ مەن جۇرگىزۋ جانە ونىڭ دەرەكتەرىن پايدالانۋ قاعيدالارىندا: 4 جانە 5-تارماقتار مىناداي رەداكتسيادا جازىلسىن: «بىرىڭعاي دەرەكقور باسقا مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالانعان ەسەپ كوميتەتىنىڭ اقپاراتتىق جۇيەسىنىڭ (بۇدان ءارى – ەسەپ كوميتەتىنىڭ ياج) نەگىزىندە قالىپتاسادى. 5. بىرىڭعاي دەرەكقورعا مالىمەتتەر بەرۋدى مەملەكەتتىك اۋديت جانە قارجىلىق باقىلاۋ ورگاندارى, سونداي-اق مەملەكەتتىك اۋديت جانە قارجىلىق باقىلاۋ وبەكتىلەرى, كۆازيمەملەكەتتىك سەكتور سۋبەكتىلەرىنە ارنايى ماقساتتاعى ءاۋديتتى جۇزەگە اسىراتىن اۋديتورلىق ۇيىمدار جانە ۆەدومستۆولىق نەمەسە مەملەكەتتىك ستاتيستيكانى قالىپتاستىراتىن وزگە دە اقپارات جەتكىزۋشىلەر (بۇدان ءارى – اقپارات جەتكىزۋشىلەر) جۇزەگە اسىرادى.»; 8, 9 جانە 10-تارماقتار مىناداي رەداكتسيادا جازىلسىن: «1) تاۋەكەلدەردى باسقارۋ جۇيەسىنە ەنگىزىلگەن مەملەكەتتىك اۋديت جانە قارجىلىق باقىلاۋ وبەكتىلەرى; 2) مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك اۋديت جانە قارجىلىق باقىلاۋ وبەكتىلەرىنىڭ ءتيىستى جىلعا ارنالعان تىزبەسى; 3) مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك اۋديت جانە ساراپتامالىق-تالداۋ ءىس-شارالارىنىڭ ناتيجەلەرى, سونىڭ ىشىندە ساپا باقىلاۋى ناتيجەلەرى; 4) كۆازيمەملەكەتتىك سەكتور سۋبەكتىلەرىنە ارنايى ماقساتتاعى ءاۋديتتىڭ ناتيجەلەرى; 5) نىسانالى ترانسفەرتتەر بويىنشا ناتيجەلەر تۋرالى كەلىسىمدەر, بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى ناتيجەلەر تۋرالى ەسەپتەر; 6) مىندەتتەمەلەر بويىنشا قارجىلاندىرۋدىڭ جيىنتىق جوسپارى, تۇسەتىن تۇسىمدەر مەن تولەمدەر بويىنشا قارجىلاندىرۋدىڭ جيىنتىق جوسپارى; 7) بيۋدجەتتىك باعدارلامالار اكىمشىلەرىنىڭ مىندەتتەمەلەرى مەن تولەمدەرى بويىنشا قارجىلاندىرۋ جوسپارلارى; 8) مەملەكەتتىك مەكەمەلەردىڭ مىندەتتەمەلەرى مەن تولەمدەرى بويىنشا جەكە قارجىلاندىرۋ جوسپارلارى; 9) قازاقستان رەسپۋبليكاسىنىڭ بيۋدجەت زاڭناماسىندا, بۋحگالتەرلىك ەسەپ جانە قارجىلىق ەسەپتىلىك تۋرالى زاڭناماسىندا كوزدەلگەن, بەكىتىلگەن قارجىلىق ەسەپتىلىك, قوسىمشالارىمەن بىرگە; 10) مەملەكەتتىك اۋديت جانە قارجىلىق باقىلاۋ وبەكتىلەرىنىڭ اۋديتورلىق ەسەپتىلىگى; 11) بيۋدجەتتىك ەسەپتىلىك جانە بيۋدجەت كىرىستەرىنە بايلانىستى ەسەپتىلىك; 12) مەملەكەتتىك جانە ۆەدومستۆولىق ستاتيستيكانىڭ مەملەكەتتىك ءاۋديتتى جانە ساراپتامالىق-تالداۋ قىزمەتىن جۇرگىزۋگە قاجەتتى دەرەكتەرى; 13) ەسەپ كوميتەتى جۇرگىزگەن مەملەكەتتىك ءاۋديتتى تانۋدىڭ قورىتىندىلارى. 9. وسى قاعيدالاردىڭ 8-تارماعىندا كورسەتىلگەن اقپارات بىرىڭعاي دەرەكقورعا ورنالاستىرۋ ءۇشىن ەسەپ كوميتەتىنە مىناداي تارتىپپەن: 1) مەملەكەتتىك اۋديت جانە قارجىلىق باقىلاۋ ورگاندارى وسى قاعيدالاردىڭ 8-تارماعىنىڭ 1) - 3), 12) تارماقشالارى بويىنشا – بەكىتىلگەننەن (قالىپتاستىرىلعاننان) كەيىن ون جۇمىس كۇنى ىشىندە; 2) ەسەپ كوميتەتى وسى قاعيدالاردىڭ 8-تارماعىنىڭ 13) تارماقشاسى بويىنشا – ءتيىستى قورىتىندى بەكىتىلگەننەن كەيىن بەس جۇمىس كۇنى ىشىندە; 3) مەملەكەتتىك اۋديت جانە قارجىلىق باقىلاۋ وبەكتىلەرى وسى قاعيدالاردىڭ 8-تارماعىنىڭ 5) - 12) تارماقشالارى بويىنشا – بەكىتىلگەننەن (قالىپتاستىرىلعاننان) كەيىن بەس جۇمىس كۇنى ىشىندە; 4) كۆازيمەملەكەتتىك سەكتور سۋبەكتىلەرىنە ارنايى ماقساتتاعى ءاۋديتتى جۇزەگە اسىراتىن اۋديتورلىق ۇيىمدار وسى قاعيدالاردىڭ 8-تارماعىنىڭ 4) تارماقشاسى بويىنشا – بەكىتىلگەننەن كەيىن ون بەس جۇمىس كۇنى ىشىندە; 5) ۆەدومستۆولىق نەمەسە مەملەكەتتىك ستاتيستيكانى قالىپتاستىراتىن وزگە دە اقپارات جەتكىزۋشىلەر وسى قاعيدالاردىڭ 8-تارماعىنىڭ 12) تارماقشاسى بويىنشا ەسەپ كوميتەتىنىڭ سۇراۋى نەگىزىندە ول بەلگىلەگەن مەرزىمدەردە جانە (نەمەسە) ءتيىستى ورگانمەن بىرلەسىپ ايقىنداعان مەرزىمدەردە ۇسىنىلادى. 10. وسى قاعيدالاردىڭ 8-تارماعىندا كورسەتىلگەن قۇجاتتارعا وزگەرىستەر مەن تولىقتىرۋلار ەسەپ كوميتەتىنە ولار ەنگىزىلگەن كۇننەن باستاپ, بەس جۇمىس كۇنىنەن كەشىكتىرمەي جىبەرىلەدى.»; 12-تارماق مىناداي رەداكتسيادا جازىلسىن: «12. بىرىڭعاي دەرەكقوردى قالىپتاستىرۋ ءۇشىن مەملەكەتتىك اۋديت جانە قارجىلىق باقىلاۋ ورگاندارىنىڭ اقپاراتتىق جۇيەلەرى اراسىنداعى اقپارات الماسۋ قازاقستان رەسپۋبليكاسىنىڭ ۇلتتىق كۋالاندىرۋ ورتالىعى بەرگەن اقپاراتتىق جۇيەنى يەلەنۋشىنىڭ ەلەكتروندىق ساندىق قولىن پايدالانا وتىرىپ, ەلەكتروندىق حابارلامالار ارقىلى جۇزەگە اسىرىلادى. وسى قاعيدالاردىڭ 9-تارماعىندا كورسەتىلگەن ورگاندار مەن ۇيىمداردىڭ اقپاراتتىق جۇيەلەرى ەسەپ كوميتەتىنىڭ ياج-مەن ينتەگراتسيالانعانعا دەيىن اقپارات ۇسىنۋ ەلەكتروندىق قۇجات اينالىمىنىڭ بىرىڭعاي جۇيەسى, ال ول بولماعان جاعدايدا – پوشتا بايلانىسى ارقىلى جۇزەگە اسىرىلادى. ۇسىنىلعان اقپارات ەسەپ كوميتەتىنىڭ سىرتقى ينتەرنەت-رەسۋرسىنا مەملەكەتتىك جانە ورىس تىلدەرىندە وفيستىك فورماتتاعى ەلەكتروندىق فايلداردا ورنالاستىرىلادى.»; 14-تارماقتىڭ 1) تارماقشاسىنىڭ ءۇشىنشى ابزاتسى مىناداي رەداكتسيادا جازىلسىن: «اقپارات تولىق ەمەس نەمەسە تيىسىنشە رەسىمدەلمەگەن نە وسى قاعيدالاردا بەلگىلەنگەن تالاپتارعا سايكەس كەلمەگەن جاعدايدا, اقپارات جەتكىزۋشىنىڭ ەلەكتروندىق مەكەنجايىنا بىرىڭعاي دەرەكقورعا ەنگىزۋدەن ۋاجدەلگەن باس تارتۋ جىبەرەدى.»; 18-تارماق مىناداي رەداكتسيادا جازىلسىن: «18. مەملەكەتتىك اقپاراتتىق جۇيەلەردىڭ جۇمىس ىستەۋ سەنىمدىلىگى مەن قاۋىپسىزدىگىن قامتاماسىز ەتۋ ءۇشىن ەلەكتروندىق اقپاراتتىق رەسۋرستاردى ساقتاۋ, وڭدەۋ جانە بەرۋ ءۇشىن پايدالانىلاتىن تەحنيكالىق قۇرالدار تەحنيكالىق رەتتەۋ جانە اقپاراتتاندىرۋ سالاسىنداعى زاڭناما الاپتارىنا سايكەس كەلەدى.». 2. زاڭ ءبولىمى زاڭنامادا بەلگىلەنگەن تارتىپپەن: 1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى نورماتيۆتىك قاۋلى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا, «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جانە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە قوسۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرىلۋىن; 3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن. 3. نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن. 4. وسى نورماتيۆتىك قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ق.جاڭبىرشين قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 4 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13682 بولىپ ەنگىزىلدى.