ەكسپو-2017 كورمەسىنە بيلەتتەر ساتىلا باستادى

استانادا وتەتىن ەكسپو-2017-گە كورمەسىنە بيلەتتەردى ونلاين ساتۋ ىسكە قوسىلدى. بيلەتتىك باعدارلاما الەمدىك تاجەريبەدە قولدانىسقا ەنگىزىلگەندەي قازاقستاندىقتار ءۇشىن جەڭىلدىكتەر قاراستىرىلعان. اتاپ ايتقاندا, ۇلى وتان سوعىسىنىڭ ارداگەرلەرى, مۇگەدەكتەر, مۇمكىندىگى شەكتەۋلى ازاماتتار, جەتىم بالالار جانە 6 جاسقا دەيىنگى بالالار كورمەگە ەركىن كىرە الادى. سونداي-اق, زەينەتكەرلەر, كوپ بالالى انالار, ستۋدەنتتەر جانە وقۋشىلارعا ارنايى جەڭىلدىكتەر قاراستىرىلعان. ايتا كەتەيىك, ەكسپو-2017 كەزەڭىندە 2 - 5 ميلليون ادام كەلەدى دەپ كۇتىلۋدە. قازىرگى ۋاقىتتا 89 ەل جانە 15 حالىقارالىق ۇيىمدار كورمەگە قاتىسۋىن راستاپ وتىر. سونىمەن بيلەتتەر جانە باسقا بيلەت ونىمدەرى ساتۋعا كەزەڭ-كەزەڭمەن شىعادى. 10 ماۋسىمنان باستاپ 10 شىلدەگە دەيىن پرومو-كەزەڭ وتەدى. ول كەزدە بيلەتتتى بارىنشا تومەن باعامەن ساتىپ الۋعا بولادى. ناقتىراق ايتقاندا, 10-20 ماۋسىمدا 50 پايىز, 21-30 ماۋسىمدا 30 جانە 1-10 شىلدەدە 20 پايىز جەڭىلدىك قاراستىرىلعان. تالعات رايىمبەك. دەرەك: «استانا ەكسپو-2017» ۇك» اكتسيونەرلىك قوعامىنىڭ ءباسپاسوز قىزمەتى. فوتو: egemen.kz.