دەمالىس ماۋسىمى اشىلدى

بيىلعى جازعى دەمالىستا تىنىعۋ ورتالىقتارىندا 3500 تەمىرجولشىنىڭ بالاسى كانيكۋلدارىن قىزىقتى وتكىزەتىن بولىپتى. ولاردىڭ اتا-انالارى جولدامانى جىلداعى داستۇرگە ساي تەك قانا ون پايىزىن تولەپ, جەڭىلدىكپەن الادى. قارجىنىڭ قالعان بولىگى «قتج» ۇك» اق الەۋمەتتىك بيۋدجەتى ەسەبىنەن جابىلادى. بۇل جەڭىلدىك تەمىرجولشىلاردىڭ 7-ءى مەن 13 جاس ارالىعىنداعى بالالارىنا ارنالعان. بالالار جازعى كانيكۋلدا بارلىق وڭىرلەردەگى دەمالىس ورتالىقتارىندا تىنىعا الادى. وندا تىنىعىپ قانا قويماي, ءتۇرلى مادەني جانە سپورتتىق شارالارعا قاتىسادى. ۇلتتىق كومپانيا جازعى دەمالىستاعى بالالاردىڭ قاۋىپسىزدىگىنە دە قاتتى كو­ڭىل بولەدى. وعان قوسا دەمالىس ورتالىقتارىنا ال­ىپ باراتىن اۆتوبۋستارمەن جانە­ مەديتسينالىق قىزمەت تۇرلەرىمەن دە قامتىلادى. بالالاردى ءتۇرلى وقيعالاردان ساقتاندىرۋ جۇيەسى دە جۇمىس ىستەيتىن بولادى. ال بوس ۋا­قىتتارىن ءتيىمدى وتكىزۋى ءۇشىن تانىمدىق, تەمىرجول تەرمينولوگياسى قامتىلعان گازەت-جۋرنالدارمەن تانىسادى. ءسويتىپ, كولىكتەردەگى قاۋىپسىزدىك ەرە­جەلەرى دە تۇسىندىرىلەدى. نۇرباي ەلمۇراتوۆ, «ەگەمەن قازاقستان»