لاڭكەستىك – حالىقارالىق قوعامداستىق ءۇشىن ۇلكەن قاتەر

ەقىۇ تۇراقتى كەڭەسىنىڭ (تك) ارنايى ءماجىلىسى بارىسىن­دا ەقىۇ تك توراعاسى, ەقىۇ جانىنداعى گفر دەلەگا­تسيا­سىنىڭ باسشىسى, ەلشى ە.پول, سونداي-اق, ەۋروپالىق وداق, اقش, شۆەيتساريا, رەسەي, تۇرىك­مەنستان, گرۋزيا, قىرعىزستان, وزبەكستان, بەلارۋس, قاسيەت­تى تاق, سان-مارينو, ۋكراي­نا, كانادا, نورۆەگيا, موڭ­عو­ليا, سەربيا, ارمەنيا, ليح­تەنش­تەين, چەرنو­گوريا, مولدوۆا, ازەر­بايجان, بوسنيا جانە گەر­تسە­گوۆينا, تۇركيا دەلەگاتسيالارى ءۇستى­مىزدەگى جىلعى 5 ماۋسىم­دا اقتو­بەدە ورىن العان تەررور­لىق اكتىلەرگە بايلانىستى قازاقستان حالقى مەن لاڭكەس­تىك سالدارىنان قازا تاپقان وت­باسىلارىنا كوڭىل ايتىپ, جارا­لانعاندار مەن زارداپ شەككەن­دەردىڭ تەزىرەك ساۋىعىپ كەتۋ­لەرىنە تىلەكتەستىكتەرىن ءبىلدىردى. قازاقستان رەسپۋبليكاسىنىڭ ۆەناداعى حالىقارالىق ۇيىمدار جانىنداعى تۇراقتى وكىلدىگى (قرتو), ءوز كەزەگىندە, ەقىۇ-عا قاتىسۋشى مەملەكەتتەردى كوڭىلدەرى ءۇشىن ريزاشىلىعىن ءبىلدىرىپ, بولعان وقيعا تۋرالى, قازاقستان تاراپىنان قابىلدانىپ جاتقان شارالار جايىندا اقپاراتتار بەردى. قرتو ءوزىنىڭ مالىمدەمەسىندە ۇستىمىزدەگى جىلعى 7 ماۋسىم كۇنى ىستانبۇل قالاسىندا جا­سال­­عان لاڭكەستىككە بايلانىس­تى تۋىسقان تۇركيا حالقىنا كوڭىل ايتىپ, قازاقستاننىڭ تەر­رو­ريزم مەن زورلىق ەكسترە­­ميزمدى شەشىمدى تۇردە ايىپ­تاي­تىنىن جانە تەرروريزم مەن ەكسترەميزمنىڭ بارلىق كورى­نىستەرىندە ولارعا قارسى تۇرۋ ءۇشىن حالىقار­ا­لىق قوعام­داستىقپەن ىنتىماق­تاستىعىن جالعاستىراتىنىن اتاپ ءوتتى. وسى جولعى وقيعالار دۇنيە­جۇزى مەن حالىقارالىق قوعام­داستىققا ەكسترەميستىك توپتار ۇلكەن قاتەر ءتوندىرىپ وتىر­عانىن كەزەكتى مارتە ايعاق­تايتىنى كولدەنەڭ تارتىلدى. سونىمەن قاتار, قازاقستان پرەزيدەنتىنىڭ اقتوبەدەگى لاڭ­كەس­تىكتەن قازا تاپقاندارعا بايلانىستى 9 ماۋسىمدى ۇلتتىق ازات تۇتۋ كۇنى دەپ جاريالاۋىنا وراي, قرتو عيماراتىندا كوڭىل ايتۋ كىتابى اشىلعانى تۋرالى حابارلاندى. «ەگەمەن-اقپارات»