ۇلتتىق بىرىڭعاي تەستىلەۋدىڭ قورىتىندىسى

دەرەك پەن دايەك * ۇلتتىق بىرىڭعاي تەستىلەۋ وتكىزىلە باستاعان 13 جىلدا وعان 1 ميلليون 587 مىڭ مەكتەپ ءبىتىرۋشى قاتىستى. بۇل وسى جىلدارداعى تۇلەكتەردىڭ جالپى سانىنىڭ 77 پايىزى. * بيىل ۇبت 165 پۋنكتە ءوتتى. وعان قاتىسۋعا 121 092 مەكتەپ ءبىتىرۋشىنىڭ 86 999-سى (72 %) ءوتىنىش بەرگەن. ولاردىڭ 83 330-سى قازاق تىلىندە, 37 762-ءسى ورىس تىلىندە وقىعاندار. * تەستىلەۋگە 84 079 تۇلەك قاتىستى. ونىڭ ىشىندە 61 739 مەكتەپ وقۋشىسى قازاق تىلىندە, 22 340 ادام ورىس تىلىندە تاپسىردى. * بىرنەشە رەت ءتارتىپ بۇزعانى ءۇشىن 38 مەكتەپ ءبىتىرۋشى تەستىلەۋدەن شىعارىلدى. ولاردىڭ ناتيجەلەرى جويىلدى. * بيىل تەست كەزىندە 52 982 تىيىم سالىنعان زاتتار تاركىلەندى. بىلتىر 51 370 بولاتىن. * ۇلتتىق بىرىڭعاي تەستىلەۋدە ورتاشا بالل 81,2 بولدى. 2015 جىلى 79,4 بالل ەدى. * 19 مەكتەپ ءبىتىرۋشى 125 بالل جينادى. وتكەن جىلى 5 تۇلەك 125 بالل العان. * بيىل 100 بالدان جوعارى جيناعان تۇلەكتەر سانى – 16 565 ادامعا جەتتى. بۇل تەست تاپسىرعانداردىڭ 20 پايىزى. 2015 جىلى 14 420 وقۋشى 100-دەن اسا بالل (17,4 % ) جينادى. * ۇلتتىق بىرىڭعاي تەستىلەۋدە «التىن بەلگى» بەلگىسىنە 4 768 ۇمىتكەر بولدى. سونىڭ 2 371 نەمەسە 50 پايىزى «التىن بەلگى» الدى. *رەسپۋبليكالىق اپپەلياتسيالىق كوميسسيا تەست تاپسىرمالارىنىڭ مازمۇنى بويىنشا 547 ءوتىنىشتى قارادى. سونىڭ 141-ءى قاناعاتتاندىرىلدى (44,3 % ) . بيىل ۇلتتىق بىرىڭعاي تەستىلەۋ سوڭعى رەت ءوتتى. ەندى كەلەسى جىلدان باستاپ تۇلەكتەر مەملەكەتتىك ەمتيحان تاپسىرىپ, اتتەستات الاتىن بولادى. قازىرگى كەزدە ۇبت-نىڭ جاقسى جاقتارى مەن كەمشىلىكتەرى تۋرالى كوپ جەردە ايتىلىپ جاتىر. ونى سىناپ جاتقاندار دا بار. وسىعان بايلانىستى ءبىلىم جانە عىلىم مينيسترلىگى باقىلاۋ كوميتەتىنىڭ سىرتتاي باعالاۋ باسقارماسىنىڭ باسشىسى زيناش جاندىلدينامەن كەزدەسىپ, ۇلتتىق بىرىڭعاي تەستىلەۋدىڭ ءمان-ماڭىزى, ونىڭ ءتيىمدى, ءتيىمسىز جاقتارى تۋرالى سۇراستىرعان ەدىك. بۇل تۋرالى «ەگەمەن قازاقستان» گازەتىنىڭ الداعى سانىنان وقي الاسىزدار. داستان كەنجالين. دەرەك: ءبىلىم جانە عىلىم مينيسترلىگى. فوتو: egemen.kz