اتا-انالار الاڭداماسىن

1994 جىلى پاۆلودار وبلى­سىنىڭ ەكىباستۇز قالاسىنداعى №26 گيمنا­زيا-مەكتەبىن پرەزيدەنت نۇرسۇلتان نازارباەۆتىڭ ءوزى كەلىپ اشقان ەدى. بۇل سول شاقتا وڭىرىمىزدە العاش رەت بوي كوتەرگەن قازاق مەكتەبى بولاتىن. جەڭىس مەيىرمان باستاعان ءتىل جانا­شىرلارى, اتا-انالار وسى قازاق مەكتەبىنىڭ تاعدىرىنا الاڭ­داپ, «ەگەمەنگە», وبلىستاعى تىلشىلەر قوسىنىنا حات جازعان ەدى. حات جازعانداردىڭ اراسىندا №26 گيمنازيا-مەكتەبىندە قىزمەت ەتكەن ۇستازدار دا بار. الاڭداۋلارىنا سەبەپ: گيمنازيا مەكتەپتىڭ ءبىرىنشى قاباتى تۇرىك ليتسەيىنە بەرىلىپ, ليتسەي وقۋشىلارى 2015-2016 وقۋ جىلىندا وقىپ شىعادى. بۇل – وسى مەكتەپ نەگىزىندە تۇرىك ليتسەيى اشىلادى دەگەن ءسوز. ماسەلەنىڭ ءمانىسى وسى. ياعني, وبلىستىق ءبىلىم باسقارماسى اتا-انالار, ۇستازدار تاراپىنان الاڭداۋشىلىق تۋدىرعان بۇل ماسەلەنى ناقتى زەرتتەپ, جۇمىس جۇرگىزبەگەن بولىپ وتىر. «ويتكەنى, – دەيدى حات يەلەرى, – №26 گيمنازيا-مەكتەبىنىڭ وقۋشىلارى بۇگىنگى كۇنگە دەيىن ەكى اۋىسىمدا وقىپ كەلدى. مەكتەپكە سىيماعان وقۋشىلار امالسىزدان ارالاس مەكتەپتەردە وقىپ ءجۇر. قالامىزدا ءبىر اۋىسىمدا ءبىلىم بەرەتىن, بوس كابينەتتەرى جەتەرلىك باسقا دا مەكتەپتەر بار. نەگە قازاق تىلىندە ءبىلىم بەرەتىن گيمنازيا-مەك­تەبى ليتسەيگە بەرىلمەكشى؟». سۇراق وسى. بۇل گيمنازيا – وبلىستاعى قازاق مەكتەپتەرىنىڭ اراسىندا «انا ءتىلى» گيمنازيا-مەكتەبسىن جۇزەگە اسىراتىن تىرەك مەكتەبى. رەسپۋبليكالىق «ءبىلىم ۇياسى-2001» كونكۋرسىندا «تاڭداۋلى جىل مەكتەبى» اتاندى. وسى جىلدار ىشىندە مەكتەپتى «التىن بەلگىگە» – 5, ۇزدىك اتتەستاتقا 23 تۇلەك ءبىتىردى. «...ءبىزدىڭ كوڭىلىمىزگە كەلەتىنى, بۇعان دەيىن وبلىستىق ءبىلىم باسقارماسىنا وسى ماسەلەگە نارازى­لىق ءبىلدىرىپ حات جازعانىمىزدا, «تۇرىك ليتسەيىن ەكىباستۇزداعى ءبىلىم ساپاسى تومەندەپ كەتكەندىكتەن اشىپ وتىرمىز» دەگەن ماعىنادا جاۋاپ بەردى. «ەكىباستۇزدا جاڭادان اشىلاتىن «№36 ليتسەي-مەكتەبىنە №26 گيمنازيا-مەكتەبىنىڭ 200 وقۋشىسى بارۋعا مۇددەلى» دەلىن­گەن. ال, ءبىز وسى حات بويىنشا وبلىستىق ءبىلىم باسقارماسىنا حابارلاسىپ, ءتو­مەن­دەگىدەي جاۋاپ الدىق: «ەكىباستۇزدا «وبلىستىق دارىندى بالالارعا ارنالعان كوپسالالى ليتسەيى» وبلىس اكىمدىگىنىڭ 2015 جىلدىڭ 3 شىلدەدەگى № 185/6 قاۋلىسىنا وراي اشىلدى. قالا اكىمدىگىنىڭ كەلىسىمى بويىنشا جاڭا­دان اشىلعان ليتسەيگە №26 ورتا مەكتەبى عيماراتىنىڭ جارتىسى (1-قابات, 6 كابينەت) بەرىلدى. كوپسالالى ليتسەيدى اشۋداعى ماق­سات – قازىرگى زامان تالابى. قازىرگى ۋاقىتتا وبلىس­تىق دارىندى بالالارعا ارنالعان مامانداندىرىلعان پاۆلودارداعى مەكتەپتەردە 170-تەن استام ەكىباستۇز قالا­سى مەن اۋىلدىق اۋماقتاردىڭ وقۋشىلارى ءبىلىم الۋدا. وتكەن جىلدىڭ باسىندا تەك قازاق-تۇرىك ليتسەيلەرىندە ەكىباستۇزدىق 119 وقۋشى (جالپى وقۋشىلاردىڭ 24,2 پايىزىن قۇرايدى) ءبىلىم الدى. بۇل اتا-انالاردىڭ بالالارىن دارىندى بالالارعا ارنالعان مەكتەپتەردە وقىتۋعا دەگەن سۇرانىسىن, ەكىباستۇزدا سونداي مەكتەپتەر قاتارىن ارتتىرۋ قا­جەتتىلىگىن كو­رسەتىپ وتىر. سوندىق­تان, قازاق ءتى­لىندە ءبىلىم بەرەتىن جاڭا ليتسەيدە ساپالى ءبىلىم الۋعا بارلىق جاعداي جاسالدى. جالپى, قالادا ەكى مەكتەپتىڭ ءبىر عيماراتتا ءبىلىم بەرۋ تاجىريبەسى بار. ياعني, ءبىلىم بەرۋ ستاندارتىنا ساي, ەكى مەكتەپ ورنالاسقان عي­مارات سىنىپتاردىڭ تولىعۋىنا قاراي سانيتارلىق ەرەجەلەرى مەن نورمالارىنىڭ تالاپتارىنا سايكەس قىزمەت ەتەدى. ال №26 گيمنازيا-مەك­تەبىنىڭ اتا-انالارى اراسىندا الدىن الا جۇرگىزىلگەن ساۋالدامانىڭ قورى­تىندىسى بويىنشا 200-دەن استام وقۋشى وسى كۇزدە پايدالانۋعا بەرىلەتىن جاڭا مەكتەپتە وقىعىلارى كەلەدى ەكەن. بولاشاقتا بالالارى زاماناۋي عيماراتتا ءبىلىم العانىن قالايتىن اتا-انالار سانى ارتاتىنى ءسوزسىز» دەلىنگەن حاتتا. ەكىباستۇزدىق ۇستازدار, اتا-انالار جازعان حاتقا وراي ءبىز وب­لىستىق ءبىلىم بەرۋ باسقارماسىنىڭ باس­شىسى باقىت بەكسەيىتوۆانىڭ قابىلداۋىندا بولعانىمىزدا, «الاڭداۋعا ەش نەگىز جوق», دەدى. اتالعان ليتسەيدىڭ №26 گيمنازيا-مەكتەبىنىڭ عيما­راتىنان باسقا جەرگە اۋىستىرىلاتىنىن جەت­كىزدى. ءبىلىم بەرۋ باسقارماسى اتىنان پەدا­گوگيكالىق ۇجىمعا ءبىلىم بەرۋ ءجۇ­يەسىندە ورىن العان ماسە­لەگە نازار اۋدارعاندارى ءۇشىن العىس ءبىل­دىردى. فاريدا بىقاي, «ەگەمەن قازاقستان» پاۆلودار وبلىسى