نيكيتيا كاراس كاراتەدەن ازيا چەمپيونى اتاندى

كيوكۋشينكاي-كان كاراتە بويىنشا قىتايدا وتكەن حالىقارالىق تۋرنيردە قازاقستان قۇراماسىنىڭ ساپىندا ونەر كورسەتكەن تەمىرتاۋلىق نيكيتا گاراس قارسىلاس شاق كەلتىرمەي, ازيانىڭ ءابسوليۋتتى چەمپيونى اتانىپ قايتتى. نيكيتا كاراتەمەن 11 جىلدان بەرى شۇعىلدانىپ كەلەدى. بۇعان دەيىن تەك جاستار اراسىنداعى جارىستاردا باق سىناپ كەلگەن سپورتشىنىڭ بۇل ەرەسەكتەر اراسىنداعى تۋرنيرگە العاش قاتىسۋى. قىتايداعى ازيا چەمپيوناتىندا ول ءتورت جەكپە-جەك وتكىزىپ, ەكى قارسىلاسىن تەحنيكالىق نوكاۋتقا ءتۇسىرىپ, تاعى دا ەكەۋىن ۇپاي سانى بويىنشا جەڭدى. جالپى, بيىلعى بىرىنشىلىكتە قازاقستان نامىسىن قورعاعان ءتورت سپورتشىنىڭ تورتەۋى دە جۇلدەلى ورىندارعا يە بولدى. ەرەسەكتەر ساپىندا العاش ونەر كورسەتكەن 18 جاستاعى نيكيتا گاراستان ەشكىم دە مۇنداي جەتىستىكتى كۇتپەگەن ەكەن. «نيكيتا – بىرەگەي سپورتشى. بالا كەزىنەن ءار جاتتىعۋعا, ءار جەكپە-جەككە ۇلكەن جاۋاپكەرشىلىكپەن قارادى. وسى جولى جۇلدەلى ورىننان كورىنەر دەپ ۇمىتتەنسەك تە, ودان وسىنشا تاباندىلىق تانىتادى دەپ ويلاماعان ەدىك. جارادى ازامات!» – دەدى جاتتىقتىرۋشىسى يگور ليم. قايرات ءابىلدينوۆ. دەرەك: egemen.kz. فوتو: bnews.kz.