كۇرە جول – كۇرەتامىر

پارلامەنت سەناتىنداعى «ءوڭىر» دەپۋتاتتىق توبىنىڭ دوڭگەلەك ۇستەل وتىرىسىندا قازاقستان پرەزيدەنتىنىڭ «نۇرلى جول – بولاشاققا باستار جول» جولداۋىنداعى اۆتوموبيل جولدارى قۇرىلىسى بولىگىن ىسكە اسىرۋدىڭ ارالىق ناتيجەلەرى جانە قازاقستاننىڭ 2015-2019 جىلدارعا ارنالعان ينفراقۇرىلىمدىق دامىتۋ مەملەكەتتىك باعدارلاماسى اياسىندا كولىك-لوگيستيكا ينفراقۇرىلىمىن قالىپتاستىرۋدىڭ كەلەشەگى تالقىلاندى. سەنات توراعاسى قاسىم-جومارت توقاەۆ وتىرىسقا قاتىسۋشىلارعا ارناپ ءسوز سويلەدى. جوعارعى پالا­تا­ن­ىڭ باسشىسى ءبىزدىڭ ەلىمىزدى ينفرا­­قۇرىلىمدىق تۇرعىدا تۇبە­گەيلى جاڭعىرتۋ ارقىلى ەكونوميكانى ەلەۋلى تۇردە وركەندەتۋ ىسىندە پرە­زي­دەنت ن.نازارباەۆ جاريا ەتكەن جاڭا ەكونوميكالىق ساياساتتىڭ قاعي­دالىق ماڭىزىن اتاپ ءوتتى. سەنات توراعاسى اۆتوموبيل جولدارى قۇرىلىسى باعدارلاماسىن ىسكە اسىرۋ بارىسىنداعى وزەكتى ماسە­­لەلەرگە توقتالدى. ق.توقاەۆ­تىڭ ايتۋىنشا, كوپتەگەن اۆتوموبيل جولدارىنىڭ ساپاسىن جاق­سار­تۋ قاجەت, اۋىلدىق جەرلەر­دەگى جول­دار جاڭعىرتۋدى, جول قۇرى­لىس­تارىندا وزىق تەحنولوگيا­لار­دى پايدالانۋ جونىندە اۋقىمدى جۇ­مىس­تار اتقارۋدى تالاپ ەتەدى. جوعار­عى پالاتانىڭ باسشىسى جول­­دار­دىڭ قۇرىلىسى مەن ءجون­دەۋ جۇمىستارىندا اۆتوموبيل سالا­سى­نىڭ ماماندارىمەن كەرى بايلانىس­تى قامتاماسىز ەتۋدىڭ ماڭىزى زور ەكەنىنە نازار اۋداردى. «نۇرلى جول» – ماڭىزى وتە اۋقىم­دى ستراتەگيالىق باعدارلاما, بۇل قۇجات قازاقستاننىڭ العا قاراي دامۋى­­نا ۇلكەن سەرپىلىس بەرە­­دى. وسى ماسەلەلەر شىن ءمانىن­دە بۇكىل قوعام­نىڭ نازارىندا تۇر. سون­­دىق­تان, ءبىز ءبارىمىز, ۇكى­مەت بول­سىن, پار­لا­مەنت بولسىن, بۇل جۇمىس­تى ءناتي­جەلى تۇردە اتقارۋى­مىز كەرەك, دەدى ق.توقاەۆ. ينۆەستيتسيالار جانە دامۋ مي­نيسترى اسەت يسەكەشەۆ «نۇرلى جول» مەملەكەتتىك باعدارلاماسى ايا­­­سىن­­دا اۆتوموبيل جولدارى جو­با­­ل­ارىن ىسكە اسىرۋ بارىسى تۋرا­لى بايان­دادى. ونىڭ ايتۋىنشا, بار­لىق جو­با­لار ىسكە اسىرىلعاننان كەيىن تا­سى­مال كولەمى 2,5 ەسە ارتادى, ونىڭ ەلەۋ­لى ەكونوميكالىق قاي­­تارىمى عانا ەمەس, اۋقىمدى الەۋ­­مەتتىك اسەرى مول بولادى. «2017-2019 جىلدارى «نۇر­لى جول» اياسىندا اۆتوموبيل جول­دارى جوبالارىن ىسكە اسىرۋدىڭ شىر­قاۋ شەگى كەزەڭىندە بارلىق جوبالار­دا 200 مىڭ ادام, وعان قوسا تسەمەنت, جول بيتۋمى, ينەرت ماتەريالدار, تەمىر-بەتون بۇيىمدارىن شى­عارۋ جونىندەگى بارلىق وتاندىق ءوندىرۋ­شىلەر جۇمىس ىستەيدى», – دەدى بايانداماشى. «قازاۆتوجول» ۇلتتىق كومپانياسى» اق باسقارما توراعاسى ەرمەك قيزاتوۆ ەلىمىزدەگى نەگىز­گى حالىقارالىق دالىزدەرگە, ونىڭ ءىشىن­دە «نۇرلى جول» باعدار­لاما­سى اياسىندا سالىنعان بولىكتەرگە تولەم جۇيەسىن ەنگىزۋ تۋرالى ايتتى. ودان باسقا, اۆتوموبيل جولدارىن باسقارۋ جونىندەگى ۇلتتىق وپەراتوردىڭ باسشىسى جول بويى قىزمەت كورسەتۋلەردى دامىتۋ جوس­پارلارى تۋرالى دا حاباردار ەتتى. قارجى ءمينيسترىنىڭ ورىنباسارى تاتيانا ساۆەلەۆا جەكەلەگەن جوبالاردى قارجىلاندىرۋ بارىسى تۋرالى ەسەپ بەردى. ونىڭ ايتۋىنشا, 2015 جىلى جول قۇرىلىسىنا ۇلت­­ت­ىق قوردان بولىنگەن 178 ميل­ليارد تەڭگە يگەرىلدى, 2016 جىلى قار­جى­لاندىرۋ كولەمى 161,9 ميلليارد تەڭگەنى (ۇلتتىق قور­دان 151,3 ميل­ليارد تەڭگە, رەسپۋب­لي­كا­لىق بيۋد­جەتتەن 10,6 ميلليارد تەڭگە) قۇرايدى. ىشكى ىستەر مينيسترلىگى اكىم­شى­لىك پوليتسياسى كوميتەتى توراعا­سى­نىڭ ءبىرىنشى ورىنباسارى الىبەك كەڭەسباەۆ جولداعى, ونىڭ ىشىندە اۆتوموبيل جولدارى قۇرى­لىسى بولىكتەرىندەگى قوزعالىس قاۋىپ­سىز­دىگىن قامتاماسىز ەتۋ ءۇشىن قابىل­دان­عان شارالار تۋرالى حابارلادى. دوڭگەلەك ۇستەل وتىرىسىن­دا «ءوڭىر» دەپۋتاتتىق توبى­نىڭ مۇشەسى سەناتور ەربولات مۇقاەۆ جانە قاراعاندى وبلىسى اكىمىنىڭ ورىنباسارى شاگۋراشيد ماما­لينوۆ باتىس قازاقستان جانە قارا­عان­دى وبلىستارىنداعى اۆتو­مو­بيل جول­دارىنداعى وزەكتى ماسە­لە­­لەر مەن ونىڭ كەلەشەگى تۋرالى ايتتى. دوڭگەلەك ۇستەلدى قورىتىن­دىل­اي كەلىپ, «ءوڭىر» دەپۋتات­تىق توبىنىڭ جەتەكشىسى, سەنات­تىڭ ەكو­نوميكالىق ساياسات جانە كاسىپ­كەرلىك كوميتەتىنىڭ مۇشەسى ميحايل بورتنيك «نۇرلى جول» باعدارلاماسىن ىسكە اسىرۋعا اۋقىمدى قاراجات – مەملەكەتتىك تە, قارىز اقشا دا جۇمسالاتىندى­عىن, سوندىقتان بۇل جولداردىڭ قۇرىلىسىن مۇقيات قاداعالاۋ كەرەكتىگىن اتاپ ءوتتى. ءلايلا ەدىلقىزى, «ەگەمەن قازاقستان»