ايگىلى بوكسشى مۇحاممەد ءالي 74 جاسىندا قايتىس بولدى

استانا. 4 ماۋسىم. اقش-تىڭ اريزونا شتاتىنا قاراستى فينيكس قالاسىنداعى اۋرۋحانالاردىڭ بىرىندە ايگىلى بوكسشى مۇحاممەد ءالي 74 جاسىندا قايتىس بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. NBC News تەلەكومپانياسىنا داڭقتى بوكسشىنىڭ قايتىس بولعانى تۋرالى مالىمەتتى ونىڭ وتباسىنىڭ وكىلى مالىمدەدى. بريتانيالىق Mirror باسىلىمى وسىدان بىرنەشە كۇن بۇرىن مۇحاممەد ءاليدىڭ تىنىس جولدارىنىڭ ناشارلاۋىنا بايلانىستى اۋرۋحاناعا جاتقىزىلعانىن حابارلاعان. كەيىنىرەك دارىگەرلەر ونىڭ جاعدايى تىم اۋىر ەكەنىن ءارى ءولىم اۋزىندا جاتقانىن ايتتى. بوكسشىنى اۋرۋحانادان شىعارۋ تۋرالى شەشىم قابىلداماق بولعان, بىراق بۇل مۇحاممەد اليگە اۋىر بولادى دەگەن قورىتىندىعا كەلدى. ايتا كەتەيىك, ول 1942 جىلى 17 قاڭتار كۇنى اقش-تىڭ كەنتۋككي شتاتىنداعى لۋيسۆيلل قالاسىندا تۋعان. اۋىر سالماق دارەجەسىندەگى كاسىبي بوكسشى. الەمنىڭ بىرنەشە دۇركىن چەمپيونى. بۇگىنگە دەيىن جىل بوكسشىسى اتاعىنا 5 رەت يە بولعان جالعىز سپورتشى. ايان ءابدۋالي. دەرەك, فوتو: ريا «نوۆوستي».