«بۇزىق» بۇرشاق

بيىل ماڭعىستاۋ وڭىرىندە كۇن جاڭبىرلى بولدى. ءتىپتى, جاڭبىر سوڭى ءىرى بۇرشاققا ۇلاستى دەۋگە بولادى.  ماڭعىستاۋ اۋدانى اۋما­عىنداعى تەمىرجول بويىندا نوسەر جاۋىن سالدارىنان «الماتى – ماڭعىشلاق» جولاۋشىلار پويىزى بوگەلسە, ساي-وتەس اۋىلىندا ۇلكەندىگى تاۋىقتىڭ جۇمىرت­قاسىنداي بۇرشاق جاۋعان. ماسەلەنىڭ ءمان-جايىن انىقتاماق بولىپ, اۋىل تۇرعىندارىمەن تەلەفون ارقىلى تىلدەسكەنىمىزدە, ءىرى بۇرشاقتار ۇيلەردىڭ شاتىرلارى مەن تەرەزەلەرىن, كولىكتەردىڭ اينەكتەرىن تەسىپ, سىندىرعان. اۋىل تۇرعىندارى ساتىر-سۇتىر ەتكەن بۇرشاق جاۋىنى سالدارىنان 2-3 ساعات بويى جارىقتى ءسوندىرىپ, ۇيدەن شىقپاي وتىرۋعا ءماجبۇر بولعان. جازدىڭ العاشقى كۇندەرىنىڭ ءبىرى ويران-توپىر ەتكەن بۇرشاقتىڭ لاڭىن جۇرت ءار ساققا جۇگىرتىپ جورۋدا. ءبىرى – ادامداردىڭ نيەتىنە قاراي كورىنگەن ەسكەرتۋ دەسە, ەكىنشىلەرى تابيعاتتىڭ ادامزات تۇسىنە بەرمەيتىن توسىن مىنەزدەرىنىڭ ءبىرى دەپ باعالاۋدا. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى