وقىرمانىن وياتقان ويلى جىر

اقىن اقىلبەك شاياحمەت 14 جاسىنان باستاپ ولەڭ جازىپ, ءسوز كيەسىنىڭ قۇدىرەتىن بىلە باستاعان ەكەن. بالاڭ اقىن كەزىندە رەسپۋبليكاداعى جاس اقىندار جىرلارى توپتاس­تىرىلعان «كوك­تەم تىنىسى» جيناعىنا: «ارام سوزدەر بەينەبىر كومىرتەگى, ادال سوزدەر – وتتەگى, سەمىرتەدى. جاقسى-جامان قاسيەت ارالاسقان, سۋ سەكىلدى ەكەن عوي ءومىر, تەگى. وتكىر ءتىلدىڭ كەتپەيدى بەكەر ەمى, جىلى لەبىز كوڭىلدى كوتەرەدى. كەيبىرەۋلەر قاتتى ايتقان جالعىز سوزگە, عۇمىر بويى وكپەلەپ وتەر ەدى. بىرەۋلەرگە سوزدەر بار جاراسپايتىن, وت باسىنان سوزدەر بار ءارى اسپايتىن. ەل ىشىندە دۋالى اۋىزدار بار, سىرقاتىڭدى بويىڭنان الاستايتىن.ءۇمىت كۇتىپ وتىر-اۋ دالام مەنەن, اقىن بولىپ, الاۋلاپ, جانام دەپ ەم. تۋعان جەرىم, ەڭ اسىل, قاسيەتتى. ساقتاپ ءجۇرمىن ءبىر ءسوزدى ساعان دەگەن», دەپ جىرلاعان ولەڭى ەنگەن ەدى. تۋعان جەر – اقىلبەك شاياحمەت شىعارماشىلىعىنىڭ وزەگى بولسا, اقىن ونى سوزبەن ورنەك­تەدى. سوندىقتان, اقىن وقىر­مانىمەن كەزەكتى جۇزدەسۋىن دە «تۋعان جەرىم, ەڭ اسىل, قاسيەتتى, ساقتاپ ءجۇرمىن ءبىر ءسوزدى ساعان دەگەن» دەپ اتادى. – اقىلبەك ازاماتتىق ۇستا­نىمى مەن اقىندىق قۋاتى ۇيلەسىم تاپقان اقىن. ونىڭ تاقىرىپ ارناسى كەڭ. تاعى ءبىر ەرەكشەلىگى, ول ءوزىنىڭ پوە­زياسىندا كىسىلىكتى كوبىرەك جىرلايدى. قانشا نارىق زامانى دەپ ايتقانىمىزبەن, قوعامنىڭ نەگىزى ادامگەرشىلىكتە بولۋى ءتيىس. ال ادە­بيەتتى وقىماي, ونەردى سەزىنبەي ۇرپاق بويىندا ادامگەرشىلىك ۇستانىمدار قالىپتاسپايدى. اقىن وسىعان قىزمەت ەتەدى, – دەدى  كورنەكتى جازۋشى تولەن ابدىك. اقىن كەشىندە قالامداستارى, دوس-جاراندار, ونىڭ پوەزياسىن سۇيەتىندەر جىلى لەبىزدەرىن ايت­تى. وبلىستاعى «بىرلىك» ازەر­بايجان ەتنو بىرلەستىگىنىڭ ءتور­اعاسى ۆيۆادي يۋسۋپوۆ اقىن­عا ماحمۋد قاشقاري اتىن­داعى حالىقارالىق قوردىڭ سىيلىعىن تاپسىردى. اقىن سوزىنە جازىلعان «قوستاناي», «ادەمى» اندەرىن انشىلەر ارىستان قۇرمانوۆ, اقىننىڭ نەمەرەسى بەكزات اقىلبەك ورىندادى. ال رەسپۋبليكاعا بەلگىلى ءانشى ءالمىرزا نوعايباەۆ­تىڭ اقىلبەك شاياحمەت سوزىنە جازىل­عان «ءمىناجات» ءانى كەشكە جينالعانداردىڭ ەرەكشە قۇرمە­تىنە يە بولدى. كەشتەن العان تاعىلىم تەك اقىن مەن اقىننىڭ اراسىندا ەمەس, اقىن مەن وقىرمان اراسىندا دا كۇمىس تىندەي بايلانىس بولۋى كەرەكتىگىن مويىنداتقانداي بولدى. ءنازيرا جارىمبەتوۆا, «ەگەمەن قازاقستان» قوستاناي