قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ  №253

2015 جىلعى 27 اقپان, استانا قالاسى قازاقستان رەسپۋبليكاسى ەنەرگەتيكا مينيسترلىگىنىڭ 2015 جىلعى 27 ناۋرىز №241 استانا قالاسى بىرلەسكەن بۇيرىعى جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ قاعيدالارىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى 19-بابىنىڭ 6) تارماقشاسىنا سايكەس بۇيىرامىز: 1. قوسا بەرىلىپ وتىرعان جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپتە مەملەكەتتىك تىركەۋدى; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە وسى كوشىرمەسىن مەرزىمدى باسپا باسىلىمدارىنا جانە «قازاقستان رەسپۋبليكاسىنىڭ ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى; 4) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جانە جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ قازاقستان رەسپۋبليكاسىنىڭ ەنەرگەتيكا ءمينيسترى ۆ.شكولنيك قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى №253 جانە قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 27 ناۋرىزداعى №241 بىرلەسكەن بۇيرىعىمەن بەكىتىلگەن جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ قاعيدالارى 1. جالپى ەرەجەلەر 1. وسى جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ قاعيدالارى (بۇدان ءارى – قاعيدالار) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە تاۋارلاردى, جۇمىستار مەن كورسەتىلەتىن قىزمەتتەردى (بۇدان ءارى – تجق) ساتىپ الۋدىڭ جىلدىق جانە (نەمەسە) ورتا مەرزىمدى جانە (نەمەسە) ۇزاق مەرزىمدى باعدارلامالارىندا كوزدەلگەن جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە جەر قويناۋىن پايدالانۋشىلاردىڭ جانە ولاردىڭ ۋاكىلەتتى ادامدارىنىڭ, سونداي-اق جەر قويناۋىن پايدالانۋشىلار نەمەسە جەر قويناۋىن پايدالانۋشىلاردىڭ ۋاكىلەتتى ادامدارىمەن جۇمىسى قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تاۋارلاردىڭ, جۇمىستار مەن كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمىنىڭ جۇمىسىمەن ۇيلەستىرىلگەن, ينتەرنەت جەلىسىنىڭ قازاقستاندىق سەگمەنتىندە ورنالاستىرىلعان ەلەكتروندىق ساتىپ الۋ جۇيەسىن پايدالانا وتىرىپ, جەر قويناۋىن پايدالانۋ جونىندەگى وپەراتسيالاردى جۇرگىزۋگە بايلانىستى جەكەلەگەن جۇمىستاردى ورىنداۋ ءۇشىن تارتاتىن مەردىگەرلەردىڭ تجق ساتىپ الۋ ءتارتىبىن ايقىندايدى. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تجق ساتىپ الۋعا بايلانىستى تاپسىرىس بەرۋشىلەردىڭ ساتىپ الۋدى جۇزەگە اسىرۋ راسىمدەرى قازاقستان رەسپۋبليكاسىنىڭ اۋماعىندا جۇرگىزىلەدى. 2. وسى قاعيدالار: 1) كەڭ تارالعان پايدالى قازبالاردى بارلاۋ نەمەسە ءوندىرۋ بويىنشا وپەراتسيالاردى جۇزەگە اسىراتىن جەر قويناۋىن پايدالانۋشىلارعا; 2) قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىنا سايكەس تجق-نى ساتىپ الاتىن جەر قويناۋىن پايدالانۋشىلارعا; 3) داۋىس بەرەتىن اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزىن تىكەلەي نەمەسە جاناما تۇردە ۇلتتىق باسقارۋشى حولدينگ يەلەنەتىن جەر قويناۋىن پايدالانۋ قۇقىعىنا يە زاڭدى تۇلعالارعا قولدانىلمايدى. 3. وسى قاعيدالاردا زاڭدا بەلگىلەنگەن ۇعىمدار مەن انىقتامالار, سونداي-اق مىناداي ۇعىمدار پايدالانىلادى: 1) الەۋەتتى جەتكىزۋشى – جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تجق-نى ساتىپ الۋ پروتسەسىنە قاتىسۋشى جەكە ادام, زاڭدى ادام, زاڭدى ادامداردىڭ ۋاقىتشا بىرلەستىگى (كونسورتسيۋم); 2) الەۋەتتى جەتكىزۋشىنىڭ اففيليرلەنگەن ادامى – شەشىمدەردى ايقىنداۋ جانە (نەمەسە) وسى الەۋەتتى جەتكىزۋشى قابىلدايتىن شەشىمدەرگە, ونىڭ ىشىندە جازباشا نىساندا جاسالعان مامىلەنىڭ كۇشىنە اسەر ەتۋگە قۇقىلى كەز كەلگەن جەكە نەمەسە زاڭدى ادام, سونداي-اق وعان قاتىستى وسى الەۋەتتى جەتكىزۋشى وسىنداي قۇقىققا يە كەز كەلگەن جەكە نەمەسە زاڭدى ادام; 3) بىرتەكتى تجق – بىردەي بولىپ تابىلمايتىن, ۇقساس سيپاتتامالارى بار جانە ءبىر فۋنكتسيانى ورىنداۋعا جانە ءوزارا الماسىمدى بولۋعا مۇمكىندىك بەرەتىن ۇقساس قۇرامداستاردان تۇراتىن تجق; 4) جاناما قىزمەت – جەر قويناۋىن پايدالانۋ جونىندەگى وپەراتسيالاردى جۇرگىزۋگە بايلانىستى ەمەس جانە ليتسەنزيالىق كەلىسىمشارتتىق تالاپتاردى ورىنداۋعا باعىتتالعان, شىعىستارىن قۇزىرەتتى ورگان جەر قويناۋىن پايدالانۋشىنىڭ كەلىسىمشارتتىق مىندەتتەمەلەرىن ورىنداۋ رەتىندە ەسەپكە الاتىن قىزمەت; 5) جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تاۋارلاردىڭ, جۇمىستار مەن كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمى (بۇدان ءارى – ءتىزىلىم) – جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تجق-نى ساتىپ الۋدى جانە ولاردىڭ وندىرۋشىلەرىن باقىلاۋ جانە مونيتورينگىلەۋ, سونداي-اق ەلەكتروندىق ساتىپ الۋ جۇرگىزۋ مەن جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تجق تىزبەسىن قالىپتاستىرۋعا ارنالعان مەملەكەتتىك اقپاراتتىق جۇيە; 6) جەر قويناۋىن پايدالانۋشىنىڭ ۋاكىلەتتى ادامى – وسى قاعيدالارعا سايكەس جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تجق-نى جەر قويناۋىن پايدالانۋشى اتىنان ساتىپ الۋدى جۇزەگە اسىرۋعا جەر قويناۋىن پايدالانۋشى ۋاكىلەتتىك بەرگەن جەكە نەمەسە زاڭدى ادام; 7) كونكۋرستىق كوميسسيا – وسى قاعيدالاردىڭ 6-تارماعىنىڭ 1), 4) تارماقشالارىندا بەلگىلەنگەن تارتىپپەن جانە تاسىلدەرمەن تجق-نى ساتىپ الۋدى جۇرگىزۋدىڭ راسىمدەرىن ورىنداۋ ءۇشىن تاپسىرىس بەرۋشى قۇراتىن القالى ورگان; 8) كونكۋرستىق قۇجاتتاما – اشىق كونكۋرستى وتكىزۋ شارتتارىن قامتيتىن كونكۋرستىق ءوتىنىمدى جانە كونكۋرستىق باعا ۇسىنىسىن دايىنداۋ ءۇشىن الەۋەتتى جەتكىزۋشىگە ۇسىنىلاتىن, تاپسىرىس بەرۋشى بەكىتكەن قۇجاتتاما; 9) كەشەندى جۇمىس – قاتتى پايدالى قازبالار سالاسىنداعى جەر قويناۋىن پايدالانۋشىلارعا عانا تارالاتىن جانە جوبالىق جانە ىزدەستىرۋ جۇمىستارىن, تولىق اياقتالعان قۇرىلىس, جوبالاۋ جانە زەرتتەۋ جۇمىستارىن تولىق اياقتالعان قۇرىلىستى (قاجەت بولعان جاعدايدا) باسقارۋدى قامتيتىن جۇمىستار مەن كورسەتىلەتىن قىزمەتتەردىڭ جيىنتىعى جانە كورسەتىلگەن جۇمىستارعا ىلەسپەلى تاۋارلاردى جەتكىزۋ, قىزمەتتەردى كورسەتۋ; 10) قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى – «ەلەكتروندىق ۇكىمەتتىڭ», مەملەكەتتىك جانە مەملەكەتتىك ەمەس اقپاراتتىق جۇيەلەردىڭ قاتىسۋشىلارىنا قىزمەت كورسەتەتىن كۋالاندىرۋشى ورتالىق; 11) قارجىلىق جىل – قازاقستان رەسپۋبليكاسىنىڭ بيۋدجەت زاڭناماسىنا سايكەس ايقىندالعان ۋاقىت كەزەڭى; 12) مەردىگەر – جەر قويناۋىن پايدالانۋ جونىندەگى وپەراتسيالاردى جۇرگىزۋگە بايلانىستى جۇمىستاردىڭ جەكەلەگەن تۇرلەرىن ورىنداۋ ءۇشىن جەر قويناۋىن پايدالانۋشى نەمەسە ونىڭ ۋاكىلەتتى ادامى تارتاتىن جەكە نەمەسە زاڭدى ادام; 13) ساتىپ الۋ – كەلىسىمشارتتىق مىندەتتەمەلەردى جانە وسى قاعيدالاردا بەلگىلەنگەن تارتىپپەن جانە تاسىلدەرمەن جۇزەگە اسىرىلاتىن, كەلىسىمشارتتا جاناما رەتىندە كوزدەلگەن قىزمەتتى ورىنداۋ ءۇشىن قاجەتتى جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تجق-نى مەنشىكتى قاراجات ەسەبىنەن ساتىپ الۋ; 13) ساتىپ الۋ كودى – وسى قاعيدالاردىڭ 6-تارماعىنىڭ 1), 3), 4) تارماقشالارىندا كورسەتىلگەن تاسىلدەرمەن تجق-نى ساتىپ الۋدى جۇرگىزۋ تۋرالى حابارلاندىرۋلاردى قالىپتاستىرۋ كەزىندە نەمەسە وسى قاعيدالاردىڭ 6-تارماعىنىڭ 2) تارماقشاسىندا كورسەتىلگەن تاسىلمەن تجق-نى ساتىپ الۋ قورىتىندىلارىن شىعارۋ حاتتاماسىن قالىپتاستىرۋ كەزىندە جۇيەمەن قالىپتاستىرىلعان كود; 15) تاپسىرىس بەرۋشى – وسى قاعيدالارعا سايكەس تجق-نى ساتىپ الۋدى جۇزەگە اسىراتىن جەر قويناۋىن پايدالانۋشى, مەردىگەر, جەر قويناۋىن پايدالانۋشىنىڭ ۋاكىلەتتى ادامى; 16) تولىق اياقتالعان قۇرىلىس – سالۋ, ونى قامتاماسىز ەتۋ جانە پايدالانۋعا دايىن وبەكتىنى تاپسىرىس بەرۋشىگە وتكىزۋ; 17) شارتتى باعا – اشىق كونكۋرس شەڭبەرىندە ساتىپ الىناتىن تاۋارلاردىڭ قازاقستاندىق ءوندىرۋشىسى نەمەسە جۇمىستار مەن كورسەتىلەتىن قىزمەتتەردىڭ قازاقستاندىق ءوندىرۋشىسى بولىپ تابىلاتىن, اشىق كونكۋرسقا قاتىسۋشىنىڭ كونكۋرستىق ءوتىنىم باعاسىنىڭ جيىرما پايىزعا شارتتى تۇردە ازايتىلۋى ەسكەرىلە وتىرىپ ەسەپتەلگەن جانە تەك كونكۋرس جەڭىمپازىن ايقىنداۋ ماقساتىندا عانا كونكۋرستىق باعا ۇسىنىستارىن باعالاۋ جانە سالىستىرۋ كەزىندە پايدالانىلاتىن باعا; 18) شارتتىڭ ەلەۋلى تالاپتارى – بۇل شارتتىڭ نىساناسى, تاۋارلاردى جەتكىزۋ, جۇمىستاردى ورىنداۋ, قىزمەتتەردى كورسەتۋ مەرزىمدەرى مەن ورىندارى, تولەۋ ءتارتىبى, شارتتىڭ قولدانىلۋ مەرزىمى تۋرالى تالاپتار; 19) ەلەكتروندىق ساتىپ الۋ جۇيەسى (بۇدان ءارى – جۇيە) – ساتىپ الۋدى ۇيىمداستىرۋشىلار (جەر قويناۋىن پايدالانۋشى نەمەسە جەر قويناۋىن پايدالانۋشىلار ۋاكىلەتتىك بەرگەن تۇلعالار) تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ ءۇشىن پايدالاناتىن, يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگان مۇناي جانە گاز سالاسىنداعى ۋاكىلەتتى ورگانمەن بىرلەسىپ بەكىتەتىن جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ تارتىبىنە سايكەس قۇرىلاتىن جانە پايدالانىلاتىن ەلەكتروندىق اقپاراتتىق جۇيە; 20) ەلەكتروندىق تسيفرلىق قولتاڭبا – بۇل ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار ءتىزىلىمى. 4. ساتىپ الۋ راسىمدەرىن جۇرگىزۋ جانە ساتىپ الۋ بويىنشا بارلىق قۇجاتتاما, ونىڭ ىشىندە الەۋەتتى جەتكىزۋشىلەردىڭ كونكۋرستىق وتىنىمدەرى, قوسا تىركەلەتىن قۇجاتتارمەن بىرگە مەملەكەتتىك جانە ورىس تىلدەرىندە, كونكۋرستىق قۇجاتتامادا كوزدەلگەن جاعدايلاردا باسقا تىلدەردەگى اۋدارماسى قوسا بەرىلە وتىرىپ, جۇزەگە اسىرىلادى. تاپسىرىس بەرۋشى بەكىتكەن جانە (نەمەسە) الەۋەتتى جەتكىزۋشى ۇسىنعان قۇجاتتارداعى اۋدارمالار اراسىندا كەلىسپەۋشىلىكتەر تۋىنداعان جاعدايدا, مەملەكەتتىك تىلدە ۇسىنىلعان قۇجاتتار ارتىقشىلىققا يە بولادى. 5. باعالاۋ راسىمدەرىن جەڭىلدەتۋ جانە ساتىپ الۋعا قاتىساتىن الەۋەتتى جەتكىزۋشىلەر ۇسىنعان, ءارتۇرلى ۆاليۋتالارمەن كورسەتىلگەن باعالاردى سالىستىرۋ ءۇشىن قولدانىلاتىن ۆاليۋتا, باعالاردى باعالاۋ جانە سالىستىرۋ كۇنى قازاقستان رەسپۋبليكاسىنىڭ ۇلتتىق بانكى بەلگىلەگەن رەسمي باعام بويىنشا قازاقستان رەسپۋبليكاسىنىڭ ۆاليۋتاسى - تەڭگە بولىپ تابىلادى. 6. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تجق-نى ساتىپ الۋدى تاپسىرىس بەرۋشى جۇيەنى پايدالانا وتىرىپ, مىناداي تاسىلدەردىڭ بىرىمەن جۇزەگە اسىرادى: 1) اشىق كونكۋرس; 2) ءبىر كوزدەن; 3) باعا ۇسىنىستارىن سۇراتۋ; 4) ەلەكتروندىق ساتىپ الۋ جۇيەسى ارقىلى. تاۋار بيرجالارى ارقىلى تاۋارلاردى ساتىپ الۋ قازاقستان رەسپۋبليكاسىنىڭ تاۋار بيرجالارى تۋرالى زاڭناماسىنا سايكەس جۇزەگە اسىرىلادى. وسى قاعيدالاردا ايقىندالعان بارلىق ساتىپ الۋ راسىمدەرىنىڭ ىسكە اسىرىلۋىن قامتاماسىز ەتەتىن فۋنكتسيونالدى كوزدەيتىن جۇيەنى جەكە جانە زاڭدى اداملار جاسايدى. جۇيەنى پايدالانۋ ءتارتىبىن ونىڭ جەكە مەنشىك يەسى نەمەسە يەسى ايقىندايدى. 7. تاپسىرىس بەرۋشى ءوزىنىڭ شەشىمىمەن تاپسىرىس بەرۋشىنىڭ اتىنان اقپاراتتى قالىپتاستىرۋ جانە جۇيەگە ورنالاستىرۋ بويىنشا وسى قاعيدالاردا كوزدەلگەن ءىس-قيمىلداردى جاسايتىن ۋاكىلەتتى ادامنىڭ ايقىندايدى. 8. الەۋەتتى جەتكىزۋشىگە اشىق كونكۋرس تاسىلىمەن جانە ەلەكتروندى ساتىپ الۋ جۇيەسى ارقىلى تجق-نى ساتىپ الۋدى جۇرگىزۋ كەزىندە مىناداي بىلىكتىلىك تالاپتارى قويىلادى: 1) قۇقىقتىق قابىلەتتىلىككە (زاڭدى ادامدار ءۇشىن), ازاماتتىق ءىس-ارەكەت قابىلەتتىلىگىنە (جەكە ادامدار ءۇشىن) يە بولۋ; 2) تولەمگە قابىلەتتى بولۋ; 3) تاراتۋ نەمەسە بانكروتتىق راسىمدەرگە جاتپاۋ. كورسەتىلگەن تالاپتارعا سايكەستىكتى راستاۋ ءۇشىن الەۋەتتى جەتكىزۋشى وسى قاعيدالاردىڭ 40-تارماعىنىڭ 2), 5), 10) تارماقشالارىندا كورسەتىلگەن قۇجاتتاردى ۇسىنادى. 9. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تجق-نى ساتىپ الۋ مىناداي قاعيداتتاردى ساقتاي وتىرىپ, جۇزەگە اسىرىلادى: 1) ساتىپ الۋ پروتسەسىنىڭ جاريالىلىعى مەن اشىقتىعى; 2) الەۋەتتى جەتكىزۋشىلەردىڭ اراسىنداعى ادال باسەكەلەستىك; 3) قازاقستاندىق تجق-نى وندىرۋشىلەردى قولداۋ. تاپسىرىس بەرۋشى ساتىپ الۋ راسىمدەرىنىڭ كەز كەلگەن كەزەڭىندە وسى قاعيدالاردا كورسەتىلگەن نورمالاردى بۇزعان جاعدايدا, تاپسىرىس بەرۋشى ساتىپ الۋدى وتكىزۋدەن جانە وسىنداي ساتىپ الۋدى قايتادان وتكىزۋگە باس تارتادى. الەۋەتتى جەتكىزۋشى تاپسىرىس بەرۋشىنىڭ ساتىپ الۋدى وتكىزۋدەن باس تارتۋ تۋرالى شەشىمىمەن كەلىسپەگەن جاعدايدا, ءوزىنىڭ مۇددەلەرىن قورعاۋ ءۇشىن سوتقا جۇگىنۋگە بولادى. 10. ساتىپ الۋ پروتسەسى مىنالاردى قامتيدى: 1) ساتىپ الۋدى جوسپارلاۋ; 2) جەتكىزۋشىنى تاڭداۋ جانە ونىمەن ساتىپ الۋ تۋرالى شارت جاساسۋ; 3) ساتىپ الۋ تۋرالى شارتتى ورىنداۋ. 11. تجق-نى ساتىپ الۋعا زاڭدى اداملاردىڭ ۋاقىتشا بىرلەستىكتەرىنىڭ (كونسورتسيۋمدار) قاتىسۋىنا جول بەرىلەدى. ساتىپ الۋعا وسىنداي زاڭدى اداملاردىڭ ۋاقىتشا بىرلەستىكتەرى قاتىسقان جاعدايدا, ونىڭ قاتىسۋشىلارى وسى قاعيدالاردىڭ 40-تارماعىندا كوزدەلگەن وزدەرىنىڭ بىلىكتىلىك تالاپتارىن راستايتىن قۇجاتتاردان باسقا: 1) بىرلەستىككە (كونسورتسيۋمعا) كىرەتىن زاڭدى اداملاردىڭ ۋاكىلەتتى وكىلدەرى قول قويعان جانە وسى زاڭدى اداملاردىڭ فيرمالىق مورلەرىمەن بەكىتىلگەن بىرلەسكەن شارۋاشىلىق قىزمەتى تۋرالى شارتتىڭ سكانەرلەنگەن كوشىرمەسىن; 2) ەگەر الەۋەتتى جەتكىزۋشىنىڭ وسىنداي قىزمەتى قازاقستان رەسپۋبليكاسىنىڭ ليتسەنزيالاۋ تۋرالى قولدانىستاعى زاڭناماسىنا سايكەس ليتسەنزيالاۋعا جاتقان جاعدايدا, وندا كونسورتسيۋمنىڭ ءبىر نەمەسە بىرنەشە قاتىسۋشىسىنىڭ (قاتىسۋشىلارىنىڭ) بىرلەسكەن شارۋاشىلىق قىزمەتى تۋرالى شارتتا كوزدەلگەن قىزمەت بولىگىندە تاۋارلاردى ساتۋ, جۇمىستاردى ورىنداۋ, قىزمەتتەردى كورسەتۋ قۇقىعىنا ءتيىستى ليتسەنزيالارىنىڭ سكانەرلەنگەن كوشىرمەلەرىن ۇسىنادى. 12. جۇيە ارقىلى جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تجق-نى ساتىپ الۋعا قاتىسۋ ءۇشىن قازاقستان رەسپۋبليكاسى ۇلتتىق كۋالاندىرۋشى ورتالىعىندا ەلەكتروندىق تسيفرلىق قولتاڭبا الۋ نەمەسە تىركەۋ كۋالىكتەرىنىڭ تىركەلىمىن ەنگىزۋ, زاڭدى جانە (نەمەسە) جەكە ادامنى جۇيەگە ساتىپ الۋعا قاتىسۋشى (تاپسىرىس بەرۋشى جانە (نەمەسە) جەتكىزۋشى) رەتىندە تىركەۋ, سونداي-اق جۇيەدە اقپاراتتى قالىپتاستىرۋعا جانە ورنالاستىرۋعا ۋاكىلەتتى ادامداردى جۇيەدە تىركەۋ قاجەت. بۇل تالاپ وسى قاعيدالاردىڭ 6-تارماعىنىڭ 2) تارماقشاسىندا كوزدەلگەن تاسىلدەر ارقىلى وتكىزىلەتىن ساتىپ الۋعا قولدانىلمايدى. بەلگىلەنگەن مەرزىمدە جۇيەنىڭ ولاردى اشۋ ساتىنە دەيىن جۇيە ارقىلى اشىق كونكۋرسقا قاتىسۋشىلار جانە (نەمەسە) الەۋەتتى جەتكىزۋشىلەر ۇسىنعان كونكۋرستىق باعا ۇسىنىستارىن, باعا ۇسىنىستارىن ەلەكتروندىق ساتىپ الۋ جۇيەسى ارقىلى تاسىلىمەن ساتىپ الۋ بويىنشا باعا ۇسىنىستارىن تاپسىرىس بەرۋشىنىڭ قاراۋىنا جول بەرىلمەيدى. تاپسىرىس بەرۋشى وتكىزەتىن ساتىپ الۋعا قاتىسۋ ءۇشىن الەۋەتتى جەتكىزۋشىلەر ۇسىنعان قۇجاتتاردى تاپسىرىس بەرۋشىنىڭ جويۋىنا جانە (نەمەسە) وزگەرتەۋىنە جول بەرىلمەيدى. 2. ساتىپ الۋدى جوسپارلاۋ 13. تجق-نى ساتىپ الۋدىڭ جىلدىق, ورتا مەرزىمدى, ۇزاق مەرزىمدى باعدارلامالارى جەر قويناۋىن پايدالانۋشىنىڭ جۇمىس باعدارلاماسى جانە ءتيىستى بيۋدجەتتەرى نەگىزىندە ازىرلەنەدى. جۇمىس باعدارلاماسى بولماعان جاعدايدا تجق-نى ساتىپ الۋدىڭ جىلدىق, ورتا مەرزىمدى, ۇزاق مەرزىمدى باعدارلامالارى جەر قويناۋىن پايدالانۋشىنىڭ بەكىتىلگەن بيۋدجەتتەرى نەگىزىندە ازىرلەنەدى. تجق-نى ساتىپ الۋدىڭ جىلدىق, ورتا مەرزىمدى, ۇزاق مەرزىمدى باعدارلامالارىندا جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە تىكەلەي قولدانۋ ءۇشىن جانە كەلىسىمشارتتا جاناما كوزدەلگەن قىزمەتتەر ءۇشىن ساتىپ الىناتىن بارلىق تجق كورسەتىلەدى. تجق ساتىپ الۋدىڭ جىلدىق, ورتا, ۇزاق مەرزىمدى باعدارلامالارىن تاپسىرىس بەرۋشى جۇيەدە ورنالاستىرۋى ءتيىس. 14. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە جەر قويناۋىن پايدالانۋشىنىڭ نەمەسە ۋاكىلەتتى ادامىڭ تجق-نى ساتىپ الۋ ءراسىمى تجق-نى ساتىپ الۋدىڭ جىلدىق باعدارلاماسىنا سايكەس جۇزەگە اسىرىلادى. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە جەر قويناۋىن پايدالانۋشىنىڭ نەمەسە ۋاكىلەتتى ادامنىڭ تجق-نى ساتىپ الۋ ءراسىمى وسى قاعيدالاردىڭ 168-تارماعىندا كوزدەلگەن جاعدايلاردا ساتىپ الۋدىڭ ورتا مەرزىمدى نەمەسە ۇزاق مەرزىمدى باعدارلاماسىنا سايكەس جۇزەگە اسىرىلادى. 15. قاجەت بولعان جاعدايدا تجق ساتىپ الۋدىڭ جىلدىق, ورتا مەرزىمدى جانە ۇزاق مەرزىمدى باعدارلامالارىنا وزگەرىستەر جانە (نەمەسە) تولىقتىرۋلار ەنگىزىلۋى مۇمكىن. 16. جەر قويناۋىن پايدالانۋشىنىڭ تجق-نى ساتىپ الۋدىڭ بەكىتىلگەن جىلدىق, ورتا مەرزىمدى, ۇزاق مەرزىمدى باعدارلامالارىندا كوزدەلگەن تجق-نى ساتىپ الۋعا ارنالعان شىعىستار قىسقارتىلعان جاعدايدا, ساتىپ الۋدى جۇزەگە اسىرۋدان باس تارتۋعا جول بەرىلەدى. 3. جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە اشىق كونكۋرس تاسىلىمەن تاۋارلاردى, جۇمىستار مەن كورسەتىلەتىن قىزمەتتەردi ساتىپ الۋ ءتارتىبى 1-پاراگراف. جالپى ەرەجەلەر 17. اشىق كونكۋرس تاسىلىمەن بىرتەكتى بولىپ تابىلمايتىن تجق-نى ساتىپ الۋدى جۇزەگە اسىرۋ كەزىندە تاپسىرىس بەرۋشىگە كونكۋرستىق قۇجاتتامادا مۇنداي تجق-نى لوتتارعا مىندەتتى تۇردە بولە وتىرىپ, كورسەتىلگەن تاسىلمەن بىرىڭعاي ساتىپ الۋدى ۇيىمداستىرۋىنا جانە جۇرگىزۋىنە جول بەرىلەدى. اشىق كونكۋرس تاسىلىمەن بىرتەكتى تجق-نىڭ بىرنەشە تۇرلەرىن ساتىپ الۋ تجق-نى ولاردىڭ بىرتەكتى تۇرلەرى بويىنشا لوتتارعا جانە ولاردى جەتكىزۋدىڭ (ورىنداۋدىڭ, كورسەتۋدىڭ) ورنى بويىنشا ءبولۋ ارقىلى جۇزەگە اسىرىلادى. تاپسىرىس بەرۋشى اشىق كونكۋرستى وتكىزگەن كەزدە ءوزىنىڭ قالاۋى بويىنشا لوتتاردى تاۋارلاردى جەتكىزۋدىڭ, جۇمىستاردى ورىنداۋدىڭ جانە (نەمەسە) قىزمەتتەردى كورسەتۋدىڭ ءبىر ورنىنا يە بىرتەكتى تجق-نىڭ سانى (كولەمى) بويىنشا قوسىمشا بولە الادى. تاپسىرىس بەرۋشى بىرتەكتى تاۋارلاردى, جۇمىستاردى نەمەسە كورسەتىلەتىن قىزمەتتەردى ساتىپ الۋدى جەر قويناۋىن پايدالانۋعا ارنالعان بىرنەشە كەلىسىمشارت شەڭبەرىندە وتكىزگەن جاعدايدا, وسىنداي تاۋارلاردى نەمەسە جۇمىستاردى نەمەسە كورسەتىلەتىن قىزمەتتەردى ساتىپ الۋ جەر قويناۋىن پايدالانۋعا ارنالعان كەلىسىمشارتتار بويىنشا ساتىپ الىناتىن تاۋارلاردىڭ نەمەسە جۇمىستاردىڭ نەمەسە كورسەتىلەتىن قىزمەتتەر كولەمدەرىنىڭ ءبولىنۋى كورسەتىلگەن جاعدايدا ءبىر لوتپەن ساتىپ الۋعا جول بەرىلەدى. تولىق اياقتالعان قۇرىلىس جانە كەشەندى جۇمىستار ءبىر لوتپەن ساتىپ الىنادى. اشىق كونكۋرس سەگىز كەزەڭدە وتكىزىلەدى: 1) كونكۋرستىق كوميسسيانى قالىپتاستىرۋ; 2) كونكۋرستىق قۇجاتتامانى قالىپتاستىرۋ جانە بەكىتۋ; 3) اشىق كونكۋرستى وتكىزۋ تۋرالى حابارلاندىرۋدى جانە كونكۋرستىق قۇجاتتامانى جۇيەدە ورنالاستىرۋ, سونداي-اق اشىق كونكۋرستى وتكىزۋ تۋرالى حابارلاندىرۋدى اپتاسىنا كەمىندە ءۇش رەت جاريالاناتىن جانە مەملەكەتتىك جانە ورىس تىلدەرىندە قازاقستان رەسپۋبليكاسىنىڭ اۋماعىندا تاراتىلاتىن مەرزىمدى ءباسپاسوز باسىلىمدارىندا ورنالاستىرۋ; 4) كونكۋرستىق وتىنىمدەردى جيناۋ; 5) كونكۋرستىق وتىنىمدەردى اشۋ حاتتاماسىن جاساي وتىرىپ, جۇيەدە كونكۋرستىق وتىنىمدەردى اشۋ; 6) كونكۋرستىق كوميسسيانىڭ اشىق كونكۋرسقا قاتىسۋعا رۇقسات بەرىلگەن الەۋەتتى جەتكىزۋشىنىڭ «تاۋارلاردىڭ قازاقستاندىق ءوندىرۋشىسى» (ەگەر, الەۋەتتى جەتكىزۋشى اشىق كونكۋرستىڭ ساتىپ الۋ نىساناسى بولىپ تابىلاتىن تاۋارلاردى وندىرگەن جاعدايدا) نەمەسە «جۇمىستاردىڭ, كورسەتىلەتىن قىزمەتتەردىڭ قازاقستاندىق ءوندىرۋشىسى» (ەگەر الەۋەتتى جەتكىزۋشى اشىق كونكۋرستىڭ ساتىپ الۋ ءمانى بولىپ تابىلاتىن جۇمىستاردى ورىنداعان نەمەسە قىزمەتتەردى كورسەتكەن جاعدايدا) مارتەبەسىنە سايكەستىگىن نەمەسە سايكەس كەلمەيتىندىگىن كورسەتە وتىرىپ, اشىق كونكۋرسقا قاتىسۋعا رۇقسات بەرۋ حاتتاماسىن جاساي وتىرىپ, اشىق كونكۋرستىڭ تالاپتارىنا سايكەس كەلۋىنە كونكۋرستىق وتىنىمدەردى قاراۋى; 7) اشىق كونكۋرسقا قاتىسۋشىلاردىڭ جۇيەدەگى ءاربىر لوت بويىنشا كونكۋرستىق باعا ۇسىنىستارىن ۇسىنۋى جانە جۇيە ارقىلى قورىتىندى شىعارۋ حاتتامالارىن جاساي وتىرىپ, اشىق كونكۋرستىڭ جەڭىمپازىن ايقىنداۋ; 8) اشىق كونكۋرستىڭ جەڭىمپازىمەن شارت (شارتتار) جاساسۋ. وسى تارماقتا كوزدەلگەن جاعدايلاردا الەۋەتتى جەتكىزۋشىلەردىڭ كونكۋرستىق وتىنىمدەرىن قاراۋ, اشىق كونكۋرسقا قاتىسۋشىلاردىڭ كونكۋرستىق باعا ۇسىنىستارىن باعالاۋ جانە سالىستىرۋ, سونداي-اق اشىق كونكۋرستىڭ جەڭىمپازىن ايقىنداۋ كونكۋرستىق قۇجاتتامادا كوزدەلگەن ءاربىر لوت بويىنشا جۇزەگە اسىرىلادى. 2-پاراگراف. كونكۋرستىق كوميسسياسىن قالىپتاستىرۋ 18. تاپسىرىس بەرۋشىگە جەكە اشىق كونكۋرسقا دا, سونداي-اق تۇراقتى نەگىزدە دە, بىراق ءبىر قارجى جىلىنان اسپايتىن مەرزىمگە كونكۋرستىق كوميسسيانى قۇرۋعا جول بەرىلەدى. 19. كونكۋرستىق كوميسسيانىڭ قۇرامىنا توراعا, توراعانىڭ ورىنباسارى جانە كونكۋرستىق كوميسسيانىڭ مۇشەلەرى كىرەدى. كوميسسيا مۇشەلەرىنىڭ جالپى سانى تاق ساننان تۇرادى. كونكۋرستىق كوميسسيانىڭ قۇرامىندا كەمىندە ءۇش ادام بولۋى ءتيىس. كونكۋرستىق كوميسسيانىڭ حاتشىسى كونكۋرستىق كوميسسيانىڭ مۇشەسى بولىپ تابىلمايدى جانە كونكۋرستىق كوميسسيانىڭ شەشىم قابىلداۋى كەزىندە داۋىس بەرۋگە بولمايدى. 20. كونكۋرستىق كوميسسيانىڭ وتىرىستارى كونكۋرستىق كوميسسيا مۇشەلەرىنىڭ جالپى سانىنىڭ قاراپايىم كوپشىلىگى قاتىسقان جاعدايدا وتكىزىلەدى جانە قاتىسقان كونكۋرستىق كوميسسيا مۇشەلەرى, ونىڭ توراعاسى, ونىڭ ورىنباسارى مەن كونكۋرستىق كوميسسيانىڭ حاتشىسى قول قوياتىن حاتتامامەن رەسىمدەلەدى. كونكۋرستىق كوميسسيانىڭ قانداي دا ءبىر مۇشەسى قاتىسپاعان جاعدايدا, كونكۋرستىق كوميسسيا وتىرىسىنىڭ حاتتاماسىندا ونىڭ قاتىسپاۋ سەبەبى كورسەتىلىپ, وسى فاكتىنى راستايتىن قۇجات قوسا بەرىلەدى. 21. كونكۋرستىق كوميسسيانىڭ شەشىمى اشىق داۋىس بەرۋارقىلى قابىلدانادى جانە وعان وتىرىسقا قاتىسىپ وتىرعان كونكۋرستىق كوميسسيا مۇشەلەرىنىڭ جالپى سانىنىڭ كوپشىلىگى داۋىس بەرگەن جاعدايدا, ول قابىلداندى دەپ ەسەپتەلەدى. داۋىستار تەڭ بولعان جاعدايدا, كونكۋرستىق كوميسسيانىڭ توراعاسى نەمەسە, ول بولماعان جاعدايدا, توراعانىڭ ورىنباسارى داۋىس بەرگەن شەشىم قابىلدانعان بولىپ ەسەپتەلەدى. كونكۋرستىق كوميسسيانىڭ شەشىمىمەن كەلىسپەگەن جاعدايدا, كونكۋرستىق كوميسسيانىڭ كەز كەلگەن مۇشەسى ايرىقشا پىكىرگە يە بولادى, ول جازباشا تۇردە جازىلۋى جانە كونكۋرستىق كوميسسيا وتىرىسىنىڭ حاتتاماسىنا قوسا بەرىلۋى ءتيىس. 22. كونكۋرستىق كوميسسيانىڭ توراعاسى ونىڭ جۇمىسىنا باسشىلىق جاسايدى, كوميسسيانىڭ وتىرىستارىندا توراعالىق ەتەدى. 23. كونكۋرستىق كوميسسيانىڭ حاتشىسى تجق-نى ساتىپ الۋ بويىنشا اشىق كونكۋرس راسىمدەرىنىڭ وتكىزىلۋىن ۇيىمداستىرادى. كونكۋرستىق كوميسسيانىڭ حاتشىسى كونكۋرستىق كوميسسيا وتىرىسىنىڭ كۇن ءتارتىبى بويىنشا ۇسىنىستاردى دايىندايدى, كونكۋرستىق كوميسسيانى قاجەتتى قۇجاتتارمەن قامتاماسىز ەتەدى, كونكۋرستىق كوميسسيا وتىرىسىنىڭ وتكىزىلۋىن ۇيىمداستىرادى, جۇيەمەن قالىپتاستىرىلعان وتىنىمدەر سالىنعان كونۆەرتتەردى اشۋ حاتتاماسىنا, وتىنىمدەر سالىنعان كونۆەرتتەردى اشۋعا قاتىسۋعا رۇقسات حاتتاماسىنا, اشىق كونكۋرستىڭ قورىتىندىسىن شىعارۋ حاتتاماسىنا, كونكۋرستىق كوميسسيا وتىرىستارىنىڭ باسقا دا حاتتامالارىنا قول قويادى, تجق-نى ساتىپ الۋ بويىنشا اشىق كونكۋرستىڭ قۇجاتتارى مەن ماتەريالدارىنىڭ ساقتالۋىن قامتاماسىز ەتەدى. 3-پاراگراف. كونكۋرستىق قۇجاتتاماسىن قالىپتاستىرۋ جانە بەكىتۋ 24. كونكۋرستىق قۇجاتتاما تجق-نى ساتىپ الۋدىڭ تالاپتارى مەن شارتتارى تۋرالى الەۋەتتى جەتكىزۋشىلەردى حاباردار ەتۋگە ارنالعان. كونكۋرستىق قۇجاتتامانى تاپسىرىس بەرۋشى ازىرلەيدى جانە بەكىتەدى. 25. كونكۋرستىق قۇجاتتامادا مىناداي تالاپتار كورسەتىلەدى: 1) اشىق كونكۋرس تاسىلىمەن ساتىپ الۋدىڭ نىساناسى (اشىق كونكۋرس نىساناسىنا بىرنەشە لوت كىرگەن جاعدايدا, لوتتاردىڭ اتاۋلارى مەن نومىرلەرى); 2) الەۋەتتى جەتكىزۋشى ءوزىنىڭ بىلىكتىلىك تالاپتارىنىڭ راستاۋ ءۇشىن ۇسىناتىن وسى قاعيدالاردىڭ 40-تارماعىنىڭ 2), 5) تارماقشالارىندا كورسەتىلگەن قۇجاتتاردىڭ تىزبەسى; 3) تاپسىرىس بەرۋشىنىڭ اتاۋى (زاڭدى ادام ءۇشىن), تەگى, اتى, اكەسىنىڭ اتى (جەكە ادام ءۇشىن), زاڭدى جانە ناقتى مەكەنجايى; 4) ۇلتتىق ستاندارت نەمەسە قازاقستان رەسپۋبليكاسى وندىرۋشىلەرىنىڭ كوممەرتسيالىق ەمەس ۇيىمدارى بەكىتكەن ۇكىمەتتىك ەمەس ستاندارت بولعان كەزدە ونى كورسەتە وتىرىپ, ال قاجەت بولعان جاعدايدا, جوسپارلاردى, سىزبالار مەن نوبايلاردى كورسەتە وتىرىپ, ساتىپ الىناتىن تجق-نىڭ فۋنكتسيونالدىق, تەحنيكالىق, ساپالىق جانە پايدالانۋ جانە وزگە دە سيپاتتامالارىن سيپاتتاي وتىرىپ, ءار لوت بويىنشا تەحنيكالىق ەرەكشەلىك, سونداي-اق تجق-نىڭ وسى تالاپتارعا سايكەستىگىن راستايتىن قۇجاتتاردىڭ تىزبەسى; 5) كونكۋرستىق باعا ۇسىنىسىن قالىپتاستىرۋدىڭ ءتارتىبى, ونىڭ ىشىندە ساتىپ الىناتىن تجق باعاسىنان باسقا, قوسىلعان قۇن سالىعىن (بۇدان ءارى – ققس) ەسەپكە الماعاندا, ولاردى تاسىمالداۋ, ساقتاندىرۋ, كەدەندىك باجداردى, سالىقتاردى الىمداردى تولەۋ شىعىستارىن, سونداي-اق تاۋارلاردى جەتكىزۋ, جۇمىستاردى ورىنداۋ, قىزمەتتەردى كورسەتۋ شارتتارىندا كوزدەلگەن وزگە دە شىعىستاردى شىعىستار لوتىنا قوسۋ; 6) تولەم شارتتارى; 7) ءاربىر لوت بويىنشا ساتىپ الىناتىن تاۋارلاردىڭ سانى, ورىندالاتىن جۇمىستار مەن كورسەتىلەتىن قىزمەتتەردىڭ كولەمى; 8) ءاربىر لوت بويىنشا تاۋارلاردى جەتكىزۋ, جۇمىستاردى ورىنداۋ نەمەسە قىزمەتتەردى كورسەتۋ ورىندارى; 9) شارتتى جاساعان كۇننەن باستاپ ءاربىر لوت بويىنشا تاۋارلاردى جەتكىزۋدىڭ, جۇمىستاردى ورىنداۋدىڭ نەمەسە قىزمەتتەردى كورسەتۋدىڭ مەرزىمدەرى; 10) كونكۋرستىق وتىنىمدەردى ۇسىنۋدىڭ باستالۋ مەن اياقتالۋ ۋاقىتى, ولاردىڭ قولدانىلۋ مەرزىمى; 11) كونكۋرستىق وتىنىمدەردى اشۋ كۇنى مەن ۋاقىتى; 12) ەلەۋلى تالاپتارى مەن قورىتىندىلار شىعارىلعان كۇننەن باستاپ شارتتىڭ مەرزىمى كورسەتىلگەن شارتتىڭ جوباسى; 13) زاڭنىڭ 78-بابىنىڭ 2-تارماعىندا كوزدەلگەن ءتيىستى كريتەريگە سايكەس كەلەتىن تاپسىرىس بەرۋشىنىڭ شارتتى جەڭىلدىكتەر ۇسىنۋ تۋرالى مىندەتتەمەسى جانە الەۋەتتى جەتكىزۋشىنىڭ كونكۋرستىق ءوتىنىمىنىڭ شارتتى باعاسىن ەسەپتەۋ ءۇشىن وسى قاعيدالاردىڭ 42-تارماعىندا كورسەتىلگەن قۇجاتتار تىزبەسى; 14) كونكۋرستىق ءوتىنىمنىڭ مازمۇنىنا جانە ونى رەسىمدەۋگە قويىلاتىن تالاپتار, سونداي اق الەۋەتتى جەتكىزۋشىلەردىڭ كونكۋرستىق وتىنىمدەرىنىڭ ەڭ از قولدانىلۋ مەرزىمى; 15) الەۋەتتى جەتكىزۋشىلەرگە كونكۋرستىق قۇجاتتاما بويىنشا تۇسىندىرۋلەرگە سۇراۋ سالۋعا بولاتىن تاسىلدەر; 16) الەۋەتتى جەتكىزۋشىلەر جۇگىنە الاتىن تاپسىرىس بەرۋشىنىڭ ۋاكىلەتتى ادامدارىنىڭ ەلەكتروندىق پوچتاسىنىڭ مەكەنجايى مەن تەلەفون نومىرلەرى; 17) كونكۋرستىق ءوتىنىمدى جانە (نەمەسە) ساتىپ الۋ تۋرالى شارتتىڭ ورىندالۋىن قامتاماسىز ەتۋدى ەنگىزۋدىڭ كولەمى (ەگەر كونكۋرستىق قۇجاتتامادا كونكۋرستىق ءوتىنىمدى قامتاماسىز ەتۋ جانە (نەمەسە) ساتىپ الۋ تۋرالى شارتتىڭ ورىندالۋىن قامتاماسىز ەتۋ كوزدەلسە); 18) ءاربىر لوت بويىنشا ققس-تى ەسەپكە الماعاندا اشىق كونكۋرستىڭ نىساناسى بولىپ تابىلاتىن تجق-نى ساتىپ الۋعا بولىنگەن سومالار تۋرالى مالىمەتتەر; 19) وسى قاعيدالاردىڭ 35-تارماعىنا سايكەس تاپسىرىس بەرۋشىنىڭ تجق-نى ساتىپ الۋ بويىنشا اشىق كونكۋرستى وتكىزۋدەن باس تارتۋدىڭ مەرزىمدەرى مەن ءتارتىبى تۋرالى مالىمەتتەر; 20) جۇمىستاردى ورىنداۋ شارتىن ورىنداۋ كەزىندە وسى قاعيدالاردى ساقتاۋ تۋرالى جەر قويناۋىن پايدالانۋشىنىڭ الەۋەتتى جەتكىزۋشىگە (مەردىگەرگە) قوياتىن مىندەتتى تالابى (الەۋەتتى جەتكىزۋشى مەردىگەرلىك جۇمىستاردى ساتىپ العان جاعدايدا); 21) ساتىپ الىنعان تاۋارلارداعى نەمەسە جۇمىستارداعى نەمەسە كورسەتىلگەن قىزمەتتەردەگى ءاربىر لوت بويىنشا پايىزبەن كورسەتىلگەن (0-دەن 100-گە دەيىن) جەرگىلىكتى قامتۋ بويىنشا ەڭ از تالاپتار; 22) زاڭنىڭ 19 بابىنىڭ 22)-تارماقشاسىنا سايكەس بەكىتىلەتىن تاۋارلاردى, جۇمىستار مەن قىزمەتتەردى ساتىپ الۋدىڭ جىلدىق, ورتا مەرزىمدى, ۇزاق مەرزىمدى باعدارلامالارىن, جەر قويناۋىن پايدالانۋشىلاردىڭ ساتىپ الىنعان تاۋارلار, جۇمىستار مەن قىزمەتتەر تۋرالى جانە كادرلارداعى جەرگىلىكتى قامتۋ جونىندەگى مىندەتتەمەلەردىڭ ورىندالۋى تۋرالى ەسەپتەرىن جاساۋدىڭ جانە ۇسىنۋدىڭ نىساندارى مەن ءتارتىبى بويىنشا جەرگىلىكتى قامتۋ بويىنشا ەسەپتىلىكتى وتكىزۋ تۋرالى الەۋەتتى جەتكىزۋشىگە قويىلاتىن تالاپ; 23) ەسەپتەردە كورسەتىلگەن اقپاراتتىڭ مازمۇنى, ەسەپتىلىكتەردى ۇسىنۋ مەرزىمدەرىنىڭ بۇزىلۋى جانە الەۋەتتى جەتكىزۋشىلەردىڭ جەرگىلىكتى قامتۋ بويىنشا مىندەتتەمەلەرىن ساقتاماعانى ءۇشىن جاۋاپكەرشىلىك. تاپسىرىس بەرۋشى كونكۋرستىق قۇجاتتاما شارتتارىندا الەۋەتتى جەتكىزۋشىدە قازاقستان رەسپۋبليكاسىنىڭ قولدانىستاعى زاڭناماسىنا سايكەس اككرەديتتەلگەن ۇيىم سەرتيفيكاتتاعان مەملەكەتتىك ستاندارتتاردىڭ تالاپتارىنا سايكەس ساپا مەنەدجمەنتى جۇيەسىنىڭ (سەرتيفيكاتتالعان جۇيەلەردىڭ) بولۋىن راستايتىن قۇجاتتاردى ۇسىنۋ تۋرالى تالاپتاردى كورسەتۋگە بولادى. تاپسىرىس بەرۋشىنىڭ كونكۋرستىق قۇجاتتامادا دا اشىق كونكۋرس تاسىلىمەن ساتىپ الۋدىڭ جەڭىمپازىنا ءاربىر لوت بويىنشا جەكە كونكۋرستىق ءوتىنىمدى قامتاماسىز ەتۋدى ەنگىزۋدى راستايتىن قۇجاتتىڭ تۇپنۇسقاسىن ۇسىنۋ تۋرالى تالاپتاردى بەلگىلەۋىنە جول بەرىلەدى. بۇل قۇجاتتى اشىق كونكۋرس جەڭىمپازى شارتقا قول قويۋ مەرزىمى اياقتالعانعا دەيىن ۇسىنادى. جىلدىق كولەمى قۇندىق كورىنىستە ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشتىڭ مولشەرىنەن اسىپ تۇسەتىن جۇمىستاردى جانە (نەمەسە) كورسەتىلەتىن قىزمەتتەردى ساتىپ الۋ كەزىندە, سونداي-اق وسىنداي قىزمەت تۇرلەرىمەن اينالىسۋعا ليتسەنزيانىڭ بولۋىن تالاپ ەتەتىن قاۋىپتى, ەرەكشە قاۋىپتى جۇمىس تۇرلەرىن ساتىپ الۋ كەزىندە تاپسىرىس بەرۋشىگە الەۋەتتى جەتكىزۋشىدە ساتىپ الىناتىن جۇمىستار, كورسەتىلەتىن قىزمەتتەر نارىعىندا جانە (نەمەسە) بەلگىلى ءبىر سالادا جۇمىس تاجىريبەسىنىڭ بولۋىن كوزدەيتىن, الەۋەتتى جەتكىزۋشى ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشتىڭ مولشەرىنەن كەم تۇسپەيتىن شارت سوماسىنا جۇمىستاردى ورىنداعان, قىزمەتتەردى كورسەتىپ جۇرگەن ۇيىمداردىڭ اتىنان كەپىلدەمە حاتتاردىڭ نەمەسە وڭ پىكىرلەردىڭ سكانەردەن وتكىزىلگەن كوشىرمەلەرىمەن راستالعان, ورىندالعان جۇمىستاردى, كورسەتىلگەن قىزمەتتەردى قابىلداۋ-بەرۋدى راستايتىن جۇكقۇجاتتاردىڭ, ءتيىستى اكتىلەردىڭ سكانەردەن وتكىزىلگەن كوشىرمەلەرىن قوسا بەرە وتىرىپ, بىلىكتىلىك تالاپتارىن بەلگىلەۋگە جول بەرىلەدى. بۇل رەتتە جۇمىستاردى ورىنداۋ, قىزمەتتەردى كورسەتۋ سالاسىندا 5 (بەس) جىلدان اساتىن جۇمىس تاجىريبەسىنىڭ بولۋى تۋرالى تالاپ بەلگىلەۋگە جول بەرىلمەيدى. تاپسىرىس بەرۋشىگە كونكۋرستىق قۇجاتتامادا تاۋارلاردىڭ ءوندىرۋشىسى بەرگەن الەۋەتتى جەتكىزۋشىنىڭ كونكۋرستىق قۇجاتتامادا بەلگىلەنگەن كولەمدە جانە ساپادا تاۋاردى جەتكىزۋ تۋرالى اشىق كونكۋرس شارتتارىن ورىنداۋ مۇمكىندىگى بار ەكەنىن راستايتىن حاتتى ۇسىنۋ تۋرالى تالاپتى بەلگىلەۋگە جول بەرىلەدى. 26. كونكۋرستىق قۇجاتتامادا جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە ساتىپ الۋدى جۇزەگە اسىرۋدىڭ مىناداي جاعدايلارىن قوسپاعاندا, تاۋار بەلگىلەرىنە, قىزمەت كورسەتۋ بەلگىلەرىنە, فيرمالىق اتاۋلارعا, پاتەنتتەرگە, پايدالى ۇلگىلەرگە, ونەركاسىپتىك ۇلگىلەرگە, تاۋاردىڭ شىعۋ ورنىنىڭ اتاۋى مەن ءوندىرۋشىنىڭ اتاۋىنا, سونداي-اق ساتىپ الىناتىن تجق-نىڭ جەكە الەۋەتتى جەتكىزۋشىگە جانە (نەمەسە) ساتىپ الىناتىن تاۋار وندىرۋشىسىنە تيەسىلىلىگىن ايقىندايتىن وزگە دە سيپاتتامالارعا سىلتەمەلەردىڭ مازمۇنىن كورسەتۋگە جول بەرىلمەيدى: 1) تاپسىرىس بەرۋشىدە بار جابدىقتى جەتە جيناقتاۋ, جاڭعىرتۋ, جوندەۋ جانە جەتە جاراقتاندىرۋ ءۇشىن; 2) تاۋاردى ليزينگكە ۇسىنۋ بويىنشا كورسەتىلەتىن قىزمەتتەردىڭ جەتكىزۋشىسىن ايقىنداۋ جانە ليزينگ نىساناسىن ەگجەي-تەگجەيلى سيپاتتاۋدىڭ قاجەتتىلىگىن تۋىنداتۋ ءۇشىن. 27. تاپسىرىس بەرۋشىنىڭ ەلەكتروندىق تسيفرلىق قولتاڭباسى قويىلعان, بەكىتىلگەن كونكۋرستىق قۇجاتتامانى تاپسىرىس بەرۋشى جۇيەدە ورنالاستىرادى. اشىق كونكۋرسقا قاتىسۋ ءۇشىن الەۋەتتى جەتكىزۋشىلەر ءاربىر لوت بويىنشا كونكۋرستىق قۇجاتتامانى جانە تەحنيكالىق ەرەكشەلىكتى جۇكتەيدى (كوشىرىپ الادى). اشىق كونكۋرس لوتىنا وسى لوت بويىنشا كونكۋرستىق قۇجاتتامانى جانە تەحنيكالىق ەرەكشەلىكتى جۇكتەمەگەن (كوشىرىپ الماعان) الەۋەتتى جەتكىزۋشىنىڭ قاتىسۋىنا جول بەرىلمەيدى. ءاربىر لوت بويىنشا كونكۋرستىق قۇجاتتامانىڭ جانە تەحنيكالىق ەرەكشەلىكتىڭ كوشىرمەسىن ۇسىنۋ (تىزىلىمنەن الۋ) فاكتىسى تىزىلىمدە اۆتوماتتى تۇردە تىركەلەدى. 28. كونكۋرستىق قۇجاتتامانى اشىق كونكۋرستى وتكىزۋ تۋرالى حابارلاندىرۋدىڭ ءماتىنى جاريالانعانعا دەيىن ۇسىنۋعا جول بەرىلمەيدى. 29. الەۋەتتى جەتكىزۋشىنىڭ كونكۋرستىق قۇجاتتامانىڭ ەرەجەلەرىن ءتۇسىندىرۋ تۋرالى سۇراۋ سالۋمەن تاپسىرىس بەرۋشىگە جۇگىنۋگە ونى جۇيەدە ورنالاستىرۋ ارقىلى جول بەرىلەدى, بىراق ول كونكۋرستىق وتىنىمدەردى بەرۋدىڭ سوڭعى مەرزىمى وتكەنگە دەيىنگى كۇنتىزبەلىك بەس كۇننەن كەشىكتىرىلمەۋى ءتيىس. تاپسىرىس بەرۋشى سۇراۋ سالۋ تىركەلگەن كۇننەن باستاپ ەكى جۇمىس كۇنى ىشىندە وعان جاۋاپ بەرەدى جانە سۇراۋ سالۋدىڭ كىمنەن تۇسكەنىن كورسەتپەستەن, ءتۇسىندىرۋدى تىزىلىمدە ورنالاستىرادى. 30. تاپسىرىس بەرۋشىگە وسى قاعيدالاردىڭ 25-تارماعىنىڭ 1) تارماقشاسىندا كوزدەلگەن مالىمەتتەردى قوسپاعاندا, كونكۋرستىق قۇجاتتاماعا وزگەرىستەر مەن (نەمەسە) تولىقتىرۋلار ەنگىزۋگە جول بەرىلەدى. كونكۋرستىق قۇجاتتاماعا وزگەرىستەر مەن (نەمەسە) تولىقتىرۋلاردى كونكۋرستىق ءوتىنىمدى ۇسىنۋدىڭ تۇپكىلىكتى مەرزىمى اياقتالعانعا دەيىن كۇنتىزبەلىك بەس كۇننەن كەشىكتىرىلمەيتىن مەرزىمدە ەنگىزۋگە جول بەرىلەدى. وزگەرىستەر مەن (نەمەسە) تولىقتىرۋلار ەنگىزىلگەن كەزدە تاپسىرىس بەرۋشى كونكۋرستىق قۇجاتتامانى قايتادان بەكىتۋى ءتيىس جانە تاپسىرىس بەرۋشى كونكۋرستىق ءوتىنىمدى ۇسىنۋدىڭ تۇپكىلىكتى مەرزىمىن الەۋەتتى جەتكىزۋشىلەر بۇل وزگەرىستەردى كونكۋرستىق وتىنىمدەردە ەسكەرۋى ءۇشىن كەمىندە بەس جۇمىس كۇنى مەرزىمىنە ۇزارتىلادى. تاپسىرىس بەرۋشى ەنگىزىلگەن وزگەرىستەر مەن (نەمەسە) تولىقتىرۋلار ەسكەرىلگەن كونكۋرستىق قۇجاتتامانىڭ كوشىرمەسىن وزگەرىستەر مەن (نەمەسە) تولىقتىرۋلار ەنگىزىلگەن كۇننەن باستاپ كۇنتىزبەلىك ءبىر كۇننەن كەشىكتىرمەي بارلىق الەۋەتتى جەتكىزۋشىلەرگە ونى تىزىلىمدە ورنالاستىرۋ ارقىلى ۇسىنادى. كونكۋرستىق ءوتىنىمدى ۇسىنۋ مەرزىمدەرىن ۇزارتۋ تۋرالى اقپارات جۇيەدە ورنالاستىرىلۋى ءتيىس. كونكۋرستىق وتىنىمدەردى ۇسىنۋدىڭ مەرزىمىن ۇزارتۋدىڭ نەگىزدەمەسى كونكۋرستىق قۇجاتتاماعا وزگەرىستەر مەن (نەمەسە) تولىقتىرۋلاردىڭ ەنگىزىلۋى بولىپ تابىلادى. وسى تارماققا سايكەس تاپسىرىس بەرۋشىنىڭ تجق-نى ساتىپ الۋدى جۇزەگە اسىرۋدان باس تارتۋىنا بايلانىستى اشىق كونكۋرس تاسىلىمەن ساتىپ الۋدىڭ نىساناسى بولىپ تابىلاتىن, وسى تجق-نىڭ كەيبىر لوتتارىن الىپ تاستاۋ وسى قاعيدالاردىڭ 25-تارماعىنىڭ 1) تارماقشاسىندا كوزدەلگەن مالىمەتتەرگە وزگەرىستەر ەنگىزۋ دەپ سانالمايدى. 4-پاراگراف. اشىق كونكۋرستى وتكىزۋ تۋرالى حابارلاندىرۋدى جانە كونكۋرستىق قۇجاتتامانى جۇيەدە ورنالاستىرۋ, سونداي-اق اشىق كونكۋرستى وتكىزۋ تۋرالى حابارلاندىرۋدى مەرزىمدى ءباسپاسوز باسىلىمدارىندا ورنالاستىرۋ 31. اشىق كونكۋرستى وتكىزگەن كەزدە تاپسىرىس بەرۋشىنىڭ ۋاكىلەتتىك بەرگەن ادامى اشىق كونكۋرس وتكىزۋ تۋرالى حابارلامانى مەملەكەتتىك جانە ورىس تىلدەرىندە جۇيەدە جانە ءتىزىلىمنىڭ بارلىق قولدانۋشىلارعا, ونىڭ ىشىندە تىزىلىمدە تىركەلمەگەن قولدانۋشىلارعا رۇقسات ەتىلگەن بولىگىندە ورنالاستىرىپ, تاپسىرىس بەرۋشىنىڭ ەلەكتروندىق تسيفرلىق قولتاڭباسىن قويىلادى. ساتىپ الۋدى وتكىزۋ جانە ولاردىڭ قورىتىندىلارى تۋرالى حابارلاندىرۋ دا زاڭنىڭ 77 بابىنىڭ 4-تارماعىنا سايكەس مەرزىمدى باسپا باسىلىمدارىندا جاريالانۋعا ءتيىس. 32. كومىرسۋتەكتى شيكىزاتتارعا ارنالعان كەلىسىمشارتتار بويىنشا اشىق كونكۋرستى وتكىزۋ تۋرالى حابارلاندىرۋ: 1) ەگەر ءاربىر لوت بويىنشا ساتىپ الىناتىن تاۋاردىڭ, جۇمىستىڭ جانە كورسەتىلەتىن قىزمەتتىڭ جالپى كولەمى قۇندىق كورىنىسىندە ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشكە تەڭ نەمەسە ودان اسپايتىن بولسا, كونكۋرستىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك ون بەس كۇن بۇرىن ورنالاستىرىلادى. 2) ەگەر ءاربىر لوت بويىنشا ساتىپ الىناتىن تاۋاردىڭ, جۇمىستىڭ جانە كورسەتىلەتىن قىزمەتتىڭ جالپى كولەمى قۇن­دىق كورىنىسىندە ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشتەن اساتىن بولسا, كونكۋرس­تىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك وتىز كۇن بۇرىن ورنالاستىرىلادى. 33. قايتالاما اشىق كونكۋرس وتكىزىلگەن جاعدايدا: 1) ەگەر ءاربىر لوت بويىنشا ساتىپ الىناتىن تاۋاردىڭ, جۇمىستىڭ جانە كورسەتىلەتىن قىزمەتتىڭ جالپى كولەمى قۇندىق كورىنىسىندە ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشكە تەڭ نەمەسە ودان اسپايتىن بولسا, كونكۋرستىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك جەتى كۇن بۇرىن; 2) ەگەر ءاربىر لوت بويىنشا ساتىپ الىناتىن تاۋاردىڭ, جۇمىستىڭ جانە كورسەتىلەتىن قىزمەتتىڭ جالپى كولەمى قۇن­دىق كورىنىسىندە ءتيىستى قارجى جىلىنا بەلگىلەنگەن ون ءتورت مىڭ ەسەلىك ايلىق ەسەپتىك كورسەتكىشتەن اساتىن بولسا, كونكۋرس­تىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك ون بەس كۇن بۇرىن ورنالاستىرىلادى. قاتتى پايدالى قازبالارعا, جەراستى سۋلارىنا, ەمدىك بالشىقتارعا, اعىندى سۋلاردى لاقتىرۋعا ارنالعان جەر قويناۋىن بارلاۋعا, بارلاۋ جانە (نەمەسە) يگەرۋگە بايلانىستى ەمەس جەراستى قۇرىلىستارىن سالۋ جانە (نەمەسە) پايدالانۋعا ارنالعان كەلىسىمشارتتار بويىنشا اشىق كونكۋرستى وتكىزۋ تۋرالى حابارلاندىرۋ كونكۋرستىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك ون بەس كۇن بۇرىن ورنالاستىرىلادى. قايتالاما اشىق كونكۋرستى وتكىزۋ تۋرالى حابارلاندىرۋ كونكۋرستىق وتىنىمدەردى ۇسىنۋدىڭ تۇپكىلىكتى مەرزىمى وتكەنگە دەيىن كەمىندە كۇنتىزبەلىك جەتى كۇن بۇرىن ورنالاستىرىلادى. 34. جۇيەدە ورنالاستىرىلاتىن اشىق كونكۋرستى وتكىزۋ تۋرالى حابارلاندىرۋدا مىناداي مالىمە