سال اۋرۋىنان ەمدەيتىن قۇرىلعى

ورالدا ءبىرجان قوجاقوۆ ەسىمدى كاسىپكەر سال اۋرۋىنا شالدىققانداردىڭ بويىن تىكتەپ, ساۋىعىپ كەتۋىنە مۇمكىن­دىك بە­رەتىن قۇرىلعى جاساۋدى قولعا الدى. ول بۇرىن جول ساقشىسى بولىپ قىزمەت ەتكەن. ەكى اياعىن بىردەي ءۇسىتىپ الىپ, ارباعا تاڭىلعان. ءومىردىڭ قيىندىعىنا مويىماعان ءبىرجان قازىرگى تاڭدا 20 ادام قىزمەت ەتەتىن جيھاز تسەحىن باسقارىپ وتىر. مۇمكىندىگى شەكتەۋلى جاندارعا ارناپ جاسالعان قۇرىلعىلار وندىرىستىك تاسىلمەن شىعارىلىپ, الەۋمەتتىك مەكەمەلەرگە تەگىن تاراتىلادى. اكتسيا بارىسىندا بىرنەشە وڭالتۋ مەكەمەسى جاڭا قۇرىلعىلارعا يە بولدى. وسىعان بايلانىستى جەرگىلىكتى قۇرىلىس كومپانياسى قۇنى 5,5 ميلليون تەڭگە بولاتىن ارنايى جابدىقتى سىيعا تارتتى. – بۇل اپپاراتتار رەسەي, گەرمانيا, تۇركيا ەلدەرىندە شىعادى. سول ءۇشىن «قازاقستاندا جاساي الامىز» دەگەن اك­تسيامەن جاسادىق. بارلىعىن دارىگەر­لەرمەن كەڭەسىپ بارىپ, ىسكە اسىرىپ جاتىرمىز, – دەيدى ءبىرجان قوجاقوۆ. تەمىر قۇسايىن, «ەگەمەن قازاقستان»