ارىپتەستىك ارناسى كەڭيدى

اقمولا وبلىسىنىڭ اكىمى سەرگەي كۋلاگين قىتاي حالىق رەسپۋبليكاسى شەن­سي ازىق-ت ۇلىك جانە اگروونەركاسىپتىك توبىنىڭ باس ديرەكتورى حان ۆەي باستاپ كەلگەن دەلەگاتسيانى قابىلدادى. ءوڭىر باسشىسى بۇل كەزدەسۋ بارلىق باعىت بويىنشا, ونىڭ ىشىندە اۋىل شارۋاشىلىعى سالاسىنداعى ەكىجاقتى ارىپتەستىكتى جاندان­دىرۋعا سەپتىگىن تيگىزەتىنىن اتاپ كورسەتتى. – ءبىزدىڭ وبلىس ەلىمىزدەگى اگرارلىق-ونەركاسىپتىك وڭىرلەردىڭ ءبىرى بولىپ تابىلادى. مۇندا ساپالى بيدايدىڭ جالپى رەسپۋبليكالىق كولەمىنىڭ شيرەگى وندىرىلەدى. ونى وڭدەۋ ءوندىرىسى دامىعان. بيىلعى جىلى وبلىس بويىنشا كوكتەمگى ەگىس القابى 4,7 ميلليون گەكتاردى قۇرايدى. ونىڭ ىشىندە ءداندى جانە بۇرشاقتى داقىلدار 4,3 ميلليون گەكتار القاپقا ورنالاستىرىلادى. وتكەن جىلى ديقاندارىمىز 4,6 ميلليون توننا استىق جينادى. ەكسپورتقا 2 ميلليون توننا ءونىم شىعاردىق. ەگىس القابى قۇرىلىمىن ءارتاراپتاندىرۋ ارقىلى 207 مىڭ گەكتارعا مايلى داقىلدار, كارتوپ پەن كوكونىس سايكەسىنشە 18,7 مىڭ جانە 4,4 مىڭ گەكتاردى قۇرادى. قىتايمەن سىرتقى ساۋدا اينالىمى 64 ميلليون اقش دوللارى كولەمىندە بولدى. دەگەنمەن, ءبىز قىتايلىق رىنوكقا استىقتى از تاسىمالداۋدامىز. اسپاناستى ەلىنەن بىزگە حيميالىق ونىمدەر, ونىڭ ىشىندە گەربيتسيدتەر پەن پەستيتسيدتەر جەتكىزىلۋدە. قازىر بىزدە مال شارۋاشىلىعى سالاسىن جەدەل دامىتۋ ماسەلەسىنە ەرەكشە نازار اۋدارىلىپ وتىر. ءبىز سىزدەردىڭ ارىپتەستىك قادامدارىڭىزدى قۇپتايمىز. ايتكەنمەن, ينۆەستورلار ءوز قارجىسىمەن كەلۋى ءتيىس, – دەدى س.كۋلاگين. بۇدان كەيىن شەنسي ازىق-ت ۇلىك جانە اگروونەركاسىپتىك توبىنىڭ باس ديرەكتورى حان ۆەي شەنسي ازىق-ت ۇلىك جانە اۋىل شارۋاشىلىعى كورپوراتسياسىنىڭ دامۋى جونىندەگى دەرەكتەردى كوگىلدىر ەكراننان كورسەتتى. سونداي-اق, دەلەگاتسيا باسشىسى وزدەرىنىڭ اقمولا وڭىرىندە ءداندى جانە مايلى داقىلدار وڭدەيتىن كاسىپورىن سالعىلارى كەلەتىنىن ءبىلدىردى. قىتايلىق دەلەگاتسيا ساندىقتاۋ اۋدا­نى­نىڭ اۋىل شارۋاشىلىعى تاۋارلارىن وندىرۋشىلەرمەن جانە كاسىپكەرلەرمەن كەزدەستى. بۇدان سوڭ جاقسى اۋدانىندا بولىپ, «ۋروجاي» سەرىكتەستىگىندەگى ەلەۆاتور كەشەنىنىڭ جۇمىسىمەن تانىستى. باقبەرگەن امالبەك,  «ەگەمەن قازاقستان» اقمولا وبلىسى