يتاليا: ەسكى تۇرمەلەر وتەلدەرگە اينالادى
يتاليا بيلىگى ريم, ميلان جانە نەاپول قالالارىنداعى تاريحي تۇرمەلەردى ساتۋعا نيەت ءبىلدىردى.
وسى تۇستا ولاردىڭ وتەلدەر مەن جەكەمەنشىك رەزيدەنتسيالار ءۇشىن بەرىلەتىندەرى دە ايتىلىپ جاتىر. ازىرگە ساۋداعا ميلانداعى سان-ۆيتتورە اباقتىسى شىعارىلىپ تۇر. ول 750 تۇتقىنعا ارنالىپ 1879 جىلى سالىنعان ەكەن. بۇدان كەيىنگى لوتتارعا ريمدەگى رەدجينا كوەلي (1600 جىل, 600 ادام) مەن نەاپولداعى پودجورەالە (1914 جىل, 2 000 ادام) تۇرمەلەرى كىرەدى. بىراق قازىر يتاليا تۇرمەلەرى اۋزى-مۇرنىنان شىعىپ تۇر. سونىڭ سالدارىنان 50 مىڭعا ارنالعان قاپاستاردا 54 مىڭ سوتتالۋشى وتىر.
ەۋروپانىڭ جارتىسى – ءبىر ەركەكتىڭ بالاسى
قازىرگى تاڭدا باتىس ەۋروپادا تۇراتىن بارلىق ەر كىسىلەردىڭ تەڭ جارتىسى ءبىر ادامنىڭ ۇرپاعى كورىنەدى.
Nature Genetics جۋرنالىندا جاريالانعان زەرتتەۋ قورىتىندىسى ولاردىڭ ءتۇپ اتاسى قولا داۋىرىندەگى اقسۇيەكتەر اۋلەتىنىڭ نەگىزىن قالاۋشى ءبىر كوسەم ەكەنىن بىلدىرەدى. حالىقارالىق عالىمدار ۇجىمى مۇنداي تۇجىرىمعا 26 ەلدە تۇراتىن 1 200 ەركەكتىڭ Y-حروموسومدارى اراسىنداعى ايىرماشىلىقتاردى زەرتتەۋ ناتيجەسىندە كەلگەن. ال بۇل حروموسوم تەك ەر كىسىلەر ارقىلى بەرىلىپ تۇرادى.
تەحاستا سەلفيگە ارنالعان ەسكەرتكىش پايدا بولدى
اقش-تىڭ تەحاس شتاتىنداعى شۋگار قالاسى مەرياسىنىڭ الدىندا ايفونمەن اۆتوپورترەت ءتۇسىرىپ تۇرعان ەكى قىزدىڭ قولا ءمۇسىنى قاتارعا قوسىلدى.
NBC4 تەلەارناسى اتاپ وتكەندەي, بۇل 10 مۇسىننەن تۇراتىن كوللەكتسيانىڭ ءبىرىنشى نىسانى ەكەن. ول «وزدەرىن وزدەرى اتاتىندارعا» ارنالعان الەمدەگى ءبىرىنشى تۇپنۇسقالىق مونۋمەنت بولىپ شىقتى. بىراق بۇل يدەيانى جاقتاۋشىلاردان داتتاۋشىلار كوپ بولىپ كەتكەن. الەۋمەتتىك جەلىنى پايدالانۋشىلاردىڭ كوبى تەحاستان شىققان تانىمال تۇلعالارعا ارنالعان ەسكەرتكىشتەردىڭ مۇلدەم از ەكەنىن العا تارتىپ, قايداعى ءبىر نارسەنى اسپەتتەۋگە قارسىلىق بىلدىرگەن.
جەتى جاسار ميلليونەر برازيليادا تۇرادى
برازيليا پرەزيدەنتىنىڭ مىندەتىن اتقارۋشى ميشەل تەمەردىڭ وزىمەن اتتاس جەتى جاسار ۇلى ءوز قاتارلارىنا قاراعاندا, اناعۇرلىم پىسىق بولىپ شىقتى.
سوڭعى ايدا بۇرىنعى پرەزيدەنت ديلما رۋسسەفتىڭ وتستاۆكاعا جىبەرىلۋىنە بايلانىستى ەلدى ۋاقىتشا باسقارىپ وتىرعان جوعارى دارەجەلى شەنەۋنىكتىڭ مۇراگەرىندە قازىردىڭ وزىندە ەكى كەرەمەت ۆيللا بار. سونداي-اق, كەڭ كولەمدى عيماراتتاعى اكەسىنىڭ شتاب-پاتەرى ورنالاسقان ەكى وفيس تە وسى «ميلليونەر» بالانىڭ اتىندا. وسىلاردىڭ وزىنەن قۇنى 570 مىڭ دوللار بولاتىن جىلجىمايتىن م ۇلىك شىعادى. ال اكەسىنىڭ ەسەپشوتىنداعى 2,14 ملن. دوللار مولشەرىندەگى اقشا بۇل ساناتقا كىرمەيدى.
لاتۆيا ادام ەسىمىنە دە «ەگەمەندىك» اپەرەدى
لاتۆيا ۇكىمەتى الداعى كۇزدە ەلدە تۇراتىن بارلىق ازاماتتاردىڭ اتى-جوندەرى لاتىش ۇلگىسىنە كەلتىرىلەتىن زاڭ جوباسىن قاراعالى جاتىر.
وسىدان باستاپ بيلىك باسقا ۇلتتاردىڭ جاڭا تۋعان بالالارىنىڭ «لاتىش تىلىندەگى زاڭدىلىقتار نەگىزىنە سايكەس كەلمەيتىن نەمەسە قوعامدا ايتۋعا قيىندىق تۋعىزاتىن» ەسىمدەرىن تىركەۋدەن باس تارتا الادى. قۇجاتتا نەگە باس تارتىلاتىنى اتاپ كورسەتىلەدى. ال مۇنداعى بار جاڭالىق ادام ەسىمى مەن تەگىنىڭ سوڭىنا «س» دەگەن قارىپتى قوسىپ جازۋدا ەكەن. سوندا ول لاتىش ءتىلىنىڭ گرامماتيكاسىمەن ۇيلەسىپ, ەل تۇرعىندارىنىڭ ءوزارا تاتۋلىعىن تانىتادى-مىس.
الەمدەگى ەڭ ريزا تۋريستەر – رەسەيلىكتەر
رەسەيلىكتەر الەمدەگى اسا ريزا ساياحاتشىلاردىڭ كوشىن باستاپ تۇر. مۇنى تۋريستىك سەرۆيس پورتالى مالىمدەدى. 50 ەل بويىنشا دەرەكتەردى زەرتتەگەن ساراپشىلار ينتەرنەتتە وزدەرىنىڭ ساپارلارى تۋرالى ريزا كوڭىل بىلدىرەتىندەردى انىقتادى.
ناتيجەسىندە ءبىرىنشى ورىن 92,3 پايىزبەن رەسەيلىكتەرگە بۇيىرعان. ەكىنشى ورىنعا 89,9 پايىزبەن چەحتار ورنالاسقان. ۇشتىكتى 89,5 پايىزبەن پولشالىق تۋريستەر قورىتىندىلايدى. ەڭ ريزا ەمەس ساياحاتشىلاردى 18,5 پايىز كورسەتكىشپەن وڭتۇستىككورەيالىق تۋريستەر باستاپ تۇر. ولاردان كەيىن مەكسيكالىقتار اتالىپ وتىر – 14,8 پايىز. ريزا ەمەستىلەردىڭ ۇشتىگىن 14,6 پايىزبەن مالايزيالىقتار تۇيىندەگەن.
اقپارات اگەنتتىكتەرىنىڭ ماتەريالدارى نەگىزىندە دايىندالدى
