فۋتبول. «ەۋرو-2016». ۋكراينا ەكىنشى رەت جەڭىلدى

بۇگىن فۋتبولدان فرانتسيادا ءوتىپ جاتقان ەۋروپا چەمپيوناتىندا س توبىنىڭ ۋكراينا مەن سولتۇستىك يرلانديا قۇرامالارى كەزدەستى. بۇل ويىندا قارت قۇرلىقتىڭ دوداسىنا العاش رەت قاتىسىپ جاتقان بريتانيا ەلىنىڭ كومانداسى العاشقى جەڭىسىنە جەتتى. سولتۇستىك يرلانديا ۋكراينا جاساعىن 2.0 ەسەبىمەن ۇتتى. كەزدەسۋدە كوماندالار تەڭ وينادى دەسە بولادى. ەكى جاق تا ماتچ باستالىسىمەن قورعانىستا جاتىپ الماي, ءجيى-ءجيى شابۋىلدار جاساپ وتىردى. سونداي ساتتەردىڭ بىرىندە سولتۇستىك يرلانديانىڭ جارتىلاي قورعاۋشىسى ماكولي 49 مينۋتتا ەسەپ اشتى. ودان كەيىن ويىننىڭ نەگىزگى ۋاقىتى ءبىتىپ, قوسىمشا ۋاقىت بەرىلگەندە شابۋىلشى ۋوردتتى جاسىل الاڭدا الماستىرعان ماكگينن ۋكراينا قاقپاسىنا تاعى ءبىر دوپ سوعىپ, ماتچقا قالىڭ نۇكتەنى قويىپ كەتتى. ءسويتىپ, سولتۇستىك يرلانديا ەۋروپا چەمپيوناتىنداعى العاشقى جەڭىسىنە جەتسە, ۋكراينا قاتارىنان ەكىنشى رەت جەڭىلىپ تاپتى. ەندى ۋكراينا پولشا قۇراماسىمەن كەزدەسەدى. ال سولتۇستىك يرلانديا گەرمانيا كومانداسىمەن جاسىل الاڭعا شىعادى. قازىر پاريج قالاسىندا وسى ەكى ەلدىڭ جاساقتارىنىڭ كەزدەسۋى باستالادى. ۋكراينا – سولتۇستىك يرلانديا 0:2 (0:0) گولدار: ماكولي 49, ماكگينن 90 ەسكەرتۋ: سەلەزنەۆ 40, ۋورد 63, سيدورچۋك 67, داللاس 87, ەۆانس 90. ۋكراينا: پياتوۆ, حاچەريدي, شەۆچۋك, فەدەتسكي, راكيتسكي, كوۆالەنكو (زينچەنكو 83), ستەپانەنكو, يارمولەنكو, سيدورچۋك (گارماش 76), كونوپليانكا, سەلەزنەۆ (زوزۋليا 72). سولتۇستىك يرلانديا: ماكگوۆەرن, كەتكارت, ەۆانس, حيۋز, ماكولي, دەۆيس, ەۆانس (ماكنەير 90), داللاس, نورۆۋد, ۋورد (ماكگينن 69), ۋوشينگتون (مادجەننيس 84). تورەشىلەر: پاۆەل كرالوۆەتس, توماش موكرۋش (ەكەۋى دە - چەحيا), رومان سليشكو (سلوۆاكيا). 16 ماۋسىم. ليون. «ستاد دە ليون» ستاديونى. داستان كەنجالين. فوتو: telegraf.com.ua ۆيدەو: vk.com