وڭتۇستىك كورەيانىڭ تۇرعىنى

ءبىرىنشى بولىپ ەكسپو-2017 كورمەسىنە بيلەت ساتىپ الدى تاياۋدا ەكسپو-2017 كورمە­سىنىڭ بيلەتتەرى ساتىلىمعا شىعا­رىلدى. وسى ورايدا, ەلىمىزدە وتەتىن حالىقارالىق كورمەگە قىزى­عۋشىلىق تانىتىپ, بيلەت ساتىپ الۋعا نيەتتى شەتەلدىك ازاماتتار بەلگىلى بولا باستادى. سونىڭ ءبىرى – وڭتۇستىك كورەيا تۇرعىنى, بيزنەس سالاسىنىڭ حانىمى دجونگ حي ۆۋ. – استانادا وتەتىن حالىقارالىق كورمە جايىندا بارلىق ماعلۇماتتى الەۋمەتتىك جەلى ارقىلى ءبىلىپ وتىرامىن. سوندىقتان دا بيلەتتەر ساتىلىمعا شىقتى دەگەندى ەستىپ, ساتىپ الۋعا اسىقتىم, – دەيدى دجونگ حي ۆۋ. سونىمەن قاتار, شەتەل ازاماتشاسى ەكسپو-نىڭ اشىل­ۋىن اسىعا كۇتەتىنىن دە جەتكىزدى. سەبەبى, ول قازاقستاندا بيزنەس-جوبالاردى بىرگە جۇزەگە اسىراتىن سەرىكتەستەر تاپسام دەگەن نيەتتە. بۇگىندە دجونگ حي ۆۋ باسقا­رىپ وتىرعان كومپانيا قالا ينفرا­قۇرى­لىمىن دامىتۋمەن, IT-تەحنولوگيا جانە حالىقارالىق ساۋدا-ساتتىق وپەراتسيالارىن ورىن­­داۋمەن اينالىسادى. ال مەكە­مە­نىڭ جىلدىق قارجى اينالىمى ميل­ليارد دوللاردى قۇرايدى. – قازاقستان – وڭتۇستىك كورەيا­­نىڭ ستراتەگيالىق سەرىك­تەسى. سوندىقتان, كورەيالىق كومپانيا­لاردىڭ قازاق­ستاندىق مەكەمەلەرمەن سەرىكتەس بولۋعا ىنتالى ەكەنىن بىلەمىن. ءبىز­دىڭ كومپانيا دا قازاقستاننان ءمۇد­دەلەس مەكەمە تابۋدى كوزدەيدى, – دەيدى Leaders D&C كومپانياسىنىڭ پرەزيدەنتى دجونگ حي ۆۋ. ايتا كەتەيىك, اتالعان ءوڭتۇس­تىككورەيالىق كومپانيا ەلىمىزدەگى ءىرى كاسىپورىندارمەن بىرگە بالامالى ەنەرگيا تۇرعىسىندا بىرقاتار جوبانى ىسكە اسىرۋعا ىقىلاس ءبىلدىرىپ وتىر. سونىمەن قاتار, ونى تەمىرجول جانە «جىبەك جولى» جوبالارى دا قىزىقتىرادى. تالعات رايىمبەك, «ەگەمەن قازاقستان»