ورالدا 4084 ادام اليمەنت تولەۋدەن قاشىپ ءجۇر

جۋىردا ورال قالاسىنىڭ پروكۋراتۋراسى جانە وبلىستىڭ قۇقىق قورعاۋ ورگاندارىنىڭ, سوتتىڭ, مەملەكەتتىك جانە جەكە سوت ورىنداۋشىلارىنىڭ قاتىسۋىمەن سوت شەشىمدەرىنىڭ ورىندالماۋى, سونىمەن قاتار اليمەنت تولەۋدەن جالتارۋ فاكتىلەرى بويىنشا سوت-تەرگەۋ تاجىريبەسى, قىلمىستىق ىستەردى تەرگەۋدىڭ ادىستەمەسىنە قاتىستى ماسەلەلەرگە ارنالعان ۆەدومستۆوارالىق كەڭەس ءوتتى. وتكەن جىلى, قالا اۋماعىندا 8 804 قىلمىستىق قۇقىقبۇزۋشىلىق تىركەلگەن. ال ونىڭ 249 – سوت شەشىمدەرىنىڭ ورىندالماۋى, ال 379-ى – بالالاردى كۇتىپ-باعۋعا ارنالعان قاراجاتتى تولەۋ جونىندەگى مىندەتتەرىن ورىنداماۋ فاكتىلەرى. تىركەلگەن ىستەر سانىنىڭ كوپ بولۋىنا قاراماستان, سوتقا تەك ءبىر ءىس جولدانعان, ال قالعان 99 پايىزىندا ىستەر قىسقارتىلىپ, ولار بويىنشا تەرگەۋدىڭ تولىقتىعى قامتاماسىز ەتىلمەگەن. قازىر قالا اۋماعىندا 5 784 كىسى اليمەنت تولەۋشى بولىپ تابىلسا, ولاردىڭ ىشىندە 28 پايىزى  عانا, ياعني 1700 ادام ەرىكتى تۇردە اليمەنت تولەپ كەلەدى. ال قالعاندارى – قاساقانا اليمەنت تولەمەيتىندەر. ولار سوت ورىنداۋشىلارى مەن ىشكى ىستەر ورگاندارىنان تابىسىن جاسىراتىندار مەن جۇمىس ىستەمەيتىندەر. تەمىر قۇسايىن. دەرەك: oraloniri.kz. فوتو: newregion.kz.