ءبىرىنشى ورىندا – بىلىكتىلىك

ءبىز قاشاندا الماتىمىزبەن ماقتانامىز. 2014 جىلى الماتى قالاسىنىڭ جاسىنا بايلانىستى يۋنەسكو-نىڭ نازارىن اۋدارۋ ماقساتىندا الماتى حالىقارالىق فورۋمىنىڭ العاشقى قارارى قابىلداندى. حالىقارالىق ۇيىم 2015 جىلى «الماتىنىڭ 1000 جىلدىق مەرەيتويى 2016 جىلى اتاپ ءوتىلسىن» دەگەن شەشىم شىعاردى. وسىعان وراي, الماتى قالالىق №5 كلينيكالىق اۋرۋحانانىڭ باس دارىگەرى بولات نۇرمۇرزا ۇلى سادىقوۆ بىلاي دەيدى: «مەن دارىگەر رەتىندە الماتى قالاسىندا عىلىمي-تاجىريبەلىك مەديتسينانىڭ جاقسى دامىعانىن تىلگە تيەك ەتەر ەدىم. مىڭداعان دارىگەرلەر الماتى مەملەكەتتىك مەديتسينا ينستيتۋتى (قازىرگى قازۇمۋ) قابىرعاسىنان ءبىلىم الىپ شىقتى. الماتى مەملەكەتتىك دارىگەرلەر ءبىلىمىن جەتىلدىرۋ ينس­تيتۋتى تەك قازاقستاندى عانا ەمەس, كورشىلەس رەسپۋبليكالاردى دا جوعارى ساناتتى دارىگەر-ماماندارمەن قامتاماسىز ەتۋدە. سىزعانوۆ اتىنداعى حيرۋرگيالىق عىلى­مي-زەرتتەۋ ينستيتۋتى, كارديولوگيا­لىق, ۋرولوگيالىق, كوز اۋرۋلارى, باسقا دا عىلى­مي-زەرتتەۋ ورتالىقتارى مەديتسي­نا­نىڭ ىرگە­لى ماسەلەلەرىمەن عانا اينالىسىپ قويعان جوق, سونىمەن قاتار, وتە اۋىر جاع­داي­داعى اۋرۋ­لاردىڭ ءومىرىن ساقتاپ قالدى. قانشاما ادام­نىڭ ءومىرى ۇزارىپ, قان­شاما سابيگە باقىتتى بالالىق شاعى قايتارىلدى. مەملەكەت ساياساتىنىڭ ءبىر باعىتى قازاق­­ستان حالقىنىڭ دەنساۋلىعىن جاق­سارتۋ ەكەن­دىگى بەلگىلى. ەلباسى ءوزىنىڭ «100 ناقتى قادام» جونىندەگى ماقالاسىندا ەلىمىزدىڭ قار­قىن­دى دامۋى ءۇشىن مەدي­تسي­نالىق قىزمەت كور­سەتۋ ساپاسىن جاق­سارتىپ, دەنساۋلىق ساق­تاۋ سالاسى زاماناۋي جوعارى تەحنولوگيا­لار­مەن جاب­دىق­تالۋى ءتيىس ەكەندىگىن ايت­قان بولاتىن. الەۋمەتتىك مەديتسينالىق ساق­تان­­دى­رۋ­دى ەنگىزۋ مىندەتتىلىگى العا تارتىل­­دى. ءويت­كەنى, الەۋمەتتىك مەديتسينالىق ساق­­تان­­­دىرۋ مەديتسينالىق ۇيىمداردىڭ مەم­لە­­كەت­­تىك ەمەس مەديتسينالىق ۇيىمدار ار­قى­لى كورپوراتيۆتىك پرينتسيپكە كوشۋىنە مۇمكىندىك بەرەدى. «100 ناقتى قادام» ۇلت جوسپارى مە­دي­تسي­­نالىق قىزمەت كورسەتۋدىڭ جاڭا ءتاسى­لىن انىق­­تاپ بەردى. قالالىق كلينيكا مەم­لەكەت باسشىسى نۇرسۇلتان نازار­باەۆ­تىڭ جول­داۋىن باسشىلىققا الا وتىرىپ, كوپ­تەگەن جوبالاردى جۇزەگە اسىرۋدا. ەمدەۋ-پرو­في­لاكتيكالىق مەكەمەلەردىڭ ءبىرى سانالاتىن اۋرۋحانا مەديتسينانىڭ الەۋمەتتىك ساق­تان­دىرۋ سالاسىندا مەديتسينالىق كومەك كور­سەتۋدى تەگىن جانە شارۋاشىلىق ەسەپ بويىن­شا جۇرگىزۋدى دامىتۋ ۇستىندە, دەنى ساۋ ۇلتتى قالىپتاستىرۋ جولىندا مەملەكەت سايا­ساتىن­داعى باستى ماسەلەلەردى جۇزەگە اسىرۋعا اتسالىسۋدا. كلينيكا زاماناۋي تەحنولوگيانىڭ كومەگىمەن ءار ەمدەلۋشىنىڭ دەنساۋلىعىن قالپىنا كەلتىرۋدە, سونىمەن قاتار, قىزمەتكەرلەردىڭ ءبىلىمىن جەتىلدىرۋ ارقىلى ساپالى مەديتسينالىق كومەك كور­سەتۋدە. اككرەديتاتسيالىق كوميسسيانىڭ شەشى­مى­مەن اۋرۋحانا سىننان ويداعىداي ءوتىپ, ISO 9001: 2008 حالىقارالىق ستاندار­تى بويىنشا سەرتيفيكاتقا يە بولدى. №5 قالالىق كلينيكا رەسپۋبليكامىز­داعى لور-اعزالارىنا, جاق-بەت اۋرۋلارىنا جوعارى ساپالى مەديتسينالىق كومەك كورسەتەتىن بىردەن-ءبىر اۋرۋحانا بولىپ سانالادى. جاق-بەت جاراقاتىن العاندارعا, لور-اعزالارى بويىنشا دەرتى انىقتالعان, سونداي-اق, ستوماتولوگيالىق سىرقاتتارعا كومەك كور­سەتۋدە, كۇنى-ءتۇنى تەگىن حيرۋرگيالىق جەدەل جاردەم بەرىلۋدە. بۇعان جاق-بەت حيرۋر­گياسى بويىنشا رەكونسترۋكتيۆتىك-پلاس­تيكالىق وتالار, قۇلاعى اۋىر ەستيتىن ەرەسەكتەر مەن بالالارعا ەستۋ قابىلەتىن جاقسارتۋ ماقساتىندا جاسالاتىن وتالار جاتادى. زاماناۋي مەديتسينالىق تەحنولوگيا­نى جەتىك مەڭگەرگەن, كاسىبي جاعىنان وسۋگە ۇمتىلاتىن, جان-جاقتى بىلىكتى جانە ءتاجى­ري­بەلى مەديتسينا قىزمەتكەرلەرىنىڭ سانى سوڭعى ەكى جىلدا ەداۋىر ارتىپ كەلەدى. ولار­دىڭ رەسپۋبليكادان تىس جەرلەردە ءبىلىم­دەرىن جەتىلدىرىپ كەلۋىنە مۇمكىندىكتەر قاراس­تى­رىلعان. «بۇگىنگى تاڭدا كلينيكامىزدا جوعارى ساناتتى 53 دارىگەر, 2 مەديتسينا عى­لىم­دارىنىڭ دوكتورى, 14 مەديتسينا عىلىم­دارى­نىڭ كانديداتى جۇمىس ىستەيدى», – دەيدى باس دارىگەردىڭ ورىنباسارى مايا وتەگەنقىزى. كلينيكا ماماندارى الىس-جاقىن شەتەلدەردە, اتاپ ايتساق گەرمانيا, اۆس­تريا, ۇلىبريتانيا, يزرايل, ءوڭتۇس­تىك كورەيا, اقش, جاپونيا, يتاليا, پول­شا, شۆەيتساريا, تۇركيا, دانيا, رەسەي جانە ۋكراينانىڭ الدىڭعى قاتارلى كلينيكالارىندا وقىپ-ۇيرەنىپ, تاجىريبە الماسۋدا. كلينيكا باسشىلارى نەگىزى­نەن دارىگەرلەردىڭ مەديتسينالىق قۇرال-جاب­دىقتار شىعاراتىن ەلدەردەگى تەحنولو­گيا­لىق جەتىستىكتەردى تولىق مەڭگەرىپ كەلۋىنە جاعداي تۋعىزادى. ماسەلەن, №5 قالالىق كلينيكا دارىگەر­لەرىنىڭ جوعارى كاسىبي تاجىريبەدەن وتۋلەرى ناتيجەسىندە بۇگىندە ولار ءوز بەتتەرىمەن وتە قيىن وتالاردى جاساۋ مۇمكىندىگىنە يە. سول سەبەپتى دە اۋرۋحانا ماماندارىنىڭ بەدەلى جىل ساناپ ارتۋدا. حيرۋرگ-دارىگەرلەر قازاقستاننىڭ تۇكپىر-تۇكپىرىنە وتە اۋىر وتا­لار جاساۋ ءۇشىن بارادى. جاسالعان وتانىڭ ءساتتى ءارى كاسىبي دەڭگەيدە دۇرىس جاسالعا­نىن اياعىنان تىك تۇرىپ كەتكەن جانداردىڭ ريزاشىلىعىنان كورۋگە بولادى. سونىڭ ءبىرى – باتىس قازاقستان وبلىسى اكىمىنىڭ كلينيكا دارىگەرلەرىنە بەرگەن العىس حاتى. كلينيكانىڭ زاماناۋي مەديتسينالىق قۇرال-جابدىقتارمەن قامتاماسىز ەتىلۋى – ساپالى مەديتسينالىق قىزمەت كورسەتۋدىڭ كەپىلى ەكەنى انىق. مۇنداعى دارىگەرلەر ءوز سالاسىنىڭ جوعارى ساناتتاعى ماماندارى عانا ەمەس, ولار ءارى ۇلكەن جۇرەكتىڭ يەلەرى سانالادى. اۋرۋحانا قىزمەتكەرلەرى اي سايىن جەتىم بالالار ۇيىندەگى بالالاردىڭ وقۋلارى ءۇشىن اشىلعان دەپوزيتتەردى تولتىرىپ وتىرادى. قاريالار مەن سوعىس ارداگەرلەرى دە نازاردان تىس قالمايدى. 2007 جىلدان باستاپ جىل سايىن دارىگەر­لەر «ءوز ءىسىنىڭ ۇزدىگى» بايقاۋىنا قاتى­سىپ, جەڭىمپاز اتانىپ جاتادى. كلينيكا جۇمىسى كاسىپورىندار اراسىنداعى قارجى­لىق-ەكونوميكالىق كورسەتكىشتەن رەيتينگ بويىنشا جوعارى باعالانىپ, «قازاقستان ەكونوميكاسىنىڭ داڭقى» وردەنىمەن, باس ەسەپشىمىز ارنايى كاسىبي ناسيحاتتاۋدا مەدالمەن ماراپاتتالدى... سالاماتتى ءومىر سالتىن ناسيحاتتاۋدا كلينيكا قىزمەت­كەر­لەرى الماتى قالاسىنىڭ تۇرمىس-ءتىرشىلى­گى­نە بەلسەنە ارالاسىپ, ماسەلەن, فلەش-­موب, ۆەلو­جارىس, مارافون, سپارتاكيادالاردا جىل سايىن جۇلدەلى ورىنداردى يەلەنىپ ءجۇر. نۇرعالىم وماش, جۋرناليست سۋرەتتە:الماتى قالالىق №5 كلي­ني­كانىڭ باس دارىگەرى, مەديتسينا عىلىم­دارىنىڭ دوكتورى ب.سادىقوۆ