الەمگە ايگىلى قازاقستاندىق سكريپكاشى ەرجان ك ۇلىباەۆ نيۋ-يوركتە وتكەن ءى مانحەتتەندىك مۋزىكا بايقاۋىنىڭ ىشەكتى مۋزىكالىق اسپاپتار اتالىمى بويىنشا ءبىرىنشى جۇلدەنى يەلەندى. مۇنىمەن قاتار, وتانداسىمىزدىڭ ەسىمى «Manhattan Internationai Artists» اگەنتتىگى تىزىمىنە ەنگىزىلمەك.
جالپى, حالىقارالىق «Manhattan Music» بايقاۋىنىڭ ماقساتى ارتىستىگىمەن, ساحناداعى وزگەشە دارىندىلىعىمەن ەرەكشەلەنگەن ورىنداۋشىلاردى تاۋىپ, ولاردىڭ الەمدىك دەڭگەيدە ونەر كورسەتۋىنە, كاسىبي تۇرعىدا ءوسىپ-دامۋىنا بارىنشا قولداۋ كورسەتۋ بولىپ تابىلادى.
جەڭىمپاز مۋزىكانتتار ايگىلى كارنەگي-حولل ساحناسىندا (نيۋ-يورك) ونەر كورسەتتى. دىبىس جازاتىن حالىقارالىق «Orpheus» كومپانياسى ارتىستەردىڭ كومپاكت-ديسكىلەرىن جازىپ, تاراتۋدى ءوز موينىنا الدى. ايتا كەتەتىن جايت, ولاردىڭ دىبىس جازۋىنا اۆتورلىق قۇقىق جانە جەكە قولدانىسىنا 1000 دانا كۇيتاباق بەرىلمەك. بۇل جەڭىمپازدار ءۇشىن ەڭ ۇلكەن ماراپات بولىپ سانالادى. سونداي-اق, ارتىستەردىڭ ەسىمى, جاڭادان قۇرىلعان دۇنيەجۇزىندەگى كلاسسيكالىق مۋزىكانتتاردىڭ ءمۇددەسىن قولدايتىن «Manhattan Internationai Artists» اگەنتتىگى ءتىزىمىنە ەنەدى.
ارتىستەردىڭ قالتاسىنان ارتىق شىعىن شىقپاۋى ءۇشىن, بايقاۋ نەگىزىنەن قاتىسۋشىلاردىڭ جىبەرگەن بەينەجازبالارى ارقىلى وتكىزىلدى. ونەر بايگەسىندە باق سىناۋشىلارعا قويىلعان تالاپتىڭ ءبىرى ورىنداۋشىلاردىڭ جاسى 35-تەن اسپاۋى ءتيىس. بايقاۋ فورتەپيانو, ۆوكال جانە ىشەكتى اسپاپتار اتالىمدارى بويىنشا ءوتتى. بەدەلدى قازىلار قۇرامىنا اتى اڭىزعا اينالعان پيانينوشى يۆو پوگورەليچ توراعالىق ەتتى.
ەرجان ك ۇلىباەۆتىڭ امەريكاداعى بۇل جەڭىسى – وسىعان دەيىنگى سانسىز جەتىستىكتەرىنىڭ ءبىرى عانا. بۇل سالادا اجەپتاۋىر بيىكتەردى ەڭسەرىپ ۇلگەرگەن جاس سريپكاشىنىڭ بۋەنوس-ايرەس, ليسسابون, بەرلين, ءنوۆوسىبىر جانە ەكاتەرينبوردا وتكەن حالىقارالىق بايقاۋلارداعى جۇلدەلەرى ونىڭ الەم سكريپكاشىلارى اراسىنداعى بەدەلىن بارىنشا اسىرا تۇسكەن اسقاق شىڭدارى دەۋگە ابدەن لايىق. «Washington Award» سىيلىعىنىڭ يەگەرى, پوزناندا (پولشا) وتكەن گ.ۆەنياۆسكي بايقاۋىنىڭ جەڭىمپازى ە.ك ۇلىباەۆقا ۇلىبريتانيا, اۆستريا, المانيا, شۆەيتساريا, بەلگيا, فرانتسيا, يسپانيا, پورتۋگاليا, مەكسيكا, اقش جانە كانادانىڭ كورەرمەنى قول سوعىپ, قوشەمەت كورسەتتى.
قازاقستاندىق تالانت يەسى جايىندا مۋزىكا سىنشىلارى تاراپىنان وتە جوعارى باعا بەرىلۋدە. مىسالى, ارگەنتينانىڭ «La Nación» باسىلىمىنىڭ ءتىلشىسى بىلاي دەپ جازادى: «سىرباز جاس ءسوليستىڭ سول قولىندا – ستراديۆاري سكريپكاسى. ونىڭ جارقىراپ ويناۋىنداعى دىبىستىڭ ەكپىندىلىگى, جوعارى تەحنيكاسى ۇلكەن اسەر قالدىرادى, ءاربىر كورەرمەندى وزىنە باۋراپ الادى. سكريپكاشى پ.چايكوۆسكيدىڭ مۋزىكاسىن ناقتى ءارى سەزىمگە تولى ەتىپ جەتكىزە ءبىلدى. كەش سوڭىندا ارگەنتينالىق كورەرمەن ورىندارىنان تىك تۇرىپ قول سوقتى».
قارشىعا كۇلەن
سۋرەتتە: ەرجان ك ۇلىباەۆ
الەمگە ايگىلى قازاقستاندىق سكريپكاشى ەرجان ك ۇلىباەۆ نيۋ-يوركتە وتكەن ءى مانحەتتەندىك مۋزىكا بايقاۋىنىڭ ىشەكتى مۋزىكالىق اسپاپتار اتالىمى بويىنشا ءبىرىنشى جۇلدەنى يەلەندى. مۇنىمەن قاتار, وتانداسىمىزدىڭ ەسىمى «Manhattan Internationai Artists» اگەنتتىگى تىزىمىنە ەنگىزىلمەك.
جالپى, حالىقارالىق «Manhattan Music» بايقاۋىنىڭ ماقساتى ارتىستىگىمەن, ساحناداعى وزگەشە دارىندىلىعىمەن ەرەكشەلەنگەن ورىنداۋشىلاردى تاۋىپ, ولاردىڭ الەمدىك دەڭگەيدە ونەر كورسەتۋىنە, كاسىبي تۇرعىدا ءوسىپ-دامۋىنا بارىنشا قولداۋ كورسەتۋ بولىپ تابىلادى.
جەڭىمپاز مۋزىكانتتار ايگىلى كارنەگي-حولل ساحناسىندا (نيۋ-يورك) ونەر كورسەتتى. دىبىس جازاتىن حالىقارالىق «Orpheus» كومپانياسى ارتىستەردىڭ كومپاكت-ديسكىلەرىن جازىپ, تاراتۋدى ءوز موينىنا الدى. ايتا كەتەتىن جايت, ولاردىڭ دىبىس جازۋىنا اۆتورلىق قۇقىق جانە جەكە قولدانىسىنا 1000 دانا كۇيتاباق بەرىلمەك. بۇل جەڭىمپازدار ءۇشىن ەڭ ۇلكەن ماراپات بولىپ سانالادى. سونداي-اق, ارتىستەردىڭ ەسىمى, جاڭادان قۇرىلعان دۇنيەجۇزىندەگى كلاسسيكالىق مۋزىكانتتاردىڭ ءمۇددەسىن قولدايتىن «Manhattan Internationai Artists» اگەنتتىگى ءتىزىمىنە ەنەدى.
ارتىستەردىڭ قالتاسىنان ارتىق شىعىن شىقپاۋى ءۇشىن, بايقاۋ نەگىزىنەن قاتىسۋشىلاردىڭ جىبەرگەن بەينەجازبالارى ارقىلى وتكىزىلدى. ونەر بايگەسىندە باق سىناۋشىلارعا قويىلعان تالاپتىڭ ءبىرى ورىنداۋشىلاردىڭ جاسى 35-تەن اسپاۋى ءتيىس. بايقاۋ فورتەپيانو, ۆوكال جانە ىشەكتى اسپاپتار اتالىمدارى بويىنشا ءوتتى. بەدەلدى قازىلار قۇرامىنا اتى اڭىزعا اينالعان پيانينوشى يۆو پوگورەليچ توراعالىق ەتتى.
ەرجان ك ۇلىباەۆتىڭ امەريكاداعى بۇل جەڭىسى – وسىعان دەيىنگى سانسىز جەتىستىكتەرىنىڭ ءبىرى عانا. بۇل سالادا اجەپتاۋىر بيىكتەردى ەڭسەرىپ ۇلگەرگەن جاس سريپكاشىنىڭ بۋەنوس-ايرەس, ليسسابون, بەرلين, ءنوۆوسىبىر جانە ەكاتەرينبوردا وتكەن حالىقارالىق بايقاۋلارداعى جۇلدەلەرى ونىڭ الەم سكريپكاشىلارى اراسىنداعى بەدەلىن بارىنشا اسىرا تۇسكەن اسقاق شىڭدارى دەۋگە ابدەن لايىق. «Washington Award» سىيلىعىنىڭ يەگەرى, پوزناندا (پولشا) وتكەن گ.ۆەنياۆسكي بايقاۋىنىڭ جەڭىمپازى ە.ك ۇلىباەۆقا ۇلىبريتانيا, اۆستريا, المانيا, شۆەيتساريا, بەلگيا, فرانتسيا, يسپانيا, پورتۋگاليا, مەكسيكا, اقش جانە كانادانىڭ كورەرمەنى قول سوعىپ, قوشەمەت كورسەتتى.
قازاقستاندىق تالانت يەسى جايىندا مۋزىكا سىنشىلارى تاراپىنان وتە جوعارى باعا بەرىلۋدە. مىسالى, ارگەنتينانىڭ «La Nación» باسىلىمىنىڭ ءتىلشىسى بىلاي دەپ جازادى: «سىرباز جاس ءسوليستىڭ سول قولىندا – ستراديۆاري سكريپكاسى. ونىڭ جارقىراپ ويناۋىنداعى دىبىستىڭ ەكپىندىلىگى, جوعارى تەحنيكاسى ۇلكەن اسەر قالدىرادى, ءاربىر كورەرمەندى وزىنە باۋراپ الادى. سكريپكاشى پ.چايكوۆسكيدىڭ مۋزىكاسىن ناقتى ءارى سەزىمگە تولى ەتىپ جەتكىزە ءبىلدى. كەش سوڭىندا ارگەنتينالىق كورەرمەن ورىندارىنان تىك تۇرىپ قول سوقتى».
قارشىعا كۇلەن
سۋرەتتە: ەرجان ك ۇلىباەۆ
سوڭعى جاڭالىقتار
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
