اۋىر اتلەتيكا: چەمپيونات العاشقى جۇلدە يەلەرىن انىقتادى

تالدىقورعان. 4 ماۋسىم. الماتى وبلىسىنىڭ ورتالىعىنداعى «جاستار» سپورت سارايىندا كەشە باستالعان قازاقستاننىڭ ەرلەر جانە ايەلدەر اراسىنداعى چەمپيوناتى ءوزىنىڭ العاشقى چەمپيوندارىن انىقتادى. بۇل تۋرالى egemen.kz ءتىلشىسى حابارلادى. جۇما كۇنى جارىستىڭ ءبىرىنشى كۇنى اياقتالدى. وندا ەرلەردىڭ 56 كيلوعا دەيىنگى سالماقتاعى جۇلدەگەرلەرى بەلگىلى بولدى. بىرىنشىلىكتىڭ التىن مەدالىن قوسسايىستا 256 (116+140) كگ سالماق العان يگور سون  جەڭىپ الدى. ەكىنشى ورىنداعى راحات بەيسەنباەۆ 183 (80+103) كگ سالماقپەن ودان 73 بالل ارتتا قالىپ قويدى. ءۇشىنشى ورىنعا شىققان ۆيتالي اۋحاديەۆ 178 (82+96) كگ سالماق كوتەردى. ايەلدەردىڭ 48 كيلوعا دەيىنگى سالماعىندا الەكساندرا لاچكوۆا توپ جاردى. ول 143 (67+85) كگ سالماقتى باعىندىردى. ەكىنشى ورىنداعى گالينا موموتوۆا ودان 14 كگ قالىپ قويدى. ال ءۇشىنشى ساتىعا كوتەرىلگەن كسەنيا كورولەۆا 106 (45+61) ۇپاي جينادى. بۇدان كەيىن ايەلدەردىڭ 53 كيلوعا دەيىنگى سالماقتاعى سايىسى بولىپ ءوتتى. ول ازيا ويىندارىنىڭ چەمپيونى مارگاريتا ەليسەەۆاعا شاق كەلەتىن ەشكىمنىڭ جوق ەكەنىن كورسەتتى. ليدەر قوسسايىستا 200 (88+112) كيلو سالماق كوتەردى. بۇدان بولەك, قازاقستاننىڭ الداعى وليمپيالىق ويىندارعا باراتىن قۇراماسىنىڭ كانديداتى رەتىندە وعان ءار جاتتىعۋ بويىنشا تاعى ءبىر رەتتەن تالپىنىس جاساپ كورۋگە رۇقسات ەتىلدى. ەسەپكە الىنبايتىن وسى ارەكەتتەردە ول جۇلقا كوتەرۋدە – 90, سەرپە كوتەرۋدە 115 كيلو سالماقتاردى توبەسىندە تىك ۇستاپ تۇردى. ءسويتىپ, ريودا 205 كگ سالماق ءۇشىن كۇرەسە الاتىنىن كورسەتتى. بۇگىن چەمپيوناتتىڭ ەكىنشى كۇنىندە ەرلەردىڭ 62 كگ, ايەلدەردىڭ 58 جانە 63 كگ سالماقتارىندا سايىس وتەدى. نۇربول الدىباەۆ. دەرەك: egemen.kz.