رەسەيلىك تانىمال مۋزىكانت – اقتاۋدا

اقتاۋ قالاسىنداعى بىردەن-ءبىر ونەرگە ارنالعان وقۋ ورداسى – ماڭعىستاۋ ونەر كوللەدجىنە الىستان ارنايى قوناقتار كەلدى. ولار – ايگىلى مۋزىكانت, رەسەي فەدەراتسياسىنىڭ حالىق ءارتىسى, مەملەكەتتىك سىيلىقتىڭ لاۋرەاتى, گنەسين اتىنداعى رەسەي مۋزىكا اكادەمياسىنىڭ پروفەسسورى, سازگەر ا.ا.تسى­­گانكو مەن ونىڭ زايىبى ي.ۆ.شەۆ­چەنكو جانە الماتى كون­سەر­ۆاتورياسىنىڭ پروفەسسورى ە.باسىقارا. 1948 جىلى ومىرگە كەلگەن الەكساندر اندرەەۆيچ – تانىمال مۋزىكانت, ورىس حالقىنىڭ ەجەلگى دومرا اسپابىنىڭ شەبەر ورىنداۋشىسى. ون جەتىنشى عاسىردا ورىستىڭ نەگىزگى اسپابى بولعان دومرا كەيىن, ياعني ءحىح عاسىردا ءوز ورنىن بالالايكاعا بەرەدى. قازىرگى تاڭدا اتالمىش ونەر اسپابى رەسەيدە مەكتەپتە, كوللەدجدە جانە كونسەرۆاتوريادا وقىتىلىپ كەلەدى. الەكساندر بولسا بالا كەزىندە باستاۋىش جانە ورتا مۋزىكالىق ءبىلىمدى ومبىدان الادى دا, كەيىن گنەسين اتىنداعى مەملەكەتتىك مۋزىكالىق-پەداگوگيكالىق ينستيتۋتىن بىتىرەدى. ەسكى اسپاپتى جاڭعىرتشۋى, دومرانى ۇرپاق ساناسىنان ۇمىت قالدىرماي, دومرانىڭ قۇلاعىندا وينايتىن ورىس جاستارىن تاربيەلەۋشى رەتىندە رەسەي مۋزىكا الەمىنە سىڭىرگەن ەڭبەگى ۇشان-تەڭىز. كوللەدج ستۋدەنتتەرىنىڭ ونەرىن تاماشالاپ, ءوزى دە اسپاپتا ورىنداعان ا.تسىگانكوۆ پەن ب.باسىقارا باستاعان توپ ۋكراي­ن اقىنى ت.شەۆچەنكو ايداۋدا بولعان اق كەتىككە – فورت-شەۆ­چەنكوعا بارىپ, اقىننىڭ مۇراجايىن ارالادى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى