قاننىڭ قاتەرلى ىسىگى

ءاسپيريننىڭ ارالاسۋىمەن  اۋىزدىقتالادى اۆسترالياداعى گلەدستوۋن ينستيتۋتىنىڭ عالىمدارى كادىمگى ءاسپيريننىڭ قاننىڭ قۇرامىنداعى قاتەرلى ىسىك اۋرۋى­نىڭ الدىن الىپ, اۋىزدىقتاپ بەرەتىنىنە سە­نىمدى بولىپ وتىر. بۇعان وقى­مىستىلار ءدارى قۇرا­مىنداعى ساليتسيل قىش­قىلى ىسىكتىڭ دامۋىن توقتاتىپ, قاتەرلى اۋرۋدىڭ بەتىن قايتاراتىن كومپونەنت ەكەنىن دالەلدەۋ ارقىلى كوز جەتكىزىپ وتىر. زەرتتەۋ بارىسىندا ساليتسيل قىشقىلىنىڭ, سونداي-اق, ودان ءبولىنىپ شىعاتىن ديف­لۋنيزالدىڭ بۇكىل ادام اعزا­سىنىڭ جاسۋشالارىنداعى گەندەردىڭ بەلسەندىلىگىنە جاۋاپ بەرەتىن ەكى اقۋىزدى باسىپ تاستايتىنى بەلگىلى بولعان. وسى ارقىلى اۋرۋدىڭ قارقىن الۋى دا تەجەلەدى. مۇنىڭ سوڭىن الا گەر­ما­نيانىڭ ماينتس ۋنيۆەر­سيتەتىنىڭ زەرتتەۋشىلەرى دە قاتەرلى ىسىكتىڭ الۋان ءتۇرىنىڭ بەتىن قايتاراتىن بەساسپاپ پرەپارات جاساپ شى­عارعاندارىن جاريا ەتتى. ونىڭ ءتۇيىندى كومپونەنتى رنك-نى قۇرايتىن نانابولشەكتەر بولىپ تابىلادى. ولار يممۋندى جاسۋشالاردىڭ ىشىنە كىرىپ, اعزانىڭ قاتەرلى ىسىكتەرگە قارسى قورعانىس قابىلەتىن كۇرت ارتتىرادى. دامير قوجامقۇل