دۇكەن قاراۋىلى وزىنە تاپ بەرگەن ۇرىنى ۇرىپ ءولتىردى

كوكشەتاۋ. 4 ماۋسىم. اقمولا وبلىسىندا ماگازين قاراۋىلى وزىنە شابۋىل جاساعان توناۋشىنى قورعانۋ كەزىندە ءولتىرىپ قويعان. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سىلتەمە جاساعان egemen.kz ءتىلشىسى حابارلادى. وبلىستىڭ ساندىقتاۋ اۋداندىق ىشكى ىستەر ءبولىمىنىڭ كەزەكشى بولىمىنە اۋداندىق اۋرۋحانا دارىگەرىنەن حيرۋرگيا بولىمشەسىندە دەنەسىنىڭ كوپ جەرىندە جاراقاتى بار جاس جىگىتتىڭ قايتىس بولعانى جايىندا حابار تۇسەدى. قايتىس بولعان جىگىتتىڭ اۋدانداعى كامەنكا اۋىلىنىڭ 24 جاستاعى تۇرعىنى ەكەنى ايتىلادى. جەدەل-ىزدەستىرۋ شارالارى بارىسىندا كامەنكا اۋىلىندا ءوز ايەلى اتىنداعى دۇكەننىڭ قاراۋىلى بولىپ جۇمىس ىستەپ جۇرگەن ەر كىسىنىڭ وزىنە جاسالعان قاراقشىلىق شابۋىل كەزىندە قورعانىپ ءجۇرىپ, قارسىلاسىنا بىرنەشە جەردەن جاراقات سالادى. وقيعا تۇندە بولعان. ۇيىندە وتىرعان قاراۋىل ەسىك الدىندا بولعان شۋدى ەستىپ, سىرتقا شىققانىندا, ماگازينگە ۇرى تۇسكەنىن بايقايدى. مۇنى ول دۇكەن ءۇيىنىڭ تەرەزەسى الىنىپ قالعانىنان بىلەدى. سوسىن ول ساۋدا ءۇيىنىڭ ىشىنە كىرەدى. وسى كەزدە تۋ سىرتىنان قارۋىلدىڭ كەلىپ قالعانىن كورگەن ۇرى قولىنداعى شەگە سۋىرعىشىمەن بۇعان تۇرا ۇمتىلادى. قاراۋىل شابۋىل جاساۋشىنىڭ سوققىلارىنان قورعانا ءجۇرىپ, ءبىر ۋاقىت ونىڭ قولىنداعى قۇرالىن ج ۇلىپ الىپ, ەندى ءوزىن سوققىلاي باستايدى. پوليتسەيلەر وسىعان بايلانىستى قىلمىستىق ءىس قوزعادى. كىسى ءولتىرۋشى ۇستالىپ, ۋاقىتشا ۇستاۋ وقشاۋلاعىشىنا قامالدى. باقبەرگەن امالبەك. دەرەك: اقمولا وبلىستىق ىشكى ىستەر دەپارتامەنتىنىڭ ءباسپاسوز حاتشىسى.