جازاسىن وتەۋشىلەر

قىزىلوردادا جۇمىسپەن قامتىلا باستادى بۇرىندارى «سوتتالعان» دەگەن ءسوزدى ەستىسەك, ول ادام جۇمىسقا جارامسىز نەمەسە مۇگەدەك ءتارىزدى كورىنەتىن. نەگە ەكەنىن قايدام, اباقتىنىڭ ارعى جاعىنان ورال­عانداردى قوعام شەتتەتىپ, ادام تەرىس اينالاتىن دارەجەدە بولدى. ال قازىر شە؟ قازىر جازاسىن وتەۋشىلەرگە مەملەكەت قامقورلىق تانىتا باس­تادى. سونىمەن قاتار, ولار تۇزەتۋ مەكەمەلەرىندە ءجۇرىپ-اق جۇمىسپەن قامتىلىپ, جالاقى الىپ, ەڭبەككە تارتىلا باستادى. ءتىپتى, جۇمىسپەن قامتۋ ورتالىقتارى سوتتالىپ كەل­گەندەردىڭ ءوزىن جۇمىسقا ورنالاس­تىرۋ ماسەلەسىن شەشىپ بەرۋدە. تاياۋدا قىزىلوردا وبلىستىق پروكۋراتۋراسى «تۇزەۋ مەكەمە­لەرىندەگىلەردى جۇمىسپەن قامتۋ-2017» جوباسى نەگىزىندە ناق­تى شا­رالار قابىلدادى. وسىنىڭ ناتيجەسىندە زك-169/4 قونىس-كولونياسىندا باس بوستاندىعىنان ايىرىلعاندار ەڭبەككە تارتىلدى. ناقتىراق ايتقاندا, 25 سوتتالۋشى كىرپىش شىعاراتىن زاۋىتقا ورنالاستىرىلدى. ەڭ باستىسى, بۇل ازاماتتاردىڭ ءتارتىبى مەن تۇزەلۋ جولىنا ءتۇسۋى ەسكەرىلىپ, ولاردى شارتتى تۇردە مەرزىمىنەن بۇرىن بوساتۋ جانە جەڭىل جازاعا اۋىستىرۋ جاعى قاراستىرىلدى. بۇگىندە سوتتالعانداردى جۇ­مىس­پەن تولىق قامتۋدىڭ ءناتي­جەسىندە مەملەكەت قازىناسىنا 2 755 200 تەڭگە قارجى تۇسكەن. ايتا كەتەيىك, سىر وڭىرىندەگى وزگە دە تۇزەۋ مەكەمەلەرىندە جازاسىن وتەۋشىلەردى جۇمىسپەن قامتۋ جىل سوڭىنا دەيىن 75 پايىزعا جەتەتىن بولادى. تالعات رايىمبەك, «ەگەمەن قازاقستان»